Salmos 23

Na'su ñama coira'su

1Ñajan oveja'cansi Na'su tsu ñama coira'su.

Tsa'cansi shacaya'bi gi.

2Ovejama ñotssia shoshovinga ccuiñaqquia'caen tsu

ñama manda cuintsu ña ño'faye.

Ppimppintssia na'en otafa'ye tsu

tiseja ñama angacan.

3Ña injama'choma tsu quiñaen.

Ñama tsu ñotssia tsaiquingae angacan

cuintsu ño'ame dapa tisema ñotsse in'jañe.

4Mapán sinjunccuni andepa sinttianga japa

paye tson'jen qquen in'jan'ni'qque qui,

que Na'su, ñai'ccu can'jensi

jongoesunga egave dambi.

Nane que accuicco'cho, que an'ccoi'ccu qui

ovejama fuiteqquia'caen ñama fuite'je.

5Ñama noñangiansundeccu ñama shoquendi'fasi

queja anqque'suma ñoñamba ñanga o'fian.

Oveja tsovema yayapai'ccu onjoenqquia'caen qui ñama ccushaen.

Ña tasa on'bapa fe'ti'tsse qui ñama cui'ña.

6Nane ñoa'me pa'cco ña cansuite qui ñama in'jamba

osha'cho ñotssiai'ccu ñama fuiteya.

Na'su, tsangae gi que tsaoni can'jeña.

Đang chọn:

Salmos 23: con

Tô màu

Sao chép

So sánh

Chia sẻ

Bạn muốn lưu những tô màu trên tất cả các thiết bị của mình? Đăng ký hoặc đăng nhập

Những câu Kinh Thánh phổ biến từ
Salmos 23