ᑯᕆᓐᑎᐊᒥᐅᓄᑦ ᓯᕗᓪᓖᑦ 13
13
ᓇᒡᓕᖕᓂᖅ
1ᐃᓄᐃᑦ ᐂᖏᓖᓪᓗ ᐅᖃᐅᓯᖏᓐᓄᑦ ᐅᖃᕈᓐᓇᕋᓗᐊᕈᒪ, ᓇᒡᓕᖕᓂᖃᕐᓇᖓᓗ, ᓯᕙᓂᐅᑎᑎᑐᑦ ᓂᐱᖅᑯᕐᑐᔪᑎᑐᑦ ᐃᒥᐊᑦᑐᑎᑐᓪᓗ ᑍᒤᒃᑲᔭᕐᐳᖓ. 2#ᒫᑎᐅᓯ 17:20; 21:21; ᒫᑯᓯ 11:23.ᑐᓂᕐᕈᓯᐊᖃᕈᒪ ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᕈᓐᓇᕐᓂᕐᒥᒃ ᓇᓗᓇᕐᑐᐊᓗᐃᓪᓗ ᑕᒪᕐᒥᒃ ᖃᐅᔨᒪᒍᒃᑭᑦ ᓇᓗᓁᕈᓐᓇᕐᓗᒋᓪᓗ, ᐅᒃᐱᕐᓂᖃᕈᒪᓗ ᖃᖅᑳᓗᐃᑦ ᐊᒡᓛᑦ ᓄᒃᑎᕈᓐᓇᕐᓗᒋᑦ, ᓇᒡᓕᖕᓂᖃᕐᓇᖓᓗ, ᓱᓇᒃᓴᐅᒐᔭᓐᖏᓚᖓ. 3ᐱᖁᑎᒃᑲᓗ ᑕᒪᕐᒥᒃ ᐊᔪᕐᓴᕐᑐᓄᑦ ᑐᓂᒐᔭᕈᒃᑭᑦ ᑎᒥᒐᓗ ᐃᑯᒪᒧᑦ ᓄᖑᑕᐅᑎᒐᓗᐊᕈᒃᑯ, ᓇᒡᓕᖕᓂᖃᕐᓇᖓᓗ, ᐅᕙᓐᓄᑦ ᓱᕙᓪᓕᕈᑕᐅᒐᔭᓐᖏᓚᑦ.
4ᓇᒡᓕᖕᓂᖅ ᕿᓄᐃᓵᕈᓐᓇᕐᐳᖅ ᐱᑦᓯᐊᕈᓐᓇᕐᓗᓂᓗ; ᓇᒡᓕᖕᓂᖅ ᐊᓐᓂᕈᑦᔨᓐᖏᓚᖅ,#13:4 ᐊᓐᓂᕈᑦᔨᓐᖏᓚᖅ ᐅᕝᕙᓗ ᒥᖕᓂᓐᖏᓚᖅ ᐱᐅᔪᕆᓇᓂᓗ, 5ᓇᒡᓕᖕᓂᖅ ᐃᓕᖅᑯᓯᕐᓗᖕᒥᒃ ᓴᖅᑭᑎᑦᓯᓐᖏᓚᖅ, ᓇᖕᒥᓂᕐᓯᐅᕐᓂᕐᒥᒃ ᓴᖅᑭᑎᑦᓯᓐᖏᓚᖅ, ᓂᓐᖓᒃᓴᕅᓐᓇᓂᓗ, ᑕᒻᒪᕐᓂᕐᓂᒃ ᐳᐃᒍᑦᔧᕐᓯᓇᓱᐊᓐᖏᓚᖅ. 6ᓇᒡᓕᖕᓂᖅ ᐱᐅᖏᑦᑐᓕᓂᕐᒥᒃ ᖁᕕᐊᓲᑎᖃᓐᖏᓚᖅ, ᓱᓕᑦᓯᐊᕐᓂᕐᓕ ᖁᕕᐊᓲᑎᒋᕚ. 7ᓇᒡᓕᖕᓂᖅ ᓱᓇᓕᒫᓄᑦ ᐃᑲᔪᕐᐳᖅ; ᑕᒤᓐᓂᒃ ᐅᒃᐱᕐᐳᖅ, ᑕᒤᓐᓂᒃ ᓂᕆᐅᒃᐳᖅ, ᑕᒤᓐᓂᒃ ᕿᓄᐃᓵᕐᐳᖅ.
