ᔪᐊᓇᓯᐅᑉ ᐂᑉᐸᖏᑦ 1
1
ᓇᓗᓁᕐᓯᑦᔪᑏᑦ
1ᐃᓐᓇᕐᑕᕆᔭᐅᔪᒥᑦ ᐊᕐᓇᒧᑦ ᓂᕈᐊᕐᑕᐅᓯᒪᔪᒧᑦ ᕿᑐᕐᖓᖏᓐᓄᓪᓗ, ᓱᓕᓂᕐᒥ ᓇᒡᓕᒋᔭᓐᓄᑦ, ᐅᕙᖓᑐᐊᖑᖏᑦᑐᕐᓗ ᑕᒤᓐᓂᓪᓕ ᓱᓕᔪᒥᒃ ᖃᐅᔨᓯᒪᔪᓂᑦ ᓇᒡᓕᒋᔭᐅᕗᑎᑦ, 2ᓱᓕᔪᖅ ᐃᓗᑦᑎᓐᓃᑦᑐᖅ ᐅᕙᑦᑎᓐᓃᑦᓮᓐᓇᕐᓂᐊᕐᒪᑦ ᐃᓱᖃᖏᑦᑐᒧᑦ:
3ᒎᑎᐅᑉ ᐊᑖᑕᐅᑉ ᔩᓱᓯᐅᓪᓗ ᙭ᔅᑑᓯᐅᑉ, ᐊᑖᑕᐅᑉ ᐃᕐᓂᖓᑕ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ, ᓂᑲᒍᓱᖕᓂᖓᓄᑦ, ᓮᒻᒪᕐᑎᑦᓯᓂᖓᓄᓪᓗ ᐃᓚᒋᔭᐅᑦᓮᓐᓇᕐᑕ, ᓱᓕᔪᒥ ᓇᒡᓕᖕᓂᕐᒥᓗ.
ᓱᓕᔪᖅ ᓇᒡᓕᖕᓂᕐᓗ
4ᖁᕕᐊᓱᒃᑎᑕᐅᕗᖓ ᐊᖏᔪᒥᒃ ᕿᑐᕐᖓᕕᑦ ᐃᓚᖏᓐᓂᒃ ᖃᐅᔨᓚᐅᕋᒪ ᓱᓕᔪᒥ ᐃᓅᖕᒪᑕ, ᐊᑖᑕᐅᑉ ᑍᒫᒃ ᐱᖁᓯᒪᖕᒫᑎᒍᑦ. 5#ᔪᐊᓇᓯ 13:34; 15:12,17.ᒫᓐᓇᓗ ᕿᓄᕕᒋᕙᒋᑦ, ᓇᒡᓕᖕᓇᕐᑐᑎᑦ ᐊᕐᓈᖅ: ᑕᒪᓐᓇ ᐱᖁᔭᖅ ᓄᑖᖑᓐᖏᓚᖅ ᑎᑎᕋᐅᓯᕆᔭᕋ ᐃᓕᖕᓄᑦ, ᐱᒋᐊᕐᓂᖓᓂᑦ ᐱᓯᒪᔭᕗᑦ, ᑍᒫᒃ ᓇᒡᓕᒃᑎᒌᒃᑐᒃᓴᐅᒐᑦᑕ. 6ᓇᒡᓕᖕᓂᐅᕗᖅ ᑕᕝᕙ, ᐱᖁᔭᖏᓐᓂᒃ ᒪᓕᒡᓗᑕ; ᐅᓇ ᑕᕝᕙ ᐱᖁᔭᖓ, ᐱᒋᐊᕐᓂᖓᓂᑦ ᑐᓴᐅᒪᔭᓯ, ᓇᒡᓕᖕᓂᕐᒥ ᐃᓅᖁᓪᓗᓯ.
