ᕉᒪᒥᐅᓄᑦ 12
12
ᐃᓅᓯᖃᕐᓂᖅ ᒎᑎᒥᒃ ᐱᔨᑦᓯᕐᓗᓂ
1ᑍᒤᒻᒪᑦ ᐃᓇᑉᐸᑦᓯ ᐃᓅᖃᑎᒃᑳ, ᒎᑎᐅᑉ ᓂᑲᒍᓱᖕᓂᕐᔪᐊᖓ ᐱᑦᔪᑎᒋᓗᒍ, ᑎᒥᓯ ᑐᓂᓯᒋᒃ ᑐᓂᕐᕈᑎᒃᓴᑐᑦ; ᐆᒪᓗᓯᓕ, ᐃᑦᔪᕐᓁᑦᑐᑐᑦ ᒎᑎᒧᓪᓗ ᖁᕕᐊᒋᔭᐅᔪᑐᑦ, ᑍᒤᓕᐅᕈᑦᓯ ᒎᑎ ᓱᓕᑦᓯᐊᕐᑐᒥᒃ ᐱᔨᑦᓯᕐᓂᐊᕐᐸᓯ ᐊᓂᕐᓂᒃᑯᑦ. 2ᓯᓚᕐᔪᐊᑉ ᒪᑐᒪ ᐃᓄᖏᑦ ᐊᑦᔨᒋᔪᓐᓃᕐᓯᐅᒃ, ᐊᑦᔨᒋᔪᓐᓃᕐᑎᑕᐅᓕᕆᑦᓯ ᐃᓱᒪᓯ ᓄᑖᓐᖑᕐᑎᑕᐅᓗᑎᒃ, ᒎᑎᐅᑉ ᐱᔪᒪᔭᖓᓂᒃ ᖃᐅᔨᔪᓐᓇᕐᓯᖁᓪᓗᓯ, ᓱᓇ ᐱᐅᖕᒪᖔᑦ ᓱᓇᓗ ᒎᑎᐅᑉ ᖁᕕᐊᒋᖕᒪᖔᒍ, ᓈᒻᒪᒋᖕᒪᖔᒍᓗ.
3ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᖓᑕ ᑐᓂᓯᕕᒋᓯᒪᖕᒪᖓ ᑕᒪᑦᓯᓐᓄᑦ ᐅᖃᕐᐳᖓ: ᓇᖕᒥᓂᑦᓯᓐᓂᒃ ᐱᐅᔪᕆᖁᓇᓯ, ᐃᓕᑦᓯᓐᓂᒡᓕ ᐃᓱᒪᒋᓕᕆᑦᓯ ᐃᓱᒪᒃᓴᕐᓯᐅᑦᓯᐊᕐᓗᓯ, ᐊᑐᓂᑦ ᒎᑎᐅᑉ ᑐᓂᔭᖓ ᐅᒃᐱᕐᓂᖅ ᒪᓕᒡᓗᒍ. 4#1 ᑯᕆᓐᑎ 12:12.ᐅᕙᒍᑦᑕᐅᖅ ᐊᑐᓂᑦ ᐊᑕᐅᓯᕐᒥᒃ ᑎᒥᖃᕋᑦᑕ, ᑎᒥᕗᑦ ᐊᑦᔨᒌᖏᑦᑐᓂᒃ ᐃᓚᖃᕐᓗᑎᒃ, ᑖᒃᑯᐊ ᐊᑐᓂᑦ ᐊᑦᔨᒌᖏᑦᑐᒥᒃ ᐱᓇᓱᐊᕐᓂᖃᕐᒪᑕ. 5ᑍᒫᒃᑕᐅᖅ ᙭ᔅᑑᓯᒥ ᐊᒥᓲᓪᓗᑕ, ᑎᒥᐅᕗᒍᑦ ᐊᑕᐅᓯᕐᒥ, ᐊᑐᓂ ᐊᒃᑐᐊᖃᑦᑕᐅᑎᓪᓗᑕ ᐅᕙᑦᑎᓐᓄᑦ ᑎᒥᒦᑦᑐᑎᑐᑦ. 6#1 ᑯᕆᓐᑎ 12:4-11.