Revelation 15
15
1ထို့နောက် ကောင်းကင်ထက်၌ အံ့ဖွယ်နိမိတ်လက္ခဏာကြီးတစ်ခုကို မြင်ရ၏။ နတ်ဒေဝါခုနှစ်ပါးသည် နောက်ဆုံးဘေးဒဏ်ခုနစ်ပါး ကိုင်ဆောင်ထားသည်ကို ကျွန်ုပ်မြင်ရ၏။ ထိုဘေးဒဏ်တို့ဖြစ်ပျက်ပြီးနောက် ဘုရားရှင်၏ အမျက်တော်အဆုံးသတ်မည်ဖြစ်သောကြောင့် နောက်ဆုံးဘေးဒဏ်ဟု ဆိုရ၏။ 2ထို့အပြင် မီးနှင့်ရောသည့် ဖန်ပင်လယ်နှင့် တူသောအရာကို ကျွန်ုပ်မြင်ရပြန်၏။ သားရဲကိုလည်းကောင်း၊ သူ၏ရုပ်တုကိုလည်းကောင်း၊ သူ၏အမည်ကို ကိုယ်စားပြုသော ကိန်းဂဏန်းကိုလည်းကောင်း အောင်နိုင်သောသူသည် ဘုရားရှင်ပေးအပ်သော စောင်းကိုကိုင်ဆောင်၍ ထိုဖန်ပင်လယ်ဘေးတွင် ရပ်နေကြ၏။ 3ထိုသူတို့သည် ဘုရားရှင်၏ အစေခံမောရှေ၏ သီချင်းနှင့် သိုးသငယ်တော်၏ သီချင်းကို သီဆိုနေကြ၏။ ထိုသီချင်းမှာ “အို အနန္တတန်ခိုးရှင် ဘုရားရှင်… အရှင့်၏လုပ်ဆောင်မှုတို့သည် ကြီးမြတ်၍ အံ့ဖွယ်ဖြစ်ပါ၏။ အိုလူမျိုးအပေါင်းတို့၏ဘုရင်… ကိုယ်တော်၏နည်းလမ်းတို့သည် တရားမျှတ၍ မှန်ကန်လှပါ၏။ 4အို ဘုရားရှင်… အရှင့်ကို မကြောက်ရွံ့သောသူ၊ ကိုယ်တော်နာမတော်ကို မချီးမွှမ်းသောသူ၊ ဟူ၍ရှိပါမည်လော။ အရှင်တစ်ပါးတည်းသာ မြင့်မြတ်တော်မူ၏။ အရှင်၏ ဖြောင့်မတ်သော လုပ်ဆောင်မှုတို့သည် ပေါ်လွင်ထင်ရှားသောကြောင့် လူမျိုးအပေါင်းတို့သညည် ကိုယ်တော်၏ ရှေ့တော်သို လာ၍ ကိုးကွယ်ကြလိမ့်မည်” ဟူ၍ဖြစ်၏။ 5ထို့နောက် ကျွန်ုပ်ကြည့်လိုက်ရာ ရွှေမြို့တော်ရှိ သက်သေခံချက်ပါသည့် တဲတော်ဖြစ်သော ဗိမာန်တော်သည် ပွင့်နေသည်ကို မြင်ရ၏။ 6ထိုဗိမာန်တော်ထဲမှ ဘေးဒဏ်ခုနှစ်ပါးကို ကိုင်ဆောင်ထားသည့် နတ်ဒေဝါခုနှစ်ပါးထွက်လာ၏။ သူတို့သည် သန့်ရှင်းတောက်ပြောင်သော ပိတ်ချောထည်ကိုဝတ်ဆင်၍ ရင်ဘတ်ပေါ်တွင် ရွှေရင်စည်းကို ပတ်ထား၏။ 7သတ္တဝါလေးပါးအနက် တစ်ပါးသည် အစဉ်ထာဝရအသက်ရှင်တော်မူသော ဘုရားရှင်၏ အမျက်တော်နှင့် ပြည့်နေသော ရွှေဖလားခုနှစ်လုံးကို နတ်ဒေဝါခုနှစ်ပါးအား တစ်လုံးစီပေး၏။ 8ဗိမာန်တော်သည်လည်း ဘုရားရှင်၏ ဘုန်းအသရေနှင့် တန်ခိုးတော်တို့၏ အခိုးအငွေ့များဖြင့် ပြည့်နက်နေ၏။ နတ်ဒေဝါခုနစ်ပါးတို့၏ ဘေဒဏ်ခုနစ်ပါးမပြီးဆုံးမီအထိ ဗိမာန်တော်ထဲသို့ မည်သူမျှမဝင်ကြရ။
Đang chọn:
Revelation 15: TPV-RV
Tô màu
Chia sẻ
So sánh
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.