Mks. 4
4
Uunt Yusa tsawantri̱ átatna nu
1“Pai, yamaikia ji keak weantúkchamnia ajana imianú tsue̱r tsawant winittiawai. Nui̱sha ashí naṉkamantu enentáimtuma ainia nusha tura yajauchin túruinia nuka tsarútrája̱i̱ métek juákartatui. Tuma asamtai nu tsawantinkia ji keek kaṉkaptiuk tura kanawentuk nú aentska áeskam peṉké juákchartatui” tawai Ashí Akupin Uunt Yus. 2“Antsu Winia naar ashamniutirminkia Nekasa Nuja̱i̱ Métek Túrin-Etsa̱ jiini̱ etsantramprattarme tura nuna nanape̱ja̱i̱ ejatmak uwemtikramprattawai. Túrutmamtaikia waaka uchich unuertaj tusa wenuknum chumpíamu ji̱i̱ram nántea nántea ajainiatsuk. Atumsha núnisrumek túrunattarme. 3Wi íwiareaj nu tsawantinkia Yusan enentáimtichuka yuṉkunmia núnis ajasártatui. Tuma ásar atumí nawe̱n tepena ásarmatai amuturtatrume” tawai Ashí Akupin Uunt Yus.
4“Tuma asamtai Winia takartin Muisais akupkámu kajinmátkirap. Wi akupkámu ashí Israer shuar umiktinian Urepnum Muisaisan ataksamiaj nú enentáimturtarum. 5Nekaatarum. Yamaikia Uunt Yusa tsawantri̱ ti uunt tura ti ashamái̱ átatna nu jeachmanumaṉ Winia chichampru etserniun Iríasan akupkáttajai. 6Kame Wi ju̱i̱ nuṉká tana ashí yajauch yumiṉji̱a̱i̱ émeseatsa̱i̱ṉ apanka uchirí̱n enentáimtikrattawai tura uchincha aparí̱n enentáimtikrattawai” tawai Uunt Yus tímiayi Marakías.
Đang chọn:
Mks. 4: jiv
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
©2009 Avant Ministries in cooperation with Wycliffe Bible Translators, Inc. All rights reserved.