ᐊᑦᔨᒌᖏᑦᑐᓂᒃ ᑐᓂᕐᕈᓯᐊᕐᓯᒪᒐᑦᑕ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑐᓂᕐᕈᓯᐊᑦᑎᓐᓂᒃ, ᐊᑏ ᑐᓂᕐᕈᓯᐊᕗᑦ ᐊᑐᑦᓯᐊᓚᐅᕐᓚᕗᑦ: ᓇᓪᓕᐊᑦ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᑐᓂᕐᕈᓯᐊᕈᓂ, ᑍᒤᓕᐅᕐᓕ ᐅᒃᐱᕐᓂᖅ ᐱᓯᒪᔭᓂ ᒪᓕᒡᓗᒍ; 7ᓇᓪᓕᐊᑦ ᐱᔨᑦᓯᕐᓂᕐᒥᒃ ᑐᓂᕐᕈᓯᐊᕈᓂ ᐱᔨᑦᓯᕐᓕ; ᐃᓕᓐᓂᐊᕐᑎᑦᓯᓂᕐᒥᒃ ᑐᓂᕐᕈᓯᐊᕈᓂ ᐃᓕᓐᓂᐊᕐᑎᑦᓯᓕ; 8ᐱᕙᓪᓕᕐᑎᑦᓯᓂᕐᒥᒃ ᑐᓂᕐᕈᓯᐊᕈᓂ ᐱᕙᓪᓕᕐᑎᑦᓯᓕ, ᓇᓪᓕᐊᑦ ᑐᓂᓯᒍᓂ ᐊᓐᓂᕈᓱᖏᓪᓗᓂ ᑐᓂᓯᓕ; ᑕᓯᐅᕐᑎᐅᓂᕐᒥᒃ ᐱᓯᒪᒍᓂ ᐊᒃᓱᕈᕐᓕ; ᓂᑲᒍᓱᖕᓂᕐᒥᒃ ᐱᓇᓱᐊᕈᓂ, ᖁᕕᐊᓱᒡᓗᓂ ᑍᒤᓕᐅᕐᓕ.
9ᓇᒡᓕᖕᓂᖅ ᓱᓕᑦᓯᐊᕐᑐᒃᓴᐅᕗᖅ; ᐊᔪᕐᓂᖅ ᐆᒥᒋᓯᐅᒃ, ᐱᐅᔪᕐᓕ ᑎᒍᒥᐊᑦᓯᐊᕐᓗᒍ. 10ᓇᒡᓕᒃᑎᒌᒋᑦᓯ ᐅᒃᐱᖃᑎᒌᑦ ᓇᒡᓕᖕᓂᖓᑐᑦ; ᐊᓯᑦᓯᓂᒃ ᐅᐱᒋᔭᖃᕐᓂᖅ ᐊᒃᓱᕉᑎᒋᓯᐅᒃ. 11ᐊᒃᓱᕈᕐᓗᓯ ᐱᓇᓱᐊᕆᑦᓯ ᐃᕿᐊᓱᒃᑍᓕᓗᓯ, ᐊᓂᕐᓂᒃᑯᑦ ᑲᑦᓱᖎᕐᓯᒪᑦᓯᐊᕐᓗᓯ, ᐊᑕᓂᖅ ᐱᔨᑦᓯᕐᓗᒍ. 12ᓂᕆᐅᖕᓂᑦᓯᓄᑦ ᖁᕕᐊᓱᒃᑎᑕᐅᒋᑦᓯ, ᐊᒃᓱᕈᑎᑕᐅᓂᕐᒥᒃ ᕿᓄᐃᓵᕆᑦᓯ, ᑐᒃᓯᐊᑦᓮᓐᓇᕐᓗᓯ. 13ᒎᑎᐅᑉ ᐃᓄᖁᑎᖏᑦ ᐱᔭᕆᐊᖃᕐᑕᖏᓐᓂᒃ ᑐᓂᓯᕕᒋᓯᒋᒃ, ᑐᓐᖓᓱᒃᑎᑦᓯᕙᒡᓗᓯᓗ ᑎᑭᓯᒪᔪᓂᒃ.
