Ara ÈkéÀpẹrẹ

Ẹ̀yà araà rẹ wo ló ń bà ọ́ lẹ́rù láti wo ní iwájú Ọlọ́run?

Ní àsìkò tí ó ṣe é ṣe wípé ojúlówó òtítọ́ jẹ́ ìwà tí a fẹ́ jùlọ, ó yani lẹ́nu láti ṣe àgbérò bí ìbòjú tí a ń wọ̀ ṣe pọ̀ tó. O lè lọ sí ẹnu isẹ́ kí o sì bo àwọn áléébù rẹ pẹ̀lú ìbòjú ìgboyà.

Bóyá ò ń lo ẹ̀gàn gẹ́gẹ́ bíi ìbòjú láti bo ìbẹ̀rù rẹ fún àṣìṣe.

Pelu agbègbè titun kọ̀ọ̀kan, a ń ṣe ẹ̀dá ìdánimọ̀ eke. A kò rí ara wa bí ẹni tó pé tó, torí náà a ń ṣe àlùpàyídà àwòrán Ọlọ́run tó wà nínú wa láti bárajọ pẹ̀lú àìní àsìkò.

Ṣùgbọ́n kí ló dé tí a fi má ń fọwọ́ yẹpẹrẹ mú ìpele ìdánimọ̀ wa tí a ń fojú rí tí a sì ma ń ṣe ìgbàgbé ìpele ara wa tó jinlẹ̀ jùlọ? Kò lè rara: Ẹ̀rù ló ń bà wá.

Ìbẹ̀rù, ìfẹ́kúfẹ̀ẹ́ òranyàn tó fẹ́ràn láti fi àwòrán ara ẹni tó bójúmu hàn, ló ń tì wá kúrò ní ẹni tí àwa jẹ́ ní tòótọ́. Èyí ló má a ń fa bíbí i ara èké. Ara èké yí ni ìdánimọ̀ tí a bí nínú olúkúlùkù wa nítorí ìbẹ̀rù láì i ṣe tí ìfẹ́.

Síbẹ̀síbẹ̀, àni nínú ìtàkùn àìdánilójú yìí, a kò wà ní aìnìí ìrètí. Bíbélì kọ́ wá wípé ìfẹ́ ni Ọlọ́run, àti wípé ìfẹ́ pípé a má a lè ìbẹ̀rù jáde.

Ọlọ́run nífẹ̀ẹ́ ẹni tí a jẹ́ gangan, ẹni tó dá wa ní àwòrán ara rẹ̀. Ọrẹ ọ̀fẹ́ rẹ̀, nígbàtí a bá gbà á, ń nu òwúsúwusù kúròní ojú u wa tí n ṣe ìrẹ̀wẹ̀sì kí a lè bẹ̀rẹ̀ sí rí ara wa bí òun ṣe ń rí wa.

Ara èké ń sọ pé: “Mo ní láti ṣe àṣehàn.”

Ọlọ́run sọ pé: “Nínúù mi ni ìdánimọ̀ rẹ wà.”

Ara èké ń sọ pé : “Bẹ̀rùu ìtẹ́wọ́gbà àwọn ènìyàn.”

Ọlọ́run sọ pé: “Bẹ̀rù mi kí ó sì bọ̀wọ̀ fún mi.”

Ara èké ń sọ pé: “Aláìníláárí ni ẹ́.”

Ọlọ́run sọ pé: “Àyànfẹ́ mi lo jẹ́. “

Ìríṣí:

Báwo ni àlà tó wà láàárín ẹni tí ó ń fi hàn àwọn ènìyàn àti ẹni tí ó jẹ́ ni tòótọ́ ṣe fẹ̀ tó? Àwọn ìbẹ̀rù wo ló ń fi ìtara darí ẹni tí ò ń fihàn?

Àdúrà

Ọlọ́run, mo dúpẹ́ fún ifẹ rẹ aláínìdí. Fúnmi ní ojú inú láti rí àwọn apá kànkan ayéè mi ti ọ̀pọ̀ ẹ́rù ń bà mí láti dojúkọ. Lóní, mo yàn láti gbẹ́kẹ̀lé ọ nìkan. Àmín.