ᐄᑉᕈᐃᓄᑦ 5
5
1ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᓂᐊᕐᑐᑦ ᐃᓅᖃᑎᒌᓂᑦ ᓂᕈᐊᕐᑕᐅᓲᖑᕗᑦ ᑎᓕᔭᐅᓪᓗᑎᒡᓗ ᒎᑎᒥᒃ ᐱᔨᑦᓯᖁᓪᓗᒋᑦ ᐃᓄᐃᑦ ᐱᑦᔪᑎᒋᓪᓗᒋᑦ, ᑐᖁᑦᓯᓗᑎᒃ ᑐᓂᕐᕈᓯᖁᓪᓗᒋᑦ ᐊᔪᕐᓃᑦ ᐱᑦᔪᑎᒋᓗᒋᑦ ᑐᓂᕐᕈᓯᖁᓪᓗᒋᑦ. 2ᓇᖕᒥᓂᕐᓕᑦᑕᐅᖅ ᓴᓐᖏᑦᑑᒐᒥᒃ ᐅᓄᕐᑐᑎᒍᑦ, ᓂᑲᒍᓱᒍᓐᓇᕐᐳᑦ ᓇᓗᓂᕐᒧᑦ ᑕᒻᒪᕐᑐᓂᒃ. 3#ᒨᓯᓯ ᐱᖓᔪᖏᑦ 9:7.ᑍᒤᒻᒪᑦ ᑐᓂᕐᕈᓯᕆᐊᖃᕐᐳᑦ ᑐᖁᑕᒃᓴᒥᒃ ᐃᓄᐃᑦ ᐊᔪᕐᓂᖏᑦ ᐱᑦᔪᑎᒋᔭᑐᐊᕆᓇᒋᑦ, ᓇᖕᒥᓂᕐᓕᑦᑕᐅᖅ ᐊᔪᕐᓂᑎᒃ ᐱᑦᔪᑎᒋᓗᒋᑦ. 4#ᒨᓯᓯ ᐂᑉᐸᖏᑦ 28:1.ᓇᖕᒥᓂᕐᓗ ᓂᕈᐊᕐᐸᓐᖏᓚᑦ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᔪᒪᓗᑎᒃ, ᒎᑎᒧᓪᓕ ᕾᖁᔭᐅᕙᒃᐳᑦ, ᓲᕐᓗ ᐂᕉᓂᑐᑦ.
5 #
ᐃᓐᖏᕈᑦ 2:7. ᑍᒫᒃᑕᐅᖅ ᙭ᔅᑑᓯ ᐃᒻᒥᓂᒃ ᓂᕐᑐᕐᓇᕐᑎᓚᐅᓐᖏᓚᖅ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᓂᐊᓕᕐᓗᓂ, ᑎᓕᔭᐅᓚᐅᕐᐳᕐᓕ ᑖᑦᓱᒧᖓ ᐅᖃᐅᑦᔭᐅᓪᓗᓂ,
“ᐃᕐᓂᕆᕙᒋᑦ, ᐅᓪᓗᒥ ᐃᕐᓂᕐᑖᕆᕙᒋᑦ,”
6 #
ᐃᓐᖏᕈᑦ 110:4. ᐊᓯᐊᓂᑦᑕᐅᖅ ᐅᖃᕐᓯᒪᒋᕗᖅ,
“ᑐᓂᕐᕈᓯᕐᑎᑦᓯᔨᐅᓂᐊᕐᐳᑎᑦ ᐃᓱᖃᖏᑦᑐᒧᑦ,
ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.”
7 #
ᒫᑎᐅᓯ 26:36-46; ᒫᑯᓯ 14:32-42; ᓘᑲᓯ 22:39-46. ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ. 8ᒎᑎᒧᓪᓕ ᐃᕐᓂᐅᒐᓗᐊᕐᓗᓂ, ᓈᓚᒋᐊᖃᕐᓂᕐᒥᒃ ᐃᓕᓐᓂᐊᓚᐅᕐᐳᖅ ᐋᓐᓂᐊᑎᑕᐅᓂᕐᒥᒍᑦ. 9ᓈᒻᒪᒃᓯᑎᑕᐅᑦᓯᐊᕋᒥᓕ ᐱᐅᓕᔭᐅᕕᒃᓴᐅᓕᕐᐳᖅ ᐃᓱᖃᖏᑦᑐᒧᑦ ᓈᓚᒃᑎᒋᔭᓕᒫᒥᓄᑦ, 10ᒎᑎᐅᑉ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕈᕐᑎᓚᐅᕐᐹ ᒥᓪᑭᓯᑎᐅᑉ ᑐᓂᕐᕈᓯᑦᑎᑦᓯᔨᐅᓂᖓᑐᑦ.
ᐅᒃᐱᕐᓂᕐᒥ ᐱᕈᕇᕐᓯᒪᖏᓐᓂᖅ
11ᑕᒪᑐᒥᖓ ᓱᓕ ᐅᖃᐅᓯᒃᓴᖃᕋᓗᐊᕐᐳᒍᑦ ᐊᒥᓱᓂᒃ ᑭᓯᐊᓂᓕ ᑐᑭᓯᓇᕐᑎᓐᓇᓱᒋᐊᖓ ᐃᓕᑦᓯᓐᓄᑦ ᐅᖁᒤᑉᐳᖅ, ᑐᑭᓯᓇᔭᖏᓐᓇᑦᓯ. 12#1 ᑯᕆᓐᑎ 3:2.ᒫᓐᓇᐅᓕᕐᑐᖅ ᐊᔪᕆᕐᑐᐃᔪᓐᓇᕐᓯᓯᒪᓕᕋᓗᐊᕐᐳᓯ, ᓱᓕᓕ ᐊᔪᕆᕐᑐᕐᑕᐅᔭᕆᐊᖃᕐᐳᓯ ᒎᑎᐅᑉ ᐅᖃᐅᓯᖏᓐᓂᒃ ᐊᔪᕆᕐᑐᕐᑕᐅᓕᓵᕐᑐᓄᑦ ᐊᑐᕐᑕᐅᕙᒃᑐᓂᒃ. ᓱᓕ ᐃᒻᒧᒃᑐᖃᑕᕆᐊᖃᕐᐳᓯ, ᓂᕿᓪᓚᕆᖕᒥᒃ ᓱᓕ ᐊᔪᕋᑦᓯ; 13ᐃᒻᒧᒃᑐᑐᐃᓐᓇᕐᑐᓪᓕ ᓱᓕ ᑐᑭᓯᔪᓐᓇᓐᖏᓚᑦ ᐅᖃᐅᓯᕐᒥᒃ ᓇᓛᒎᕐᓂᕐᒥᒃ, ᓄᑕᕋᐅᓗᐊᕋᒥᒃ. 14ᐱᕈᕇᕐᓯᒪᓕᕐᑑᓪᓕ ᓂᕿᓪᓚᕇᑦ ᓂᕿᒋᔭᒃᓴᕆᕔᑦ, ᐱᓇᓱᐊᕐᓂᕆᓯᒪᔭᓂ ᖃᐅᔨᔪᓐᓇᕐᓯᑦᔪᑎᒋᓗᓂᒋᑦ ᐱᐅᔪᒥᒃ ᐱᐅᖏᑦᑐᒥᒡᓗ.
Đang chọn:
ᐄᑉᕈᐃᓄᑦ 5: EAIB
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Eastern Arctic Inuktitut Bible © Canadian Bible Society, 2012, 2021-2023.