7ᐊᒥᓱᑦ ᑕᒻᒪᕐᑎᑦᓯᔪᑦ ᓯᓚᕐᔪᐊᕐᒧᑦ ᑎᑭᓯᒪᖕᒪᑕ, ᑖᒃᑯᐊ ᔩᓱᓯ ᙭ᔅᑑᓯᒥᒃ ᑎᒥᑖᕐᓯᒪᔪᒥᒃ ᐅᖃᐅᓯᖃᖃᑦᑕᓐᖏᑦᑐᑦ; ᑖᒃᑯᐊ ᑕᒻᒪᕐᓮᔨᐅᕗᑦ ᙭ᔅᑑᓯᒥᒡᓗ ᐊᑭᕋᕐᑐᕐᐳᑦ. 8ᐃᓕᑦᓯᓐᓂᒃ ᖃᐅᔨᓴᕆᑦᓯ, ᐱᓇᓱᐊᕐᓯᒪᔭᑦᓯᓐᓂᒃ ᐊᓯᐅᔨᖁᓇᓯ, ᐊᑭᓕᕐᑕᐅᖁᓪᓗᓯᓕ ᑕᒪᒃᑭᑦᑎᐊᕐᑐᒥᒃ.#8 ᓱᓇᒥᑦᓯᐊᕐᑐᒥᒃ ᐅᕝᕙᓗ ᐃᓚᓐᖓᕐᓯᒪᖏᑦᑐᒥᒃ
9ᓇᓪᓕᐊᑦ ᙭ᔅᑑᓯᐅᑉ ᐊᔪᕆᕐᑐᐃᓂᖓᓃᑦᓮᓐᓇᖏᑦᑐᖅ ᑖᓐᓇ ᒎᑎᖃᓐᖏᓚᖅ; ᓇᓪᓕᐊᓪᓕ ᙭ᔅᑑᓯᐅᑉ ᐊᔪᕆᕐᑑᓯᖓᓃᑦᓯᐊᕐᑐᖅ ᑕᒤᓐᓂᒃ ᐱᖃᕐᐳᖅ ᐊᑖᑕᒥᒃ ᐃᕐᓂᕐᒥᒡᓗ. 10ᑭᓇᑐᐃᓐᓇᕐᒧᑦ ᑎᑭᑕᐅᒍᑦᓯ ᑕᒪᑐᒥᖓ ᐊᔪᕆᕐᑑᓯᖃᖏᑦᑐᒧᑦ, ᐊᖏᕐᕋᑦᓯᓐᓄᑦ ᑐᓐᖓᓴᕐᓂᐊᕋᓯᐅᒃ ᐅᕝᕙᓗ ᑐᓐᖓᓇᕐᕕᒋᑦᑍᓕᓯᐅᒃ; 11ᓇᓪᓕᐊᑦ ᑍᒤᑦᑐᒥᒃ ᐃᓚᓕᐅᕐᓯᔪᖅ ᐃᓚᓕᐅᕐᓯᕗᖅ ᐱᐅᖏᑦᑐᒥᒃ ᐱᓇᓱᐊᕐᓂᖓᓄᑦ.
ᐅᖃᐅᓰᑦ ᓄᖅᑲᐅᓯᕈᑏᑦ
12ᓱᓕ ᐊᒥᓱᓂᒃ ᑎᑎᕋᕐᕕᒋᔪᓐᓇᕋᓗᐊᕐᐸᒋᑦ, ᑭᓯᐊᓂᓕ ᐅᖃᕐᕕᒋᔪᒪᓐᖏᓚᒋᑦ ᑎᑎᕋᕐᕕᒃᓴᑐᐃᓐᓇᒃᑯᑦ ᒥᓱᒃᑕᐅᑎᒧᓪᓗ; ᓇᖕᒥᓂᕐᓕ ᐳᓛᕆᐊᓛᕈᒪᕙᒋᑦ ᐅᖃᖃᑎᒋᓗᑎᓪᓗ ᑕᑯᓐᓇᖃᑦᑕᐅᑎᓗᓄᒃ, ᖁᕕᐊᓱᖕᓂᕗᑦ ᓈᒻᒪᒃᓯᑦᓯᐊᖁᓪᓗᒍ.
13ᐅᒃᐱᖃᑎᕕᑦ ᐊᕐᓇᐅᑉ ᓂᕈᐊᕐᑕᐅᓯᒪᔫᑉ ᕿᑐᕐᖓᖏᑕ ᑕᕝᕙᐅᕗᑏᕐᐹᑎᑦ.
Đang chọn:
ᔪᐊᓇᓯᐅᑉ ᐂᑉᐸᖏᑦ 1: EAIB
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Eastern Arctic Inuktitut Bible © Canadian Bible Society, 2012, 2021-2023.