लूका कीटाबो वारेयाङ
कीटाबो वारेयाङ
लुकै रीक्च इसै सेहेच समाचारे येशूवो वारेयाङ इट टेले: येशू इस्राएलीकोटुङ राहालेको टेम वाचा जाट्च मुक्तिदाता हटै पट्ट भर्मीकोके बचडीच आल्को। यहूदी जातिकोके हटै अरु पट्ट भर्मीकोके सेहेच समाचार सेटाक्के टेम परमेश्वर बाबै होस्कोके संसाराङ बीर्हीन्काङ। इसै सेहेच समाचार पट्ट खालावो खाँचो परीस्च भर्मीकोके रीक्च आला।
लुकै येशूवो जीबनो हटै होस्कोइ जाट्च कामो इसै विवरण, काट थियोफिलस टेच भर्मीके रीक्च आला। थियोफिलसे येशूवो जीबन हटै होस्कोइ जाट्च कामो बारेयाङ सेच पट्ट कुराको साँचो आला टेम अटवारे टेम लुकै इसै कीटाब रीक्च आला। रीक्के टेनाङ अघेर, लुकै इसै कुराको येशू कठा ह्वाच भर्मीकोटुइङ झरुमा। लुकै इसै विवरण येशू फुन्म भ्यानीसीङ हटै होस्को सीनीसीङ जीवाम भ्यानीसीङ हटै होस्कोके परमेश्वरे स्वर्गाङ आल्म भ्यानीसीङ रीक्के ठाल्म लेया। लुकै थियोफिलसके येशू स्वर्गाङ आन्म भ्यानीसीङ येशूवो समाचार कुट फैलडीस्म आना टेम “प्रेरितकुङ काम” टेच आस्काट कीटाब घनीङ रीका।
लुकै रीक्च कुडीक कुराको इसै सेहेच समाचारो कीटाबाङ मत्रै ले, जस्तै: स्वर्गदूतकोइ ल्हीङ्च स्तुति-ल्हीङ, येशू फुन्नाङ माहार्याको डुप्के राहाच घटना, येशू माहार्च लेनाङ परमेश्वरो मन्दिराङ आन्च, सेहेच सामरी हटै म्हाट्च मीजौ आहान। इसै सेहेच समाचारो कीटाब भरीयाङ प्रार्थनौ, पवित्र आत्मौ, येशूवो सेवाङ माझाकोइ डुस्च कुरा हटै परमेश्वरे याहाच पापो क्षमौ वारेयाङ जोड याहामले।
टुन्च सूची
परिचय १:१-४
बप्तिस्मा याहाच यूहन्ना हटै येशूके फुन्च हटै येशू माहार्नाङो बारेयाङ १:५—२:५२
बप्तिस्मा याहाच यूहन्नौ काम ३:१-२०
येशूवो बप्तिस्मा हटै परीक्षा ३:२१—४:१३
गालीलाङ येशूये सेवा जाट्काङ ४:१४—९:५०
गालीलीङ होडा यरुशलेम सम्मन ९:५१—१९:२७
यरुशलेमाङ अन्तिम हप्ता १९:२८—२३:५६
येशू सीनीसीङ जीवाम स्वर्गाङ आन्काङ २४:१-५३
Đang chọn:
लूका कीटाबो वारेयाङ: WMGR
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2024 (Active), Mother Tongue Translators Society and Wycliffe Bible Translators, Inc. All rights reserved.