8ᓇᒡᓕᖕᓂᖅ ᐃᓱᓕᓐᓂᐊᓐᖏᓚᖅ; ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᓪᓚᖕᓃᑦ, ᐃᓱᓕᑦᑐᒫᕐᐳᑦ; ᑐᓴᕐᖓᕐᑕᕐᓃᑦ, ᐃᓱᓕᑦᑐᒫᕆᕗᑦ; ᖃᐅᔨᒪᓃᑦ, ᐃᓱᓕᑦᑐᒫᕆᕗᑦ. 9ᐃᓔᓐᓇᖏᓐᓂᒃ ᐃᓕᓯᒪᒐᑦᑕ, ᒎᑎᐅᓪᓗ ᐅᖃᐅᓯᕆᖁᔭᖏᑕ ᐃᓔᓐᓇᖏᓐᓂᒃ ᐅᖃᕈᓐᓇᕐᓗᑕ; 10ᑕᒤᓐᓂᒡᓕ ᓈᒻᒪᒃᓯᑎᑕᐅᓂᖅ ᓇᓪᓕᐅᑎᒃᐸᑦ, ᐃᓔᓐᓇᕐᓂᒃ ᐱᓯᒪᓂᖅ ᓄᖑᔪᒫᕐᐳᖅ. 11ᓄᑕᕋᐅᑎᓪᓗᖓ, ᓄᑕᕋᕐᑎᑐᑦ ᐅᖃᓪᓚᒃᐸᓚᐅᕐᐳᖓ, ᓄᑕᕋᕐᑎᑐᓪᓗ ᐃᓱᒪᕙᓚᐅᕐᐳᖓ, ᑐᑭᓯᓂᖃᕐᓗᖓᓗ ᓄᑕᕋᕐᑎᑐᑦ; ᐱᕈᕇᕋᒪᓕ, ᓄᑕᕋᐅᑉ ᐃᓕᖅᑯᓯᖓ ᐊᑐᕈᓐᓃᕐᐸᕋ. 12ᒫᓐᓇ ᑕᕐᕋᕐᑑᑎᒃᑯᑦ ᑕᑯᑦᓯᐊᕈᓐᓇᕐᓇᑕ ᑕᑯᓐᓇᕐᐳᒍᑦ; ᐱᔪᒫᕐᑐᒥᓕ ᑕᑯᓐᓇᓕᕈᒫᕐᐳᒍᑦ ᑮᓇᕐᒥᑦ ᑮᓇᕐᒧᑦ. ᒫᓐᓇ ᐃᓔᓐᓇᖓᓂᒃ ᖃᐅᔨᒪᕗᖓ; ᐱᔪᒫᕐᑐᒥᓕ ᑕᒤᓐᓂᑦᓯᐊᖅ ᑐᑭᓯᔪᒫᕐᐳᖓ, ᓲᕐᓗ ᒎᑎᒧᑦ ᖃᐅᔨᒪᔭᐅᒐᒪ ᐃᓘᓐᓇᒃᑯᑦ.
13ᒫᓐᓇᓕ ᐅᑯᐊ ᐱᖓᓱᑦ ᑲᔪᓰᓐᓇᕐᓂᐊᕐᐳᑦ: ᐅᒃᐱᕐᓂᖅ, ᓂᕆᐅᖕᓂᖅ, ᓇᒡᓕᖕᓂᖅ; ᓇᒡᓕᖕᓂᕐᓕ ᑖᒃᑯᓇᖓ ᐊᖏᓂᕐᐸᐅᕗᖅ.
Đang chọn:
ᑯᕆᓐᑎᐊᒥᐅᓄᑦ ᓯᕗᓪᓖᑦ 13: EAIB
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Eastern Arctic Inuktitut Bible © Canadian Bible Society, 2012, 2021-2023.