ᔪᐊᓇᓯ ᓯᕗᓪᓖᑦ 1
1
ᐅᖃᐅᓯᖅ ᐃᓅᓯᕐᑕᓕᒃ
1 #
ᔪᐊᓇᓯ 1:1. ᑖᓐᓇ ᐱᒋᐊᕐᓂᕐᒦᓚᐅᕐᑐᖅ, ᑐᓵᓯᒪᔭᕗᑦ, ᐃᔨᑦᑎᓐᓄᓪᓗ ᑕᑯᓐᓇᖃᑦᑕᓚᐅᕐᑕᕗᑦ ᐊᒡᒐᑦᑎᓐᓄᓪᓗ ᐊᒃᑐᖃᑦᑕᓚᐅᕐᑕᕗᑦ, ᐱᑕᖃᕐᐳᖅ ᐅᖃᐅᓯᕐᒥᒃ ᐃᓅᓯᕐᑕᓕᖕᒥᒃ. 2#ᔪᐊᓇᓯ 1:14.ᐃᓅᓯᖅ ᓴᖅᑭᔮᓚᐅᕐᐳᖅ, ᑕᑯᓚᐅᕐᑕᕗᓪᓗ, ᑕᕝᕙ ᓇᓗᓁᓕᕐᐸᕗᑦ ᐃᓅᓯᕐᑕᖃᕐᒪᑦ ᓄᖑᓱᐃᑦᑐᒥᒃ ᐊᑖᑕᒦᓚᐅᕐᑐᖅ ᐅᕙᑦᑎᓐᓄᓪᓗ ᓴᖅᑭᑎᑕᐅᓯᒪᔪᖅ. 3ᑕᑯᓯᒪᔭᕗᑦ ᑐᓴᕐᓯᒪᔭᕗᓪᓗ ᐃᓕᑦᓯᓐᓄᑦ ᐅᖃᐅᓯᕆᕙᕗᑦ, ᐃᓕᑦᓯᑦᑕᐅᖅ ᐅᕙᑦᑎᓐᓄᑦ ᐃᓚᒌᒍᑎᖃᖁᓪᓗᓯ; ᐊᑖᑕᒧᑦ ᐃᕐᓂᖓᓄᓪᓗ ᔩᓱᓯ ᙭ᔅᑑᓯᒧᑦ ᐃᓚᒌᒍᑎᖃᓕᖁᓪᓗᑕ. 4ᑕᒪᑐᒥᖓᓗ ᑎᑎᕋᕈᑎᖃᕐᐳᒍᑦ ᖁᕕᐊᓱᖕᓂᖅ ᐃᓗᑦᑎᓐᓃᑦᑐᖅ ᓈᒻᒪᒃᓯᑦᓯᐊᖁᓪᓗᒍ.
ᒎᑎ ᖃᐅᒪᔫᕗᖅ
5ᑕᒪᑦᔭ ᐅᖃᐅᓯᖅ ᑖᑦᓱᒪᓐᖓᑦ ᑐᓴᕐᓯᒪᔭᕗᑦ ᐃᓕᑦᓯᓐᓄᑦ ᐅᖃᐅᓯᕆᕙᕗᑦ, ᒎᑎ ᖃᐅᒪᔫᖕᒪᑦ ᑖᑦᓱᒪᓂᓗ ᑖᕐᑐᖃᓐᖏᓚᖅ. 6ᑖᑦᓱᒧᖓ ᐃᓚᒌᒍᑎᖃᕐᓂᕋᕈᑦᑕ ᑖᕐᑐᒥᓗ ᐃᓅᓗᑕ, ᑕᕝᕙ ᓴᒡᓗᕗᒍᑦ ᓱᓕᓇᑕᓗ. 7ᖃᐅᒪᔪᒥᓕ ᐃᓅᒍᑦᑕ, ᓲᕐᓗ ᑖᓐᓇ ᖃᐅᒪᔪᖕᒪᑦ, ᑕᕝᕙ ᐅᕙᑦᑎᓐᓄᑦ ᐃᓚᒌᖕᓂᖃᕐᐳᒍᑦ, ᔩᓱᓯᐅᓪᓗ ᐊᐅᖓᑕ; ᒎᑎᐅᑉ ᐃᕐᓂᖓᑕ ᓴᓗᒻᒪᕐᐹᑎᒍᑦ ᐊᔪᕐᑐᓕᓂᕐᓂᑦ ᑕᒤᓐᓂᑦ.
8ᐊᔪᕐᓂᖃᖏᓐᓂᕋᕈᑦᑕᓕ, ᐅᕙᑦᑎᓐᓂᒃ ᓇᖕᒥᓂᖅ ᐅᐃᕕᕆᕗᒍᑦ, ᓱᓕᔪᕐᓗ ᐃᓗᑦᑎᓐᓃᓐᖏᓚᖅ. 9ᐊᔪᕐᓂᕗᓪᓕ ᖃᕿᐊᓕᐅᑎᒋᒍᑦᑎᒍᑦ, ᑖᓐᓇ ᓱᖁᓯᔪᐃᑦᑑᒐᒥ ᐊᑦᔨᒌᑎᑦᓯᒐᒥᓗ, ᐊᔪᕐᓂᕗᑦ ᐃᓱᒪᒋᔪᓐᓁᕐᓂᐊᕐᐰᑦ ᓴᓗᒻᒪᕐᓗᑕᓗ ᐃᖢᐃᑦᑐᓕᒫᑦᓯᐊᓂᑦ. 10ᐊᔪᕐᑐᓕᓚᐅᕐᓯᒪᖏᓐᓂᕋᕈᑦᑕᓕ, ᑕᕝᕙ ᒎᑎ ᓴᒡᓗᑐᓂᕋᕐᐸᕗᑦ, ᐅᖃᐅᓯᖓᓗ ᐃᓗᑦᑎᓐᓃᓐᖏᓚᖅ.
Đang chọn:
ᔪᐊᓇᓯ ᓯᕗᓪᓖᑦ 1: EAIB
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Eastern Arctic Inuktitut Bible © Canadian Bible Society, 2012, 2021-2023.