ઇસુ સાથેની મોઢામોઢ મુલાકાત预览

યર્મિયાને “રડનાર પ્રબોધક” તરીકેનું એક હુલામણું નામ આપવામાં આવ્યું હતું. તે કોઈ એક મહાન નામ નથી તોપણ તે માર્મિક તો છે જ કારણ કે તે તેના તેડાને સંપૂર્ણપણે સમર્પિત હતો અને ઘણી કાળજી અને કરૂણા સાથે તે તેને આગળ ચલાવતો હતો. તે તેના લોકોને માટે, તેઓના પાપોને માટે અને તેઓ ઈશ્વરથી વિમુખ થતા હતા તેના લીધે દુઃખી થતો હતો. જે શબ્દો તે તેના મુખમાં મૂકશે તે બોલવા માટે ઈશ્વરે તેને આદેશ આપ્યો હતો અને તેણે તે કામ ભંગીત અને દીન હૃદયે કર્યું. એકમાત્ર સાચા ઈશ્વરની આગળ સમર્પિત કરીને જે હૃદયે તેનું દુઃખ અને હૃદયભંગનો અનુભવ કર્યો હતો એવું એક પુસ્તક, યર્મિયાનો વિલાપ પણ યર્મિયાએ લખ્યું હતું.

જેઓ ઈશ્વરને પ્રેમ કરે છે અને તેમના માટે જીવે છે એવા લોકો તરીકે એ મહત્વનું છે કે આપણે વિલાપ કરવાનું શીખીએ. વિલાપ કરવું તે ફરિયાદ કરવાની બાબત નથી પણ પોતાની જાતને ખુલ્લી રીતે અને ઈમાનદારીથી તમારા સર્જનહારની આગળ દુઃખી થવાની અનુમતિ આપવાની બાબત છે. ઈશ્વરની ઉપસ્થિતિમાં પોતાની જાતને ખાલી કરી દેવાની બાબત તે છે કે જેથી તમારા માટે તેમણે જે ઈચ્છા રાખી છે તે ઘાટમાં તે તમને ઘાટ આપી શકે.

પોતાને પૂછવાનાં સવાલો:

શું મારા જીવનમાં કોઈ એક ધરબાયેલું દુઃખ છે જેના વિષયમાં હજુ સુધી કોઈ ઉકેલ શોધવામાં આવ્યો નથી ?

મારી ક્ષમતાની બહારની બાબતો શું મને પરેશાન કરી રહી છે ?

શું હું પોતાને ઈશ્વરની સુરક્ષામાં સોંપી શકું અને તેમની હાજરીમાં વિલાપ કરી શકું ?