Mat. 3
3
Imiakratin Juaṉ atsamunam étserma
(Mar. 1:1-8; Ruk. 3:1-9; 3:15-17; Jṉ. 1:19-28)
1Nuyá̱ imiakratin Juaṉ Jutá shuar atsamunam etserki̱ támiayi. 2“Ené enentáimia ajastarum. Tsawant ishichik ajasái Yus ju̱i̱ akupin ajastin.” Tu etserkamiayi.
3Nú Juáṉkan yaunchu Yúsnan etserin Isayas ju̱na áarmiayi
“Shuar atsamunam aents untsumui. Untsumuk ‘Atumí enentái̱ Uuntá jinti̱ iwiarturtarum tura naka awajsatarum’ tawai.” Tu áarmiayi.Isa. 40:3
4Nu Juaṉsha kamiyu ure najantramun entsauyayi. Emenmamkesha nuapeyayi. Tura yutai̱ titikriátsnasha chiniji̱a̱i̱ yúuyayi. 5Tura Jerusaréṉnumia̱ shuarsha tura ashí Jutanmaya̱ shuarsha Jurtannum matsamiarmia nú shuarsha mash Juáṉkan tariarmiayi ni chichame̱n anturkatai tusar. 6Tura ni yajauch túramuri̱n paant etserkarmatai Juaṉ Jurtannum imiainiarmiayi.
7Juaṉsha untsurí Pariséuncha Satuséuncha imiatti tusa wininian wainiak chicharainiak “Napia ániutirmincha ¿ya atumniasha ti asutniátniunmaya̱ uwempratniuncha ujatmákmarum? Asutiátin tsawant ishichik ajasái. 8Tuma asamtai ené enentáimia ajasuitkiurmeka péṉker wekaamurmiji̱a̱i̱ paant iniakmastarum. 9Atumsha ‘Iikia Aprajám weaitji’ tu enentáimtumasairap. Nuja̱i̱ uwemprashtatrume. Yus wakerakka ju̱ kayan Aprajáman tiraṉki̱ najankainti tímiayi. 10Numi ajaktinia áintsaṉ kampuwá̱ri̱n jacha atuttsamuiti. Tura ashí numi péṉker nereatsna nuka ajakar jinium apeamu ártatui. 11Wikia átum ené enentáimiá ajasákrumin aya entsaja̱i̱ṉ ímiajrume. Antsu winia úkurui̱ winiana nuka péṉker awajtámsataj tusa imiantinia ánis tura jía ánis Yusa Wakaní̱n eṉketramprattarme. Wiji̱a̱i̱ naṉkamantu asamtai wikia tsuntsumpruán ni sapatrí̱nkisha atitrachminiaitjiai. 12Arusa nere̱ja̱i̱ túruinia áintsaṉ átatui. Awa̱jtiutairi̱n achikiuiti tura nuja̱i̱ saepe̱n awa̱jtittiawai. Tura nere̱n péṉker ikiustatui antsu saepe̱nka jinium apeattawai. Nu jisha tuke kaji̱nchaiti.” Tú timiayi Juaṉ.
Juaṉ Jesusan imiaimiu
(Mar. 1:9-11; Ruk. 3:21-22)
13Nuyá̱ Jesus Kariréanmaya̱ winis Jurtannum támiayi Juaṉ imiatti tusa. 14Juaṉsha árantak chicharmamuk Jesusan chicharuk “Ame nekaska winia imiatminiaitiatmesha ¿urukamtai winiasha tarutnium?” tímiayi. 15Tura Jesus chichaak “Tsaṉkatrukta yamaikia. Núnisrik ashí nekas túratniua nu umirkatniuitji” tutai Juaṉ iniaisámiayi. 16Tura Jesus ímia ni nuya̱i̱k entsaya̱ jiinkiai̱ nayaimpⁱ uranmiayi. Tura Yusa Wakaní̱ yámpitsa núnin Jesus táarun wainkiamiayi. Tura Jesusai̱ ekemsamiayi. 17Túramtai nayaimpinmaya̱ Yus chicháa antukamiayi “Ju̱ka winia Uchiruiti. Ti aneamuiti. Ti shiir enentáimtajai” tímiayi.
Đang chọn:
Mat. 3: jiv
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
©2009 Avant Ministries in cooperation with Wycliffe Bible Translators, Inc. All rights reserved.