اِنجیلِ مَتّی 28
28
عیسیِ دوبارِه زندهِ هَبوسَّن
1بَعد اَز مُقَدَّسِ شَنبِه، اوَّلین روز هَفتِه، صُبِ سَرمریم مَجدَلیِّه و اون ایتا مَریَم مَقبَرِه یه بَدییَنِ وَسین بَشَن. 2یِدَفه ایتا گَتِه زِلزِلِه بوما، چون خُداوندِ ایتا از فِرِشتِگان آسِمانِ جی جیر بوما و مَقبَرِه یه سَمت بَشَه، سَنگِ ایتا گوشِه غَلت هَدَه و اونه سَر بِنیشتِه. 3فِرِشته یه دیم آسِمانِ بَرقِ مَثان سُو کانِه با و اونه قَوا وَرفِ مِثان، اِسبی با. 4نِگَهبانان وَختی اونه بَدییَن تَرسِ جی بَلِرزِسَّن و مُردِه یه مِثان هَبان! 5ایما فِرِشتِه زِناکانِ باَگوته: «نَتِرسین! دانَم که عیسی یِه مَصلوبِ دُمّال گَردِنین. 6اون ایجه دَنیِه، چونکه هَمونجور که باگوته با، زندهِ هَبا! بیئِین و اوجِه ایی که خاتِه با رِه، بِینین، 7ایما بِتیش بیشین و اونه شاگِردِان باگویید ”اون مردِگانِ جی زندهِ هَبا و شیمی جی جلوتر به جلیل شونه و اونه اوجِه دینین.“ یاد نَکُنین این پِیغامِ اوشانه هَدین!» 8زِناکان بِتیش مَقبَرِه یه جی دِرگا بومَن، جوریکه هَم تَرسَنِه بان و هَم خوشحال بان، شاگِردانِ سُراغ بَشَن تا فِرِشتِه یه پِیغامِ اوشانه هَدَن. 9یِدَفه عیسی اوشانه هَمرَه چِشم بِه چِشم هَبا و باَگوته: «سَلام بر شُما!» زِناکان پِیش بومَن و اونه لِنگ دَکِتَن و اونه پَرَسِش هَکُردَن. 10ایما عیسی اوشانه باَگوته: «نَتِرسین! بیشیِن و می اَداشانِ باگویید که بِه جَلیل بوشون. اوجِه مَرِه دینَن.»
نِگَهبانانِ خَبِر
11وَختی که زِناکان راه دِلِه دَبان، نِگَهبانان جی چن نفر شَهرِ دِلِه بَشَن، تمام این اِتِّفاقان رِه گَتِه گاهِنانِ وَسین باگوتَن. 12اوشان بَعدِ اینکه مَشایِخِ هَمرَه جمع هَبان ومشوِرَت هَکوردَن سَربازان رِه خِیلی پول هَدَن و 13باگوتَن: «بایسّی مَردُمِ باگویید، ”اون شاگِردان شَبانِه بومَن و اونوَخت که اَما خاته بِیم، اونِ جَسَدِ بَدُزّین.“ 14اَگه این خَبِر فَرماندارِ گوش بَرِسِه، اَما خودِمان اونه راضی کانیم که شِمِرِه مُشکِلی پِیش نیِه.» 15پَس نِگَهبانان پولِ بِیتَن و طِبقِ اونچه که اوشانِ باَگوته هَبا با عَمَل هَکُردَن. وَ این داستان تا بِه اِمروز یَهودیانِ میَن شایِع هیسه.
عیسی یه گَتِه حُکم
16ایما اون یازدَه شاگِرد بِه جَلیل، اون کوهی که عیسی باگوته با، بَشَن. 17وَختی عیسی رِه اوجِه بَدییَن، اونه پَرَسِّش هَکُردَن. وَلی بَعضیان شَک هَکُردَن. 18ایما عیسی پِیش بوما و اوشانه باَگوته: «تمام قُوَّت، آسِمانِ دِلِه و زَمینِ سَر مَرِه هَدَه هبا. 19پَس بیشین و تمام قومِشان رِه شاگِرد بِسازید و اوشانه بِه اِسمِ پیَر و ریکا و روح القُدُس غسل تَعمید هَدین 20و اوشانه تعلیم هَدین که اونچه رِه که شِمِره دَستور هَدَم، بِجا بیارِن. بِدانین مَن تا آخَرِ زَمان هَمش شِیمی هَمره دَرَم!»
Đang chọn:
اِنجیلِ مَتّی 28: GMB
Tô màu
Chia sẻ
So sánh
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
@ 2024 Korpu Company
