Mat. 2
2
Ti neka apach Jesusan e̱a̱karma
1Jutá nuṉkanam Piriṉnum nui̱ Jesus akiiniamiayi. Nui̱sha nú nuṉka akupniúri̱ Irutisauyayi. Akiiniamtai ti neka apach etsa̱ tatainmaani̱ya̱ Jerusaréṉnum táarmiayi. 2Taar inintruiniak “¿Israer shuara úunt akupniuri̱ tui̱ akiiniait? Etsa̱ tatainmaani̱ pujaati ni yaari̱ wainkiamji. Tura tikishmátratai tusar winiaji” tiármiayi.
3Irutis nuna antuk nusháa enentáimpramiayi. Tuma asamtai ashí Jerusaréṉnumia̱ shuarsha antukar nusháa enentáimprarmiayi. 4Irutis nuikia ashí Yúsnan pujurniu úuntri̱ncha tura yaunchu akupkámun jintinniuncha untsukarmiayi. Tura Kristu ¿tu akiiniatniuya? 5Tutai chichainiak “Jutá nuṉká nui̱ Piriṉnum akiiniatniuiti. Yaunchu Yúsnan etserin tu áaruiti.
6 ‘Jutá nuṉkanam Piriṉnum Mik. 5:2 peṉké náakmachuka áchattawai.
Warí nuyá̱ Úunt Akupin winittiawai. Naṉ. 49:10
Ni ashí Israer shuaran, Wí shuar ásarmatai péṉker wáinkiartatui’ tawai Yus.” Tu tiármiayi.
7Nuna tuíniakui Irutis ti neka apachin ú̱saṉ urutía yaa emka wainkiamarum tusa aniasarmiayi. 8Nuyá̱ Piriṉnum akupeak “Nui̱ werum uchi péṉker inintrúsrum wáinkiatarum. Tura wainkiarum ujatkatarum. Wisha werin tikishmátutaj” tímiayi.
9-10Uunt akupin Irutis nuna tutai ti neka apach jíinkiarmatai yaan etsa̱ tatainmaani̱ pujuinia wáinkiarmia nú yaa tuke eem wémiayi. Tura yaan wáinkiar imiá naṉkaamas tí warasarmiayi. Tura nú yaa uchi pujumia nui̱ neka apachin ejeniarmiayi. 11Je̱á̱ waya̱war uchincha ni nukurí̱ Mariji̱a̱i̱ wáinkiarmiayi. Tura uchin tikishmátrarmiayi. Nuyá̱ ni eṉketái̱ri̱ya̱n jusa kurincha, mira kuṉkuinniasha, chíkich kuṉkuinniasha súsarmiayi. 12Nuyá̱ mesekranam Yus “Irutisai̱ni̱ waketkirap” tutai chíkich jintianmaani̱ waketkiarmiayi.
Ejiptunam pisamu
13Ti neka apach waketramtai Yusa suntari̱ Jusen mesekran ipiatkámiayi. “Nantakim uchi ni nukurí̱ji̱a̱i̱ Ejiptunam jukim pisarta túram nui̱ pujusta. Irutis uchin mátaj tusa e̱a̱ktatui. Tura ukunam aṉkant ajasmatai ujaktájme” tímiayi.
14Tutai Jusé kurat shintiar nú káshik uchincha nukurí̱ji̱a̱i̱ Ejiptunam jukimiayi. 15Irutis jáatsa̱i̱ṉ nui̱ pujusármiayi. Ejiptunam pujusmatai Yus yaunchu timia nu uminkiamiayi. Iis, Yúsnan etserin aak tímiayi “Ejiptunmaya̱n winia Uchirun untsukmajai.” Tu áarmiayi.Use. 11:1
Irutis uchi mámtikma
16Irutissha ti neka apach nin anaṉka yajá waketran nekáa ti kajekmiayi. Ti kajek ashí áishmaṉchin Piriṉnumsha tura yantamach pujuarmia nunasha máwarat tusa akupkámiayi. Ti neka apach ujakmia nuna enentáimias ashí jimiará uwin takakun tura nú uchichin máwarat tusa akupkámiayi. 17Nuka Yúsnan etserin Jirimías aarmia nu uminkiamiayi. Ju̱na áarmiayi
18 “Ramanam ti útainiak uur ajainiawai. Rakir ti utu asa atsaṉkrachminiaiti ni uchirí̱ jákarmatai.” Tu áarmiayi.Jrm. 31:15
19Tura Ejiptunam Jusé tuke nui̱ pujan Irutiska jákaiti tusa Yusa suntari̱ mesekranam ujaak 20“Uchin mátaj tiarmia nuka kaji̱ṉkiáru áiniawai. Yamaikia ataksha uchi ni nukurí̱ji̱a̱i̱ jukim Israer nuṉkanam waketkitia” tímiayi. 21Tutai Jusé nantaki̱ uchincha nukurí̱ji̱a̱i̱ jukí̱ Ejiptunmaya̱ Israer nuṉkanam waketkimiayi. 22Túrasha Irutisa uchirí̱ Arkiráu Jutanam úunt akupin ajasún nekáa nui̱ wétinian arankámiayi. Mesekranmasha ujakma asa nui̱ pujutsuk Kariréanam wémiayi. 23Nui̱ jeá Nasarétnum pujusmiayi. “Nasarétnumia̱ átatui” Yúsnan etserin yaunchu tu etserkamu nuja̱i̱ uminkiamiayi.Ruk. 2:39
Đang chọn:
Mat. 2: jiv
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
©2009 Avant Ministries in cooperation with Wycliffe Bible Translators, Inc. All rights reserved.