Ayọ̀ fún Ìrìnàjò náà: Wíwá Ìrètí ní Àárín ÌdánwòÀpẹrẹ

Bí a ṣé ń parí ìrìnàjò aláyọ̀ wa, mo fẹ́ kí o ronú nípa ẹni tí ó ń darí rẹ nínú ìrìnàjò rẹ sí ayọ̀. Ṣé ìwọ ni? Ṣé ẹni tí o ní ìfẹ́ sí ni? Ṣé ọ̀rẹ́ kan ni?

Àbí Ọlọ́run ni?

A níílò Ọlọ́run láti jẹ́ atọ́ka-ọ̀nà wa kí ó sì tọ́ wa sí ọ̀nà nínú àwọn àdánwò tí a ń da ojú kọ, bí bẹ́ẹ̀ kọ̀ọ́ a ó sìnà ọ̀nà pàtàkì, kọlu àpáta, a ó sì ṣubú sí iwájú àti síwájú síi kúrò nínú ayọ̀, ètò, àti ète Rẹ̀.

Atọ́ka-ọ̀nà jẹ́ irinṣẹ́ tí ó se pàtàkì fun ìpàgọ́, ìrìnàjò, tàbí àwọn ìṣẹ ní ibi tí a ti ń lo àkókò púpọ̀ ní ìta gbangba, pàápàá bí ó bá jẹ́ ìwọ nìkan. Ohun èlò yìí dúró ṣinṣin ní ìgbàkígbà tí ojú ọjọ́ kò bá dára àti pé ó rọrùn láti gbé ká. Atọ́ka-ọ̀nà jẹ́ ìṣọra ààbò tí o ṣe gbẹ́kẹ̀lé fún gbogbo ènìyàn láí wo ọjọ́-orí.

Kókó iṣẹ́ atọ́ka-ọ̀nà ní láti tọ́ ọ sí ọ̀nà tí ò ń lọ ní gbogbo ìgbà, èyí tí yíó mú kí ó ṣòro fún ọ láti sọnù. Ní ọ̀pọ̀ ìgbà, àwọn arìnrìn-àjò aláfẹsẹ̀rin-ọ̀nà-jíjìn àti arìnrìn-àjò alápò àgbékọ́ẹ̀yìn gbé ẹ̀mí lé àwọn atọ́ka-ọ̀nà láti mú wọn dé ibi tí wọ́n ń lọ nítorí pé ìṣìnà kan ṣoṣo lè j'ọrí sí àjálù—kódà ó lè mú ẹ̀mí lọ. Ṣùgbọ́n nípa lílò atọ́ka-ọ̀nà láti wá ààrin gbùngbùn àríwá, wíwá ọ̀nà rẹ kàn ní ọgangàn rọrùn.

Olúkúlùkù wa ni ó ní ẹ̀bùn atọ́ka-ọ̀nà láti tọ́ wa sọ́nà àti láti darí ìrìnàjò wa. O ní tìrẹ, àwọn àyànfẹ́ rẹ náà ní tiwọn.

Atọ́ka-ọ̀nà a máa ṣe déédéé. . . kò yípadà; o dúró déédéé ní ìgbà gbogbo, ó ṣeé gbẹ́kẹ̀lé ní ìgbà gbogbo, ó dúró ṣinṣin ní ìgbà gbogbo, ó sì ń tọ́ka wa sì èbúté wa.

Bẹ́ẹ̀ náà ni Baba wa ọ̀run. Olóòótọ́ ni, Òun sì ni ÀÀRIN GBUNGBUN wa.

Ní ìgbà tí a bá yàn láti gbẹ́kẹ̀lé atọ́ka-ọ̀nà wa, Òun yíó darí wa ní ìgbà gbogbo sí ibi AYỌ̀… laì bìkítà ipò wa. A le rí Ayọ̀ nínú Ìrìn àjò náà

Kì í ṣe láti fi ẹ̀rín èké s'ẹ́nu tàbí kí á díbọ́n bì ẹni tí inú rẹ̀ dùn ní ìgbà tí a wà nínú ìnira. Kìí ṣe pé kí a díbọ́n pé a kò jìyà, a kò ja ìjàkadì pẹ̀lú iyèméjì, tàbí kùnà látï rí bí Olọ́run ṣe lè mú ohunkóhun ti o dára jáde láti inú ipò naa.

Ó jẹ́ yíyàn láti wá ayọ̀ Rẹ̀ láàrin ìrora ọkàn. Ó jé gbígbà láti tẹríba fún ètò Ọlọ́run dípò ètò ti ara wa àti kí á mọ̀ pé ọ̀nà Rẹ̀ kìí ṣe ọ̀nà wa… ṣùgbọ́n ọ̀nà Rẹ̀, ní ìparí, dára ní ìgbà gbogbo nítorí pé Ó dára.

Lónìí, ohunkóhun tí ó lè máa fà ọ́ s'ẹ́yìn láti rí ayọ̀ ní inú ìrìnàjò yìí, kọ ọ́ sílẹ̀. Mo fẹ́ kí o yọ̀ǹda rẹ̀ fún Ọlọ́run. Mo fẹ́ kí o ní ìgbàgbọ́, kí o sì gbẹ́kẹ̀lé Ọlọ́run pẹ̀lú ohun tí ó ń dà ọ́ láàmú tí ó sì ń mú ọ rẹ̀wẹ̀sì.

Ìṣesí wa ní àkókò ìdánwò ṣe pàtàkì. Ní ìgbà tí ìjàkadì náà bá ń lọ lọ́wọ́, àárẹ̀ lè mú wá, kí ó sì rẹ̀ wá, kí a já wa ní tànmọ́ọ̀, kí a sì rẹ̀wẹ̀sì.

Ṣùgbọ́n ní ìgbà tí a bá rántí pé ayọ̀ jẹ́ ohun ìjà wa tí ó farasin, yíó fún wa ní okun láti fi ara dà á ní ìgbà tí a bá rò pé a kò lè tẹ̀síwájú. Nípa rírántí pé ti Olúwa ni ogun yìí, a lè mọ ayọ̀ Rẹ̀, kí a sì ní okun láti tẹpẹlẹ mọ́ ọ

Bí o bá rí i pé o níílò ìwúrí díẹ̀ sí nínú ìrìnàjò yìí, mo gbà ọ́ ní ìyànjú láti wá Finding Hope (Wíwá ìrètí), ẹgbẹ́ alátìlẹyìn fún àwọn tí àwọn àyànfẹ́ wọ́n ní ìwà bárakú kan