Gewilde Bybelverse vanaf Asmani kitab: Sulaimani misal 3

Deel

Mabudor ufre nirbor ḳoro, fura dil-mon shofia, tumar nizor buddir ufre, ḳorio na borosha. Tumar hokkol sola-firat, iad ḳoro tanre, sohi-shuza ḳorba tain, tumar solar fotre.

Nizor souḳe nizore to, giani na babio, bod ḳam taki horia roio, Mabudre ḍoraio.

Tumar don-doulot dia, ijjot deo Mabudre, foyla daoa fol-fosholdi, shomman ḳoro tanre, teu tumar ugar oḳol, foy-foshole boribo, ḳoyla taki anguror rosh, baia baia foṛibo.

Doya-mayae na zauk fut, tumare saṛia, hok-halalie bora rouk, tumar deho-ḳaya, tumar golat bandia raḳo, hoḳole deḳar lagi, dilor maze kudia leḳo, fauritae na ḳori.

Shuna fut Mabudor shashonre, omainno ḳorio na, tain tumare hedayot ḳorle, ela ḳorio na. Bafe zela damki maroin, mayar fuare, Mabude ola damki dein, mayar ashikre..

Huno huno amar fut, bulio na mor talim, tumar dilo gata rouk, amar shob hukum, ola solle faibae tumi, lamba hayati, otae tumar zibon ḳorbo, shanti unnoti.

Nek-kofali hou zon, ze failo gian don, shu-buddi ze fae he-o ḳofali. Gian to rufa taki, lab dibo bout beshi, shuna taki-o aro dami. Moni-mukta-roton, gian boṛo dami don, tair homan kunu saoa-u nai.

Zerare balai kora zorur, ita tumi korio, balai korar shaiddo taḳle, horia na roio.

Mabude ou giandi, gaṛila duniar bitti, aḳoldi asman boail ḳorila