Tshela ka Nonofo le Bopelokgale!预览

O Dira Gore Dilo Tsotlhe di go Solegele Molemo

Modimo o laola sengwe le sengwe mo karolong nngwe le nngwe ya botshelo jwa rona. O kgona go fetola maemo ape fela gore a re solegele molemo jaaka badumedi.

"Mme re itse gore bone ba ba ratang Modimo, dilo tsotlhe di dira mmogo go ba tsalela molemo, e bong bone ba ba biditsweng ka fa boikaelelong jwa Modimo." Baroma 8:28

O kgona go rarabolola mathata a a raraaneng thata a botshelo, mme o tla re kaela mo tseleng ya go diragatsa maikaelelo a Gagwe ka matshelo a rona. O batla fela gore re mo ikanye gore o tla dira jalo.

"Ikanye Morena ka pelo yotlhe, mme o se ikaege ka tlhaloganyo ya gago. Mo gopole mo ditseleng tsotlhe tsa gago, mme ene o tla siamisa ditselana tsa gago." Diane 3:5-6

Go ikanya Modimo ga go reye gore ga re tlhole re na le maikarabelo e bile re tshwanetse go nna balebedi ba ba molemo. Go na le moo, boikarabelo jwa motho ka namana le go mo ikanya di a tsamaisana. Fa re dira seabe sa rona, Modimo ka metlha o a ikanyega mo go direng sa Gagwe le go re etelela pele ka tsela e e molemo.

Mo makgetlong a le mantsi, Modimo o re kaela ka go re bulela le go re tswalela "dikgoro" mo maemong a re leng mo go one. Ka dinako tse dingwe, maemo a rona a tlhoka fela gore Modimo a tsenelele gore a re fodise, a dire kgakgamatso, kana a dire sengwe se se neng se ka se kgonege.

Jesu a ba leba, a ba raya a re: "Seo mo bathong se padile; mme mo Modimong tsotlhe di ka diragala." Matheo 19:26

E ka ne o lebane le bolwetse jo bo sa foleng, mathata a tsa madi, kana le eleng go swelwa ke mongwe yo o mo ratang ka tshoganetso, Modimo o teng ebile o kgona go dira ka tsela e e fetang ya tlholego mo dinakong tseno.

Modimo ke setswerere mo go fetoleng matlhotlhapelo go nna phenyo le mathata go nna boitumelo ka Mowa o o BoitshepoMowa o o Boitshepo. Le ka motlha o se ka wa belaela gore Modimo o sa ntse a "dira dikgakgamatso" gompieno. Modimo o kgona go tsereganya mo maemong ape fela a a sa kgonegeng!