Gewilde Bybelverse vanaf Roomaꞌ 8

Deel

Ee'noko nii'ke noru'ampiri otong teing ookara kapoo'nanka tavo'arimaing nii' tampa' nko-koong nii' Kumponing piaavampimaing ee'noko baremuri bokumuru'ning.

Ninge tee tasi'pansi otong kapoo' otoa' nii' tankaamuripeu'nung Kumponing bakaang piaa-eta Jiisuu' Karistoo' niikaang Ovoring-koo oro'paru'nung-eta, bane aing aa'ning tavo'kuai: boo', domang-anta, koosinunanka, ovontunanka, enang otoroining, kapoo' dama' tavo'aravaining, iri'nanka, detonoo', boonkonoo'; Ee'noko nii'nung kapoo' makosi otoa' napo' Kumponinge nkovuru'ning-koo.

Tanuaang Meekunge pakumurimaung niikaang aruaru'koo. Ai' nii'ke tee tampa' noru'ampia' kunsi bakaang taung koonto'navung. Teka tanuaang Meekunge baka eentamemurimaung nii' paku-koo pankaruntoong-eta baiarama karai sira'koo makotua'.

Tee tee, enang are'pampipeu'? Kumponing niikaang pakupaku deemparako nii'koo karenung baa? Otoa'.

Tee'koo enang Kumponinge boo'koo miru'muria' nii' Karistoo'koo o'norining.

Teing nantoong biikaang noru' mono bakanameng-koo pinka'ariaining tee booroaining. Teka teing nantoong biikaang noru' Tanuaang Meekung bakanameng-koo pinka'ariaining tee domampariaing ee'noko mooa-koo otoroaing.

Nka tee, bane aing ookara kapoo' kune'ampiainge nii'ke tee bakei aa'na' puru'ampiaing Karistoo' ninka nii' piaamuru'nung ninka.

Ninge tee ee' noru'amaang: Tee kapoo'nanka baikenanka enanung batei-koo kompampimaatomaung tee kapoo' deea' tee-koo biraanke dama'ke nkavampiaing-koo.

Baie te'nemuripeu'nung teieta piaa Karistoo' bakaang? Turanturang makotua', orarunsi makotua', tuumpinang, peera, simpenoi', avo'avoro' ee'noko tavu', bakei ookara makosiaava'.

Ee'noko Kumponinge ookara biikaang domang keperuu'urimaunge tee noru'ui otong tee onou Tanuaang Meekung bakaang, Kumponing-pina' nari' noru'aramaung-koo eentavevurima ookara bakaning meekupoong.

Teing nantoong Kumponing bakaang Tanuaang Meekunge siong-antavurimaing teing Kumponing baurukaa'.

Teing nantoong mono bakanameng siompaamaing tee biikaang noru' mono bakanameng-koo pinka'arimaung. Teka teing nantoong Tanuaang Meekung bakanameng siompaamaing tee biikaang noru' Tanuaang Meekung bakanameng-koo pinka'arimaung.

Teie bauring orokovuaruu'nunge nii'koo baike kune'uu'naang, ookara kapoo' ee orokovupeu' bauring ninka nari' avu'koo? Makotua'.

Tee'koo Kumponing bakaang Tanuaang niikaang tanuaang ninka narung deemarima nii' sira'marimaung nii' teing Kumponing baurukaa'. Ee'noko nii' Kumponinge baurukaa' deemariko barenku oko-antamuriai Jiisuu' Karistoo' ninka, a'noo' tee nari' baike kompampira tee ninka deeko' bakaang biraanke nari' kompampia'naang.

Tee noru' mono bakanamenge otomaung tee Kumponing-koo too'denung, Kumponing-nung boto-koo kupi'omaung, bakei makotua' nii'na' nko-koo.

Ookara kapoo'nanka Kumponinge nkovuru'ning tee nemparimaung Kumponinge baurukaa' biraankevurima sira'antavuriaina'mung-koo.

Nii'ke noru'ampiri otong ookara kapoo'nanka kansi'kooninge aa'na' sisikeera tora'paamaung baike amutemurii' kune'aama e'mung doong-koo basinoo'koo.