14 #
ᒫᑎᐅᓯ 5:44; ᓘᑲᓯ 6:28. ᐊᑭᕋᕐᑐᕐᑎᓯ ᓮᒻᒪᕐᑎᑕᐅᖁᓯᒋᒃ; ᓮᒻᒪᕐᑎᑕᐅᖁᔨᒋᑦᓯ ᓱᒋᐊᕐᑕᐅᖁᔨᖏᓪᓗᓯ. 15ᖁᕕᐊᓱᒃᑐᑦ ᖁᕕᐊᓱᖃᑎᒋᓯᒋᒃ, ᕿᐊᔪᓪᓗ ᕿᐊᖃᑎᒋᓗᒋᑦ. 16#ᓲᓗᒨᓂ 3:7.ᐱᓇᓱᐊᖃᑎᒌᑦᓯᐊᕆᑦᓯ ᐃᓕᑦᓯᓐᓄᑦ; ᐱᐅᔪᕆᖏᓪᓗᓯ, ᐊᔪᕐᓂᕐᓮᑦ ᐱᓇᓱᐊᖃᑎᒋᓯᒋᒃ; ᓇᖕᒥᓂᖅ ᓯᓚᑐᓇᓱᒋᖏᓪᓗᓯ.
17ᐱᑦᓯᐊᕐᑕᐅᖏᒃᑯᕕᑦ, ᐊᑭᓇᓱᐊᕐᑍᓕᒋᑦ ᐱᑦᓯᐊᖏᓐᓂᕐᒧᑦ. ᑲᒪᑦᓯᐊᕐᓗᓯ ᐱᐅᒋᔭᐅᔪᒥᒃ ᐃᓅᓯᖃᕆᑦᓯ ᐃᓄᓕᒫᓄᑦ. 18ᐱᔪᓐᓇᕐᓂᓕᒫᑦᓯᓐᓄᑦ, ᐃᓅᖃᑎᖃᑦᓯᐊᕋᓱᐊᕆᑦᓯ ᐃᓄᓕᒫᓂᒃ. 19#ᒨᓯᓯ ᑕᓪᓕᒪᖏᑦ 32:35.ᐃᓚᓐᓇᕆᔭᒃᑲ, ᓇᖕᒥᓂᖅ ᐊᑭᒋᐊᕐᓂᐊᕋᓯ, ᒎᑎᐅᓪᓕ ᓂᓐᖓᖕᓂᕆᔪᒫᕐᑕᖓᓄᑦ ᑐᕌᖓᑎᓕᕐᓯᐅᒃ; ᐊᒡᓚᒃᓯᒪᖕᒪᑦ, “ᐊᑭᓂᐊᕐᓂᖅ ᐱᒋᕙᕋ, ᐅᕙᖓ ᐊᑭᓂᐊᕈᒫᕐᐳᖓ, ᐊᑕᓂᖅ ᐅᖃᕐᐳᖅ.” 20#ᓲᓗᒨᓂ 25:21,22.ᐃᒫᒡᓕ ᐱᔪᒃᓴᐅᕗᓯ, ᐅᖃᕐᓯᒪᖕᒪᑦ: “ᐊᑭᕋᕐᑐᕐᑏᑦ ᑳᒃᐸᑦ, ᓂᕆᑎᑦᔪᒃ; ᐃᒥᕈᒃᐸᑦ, ᐃᒥᕐᑎᑦᔪᒃ; ᑍᒤᓕᐅᕈᕕᑦ ᐊᐅᒪᓂᒃ ᐃᑯᒪᓕᖕᓂᒃ ᓂᐊᖁᖓᓄᐊᖅᑬᓂᐊᕐᐳᑎᑦ.” 21ᐊᔪᕐᓂᕐᒧᑦ ᓵᓚᒋᔭᐅᓂᐊᕐᓇᒃ; ᐱᐅᔪᒧᓪᓕ ᐊᔪᕐᓂᖅ ᓵᓚᒋᓕᕈᒃ.
Đang chọn:
ᕉᒪᒥᐅᓄᑦ 12: EAIB
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Eastern Arctic Inuktitut Bible © Canadian Bible Society, 2012, 2021-2023.