Psalms 95
95
1လာကြ။ ဘုရားရှင်အားရွှင်လန်းစွာ သီချင်းဆိုကြကုန်အံ့။ ငါတို့သည် ကယ်တင်ခြင်းသို့ရောက်ရာကျောက်ကို ကျူးဧကြကုန်အံ့။ 2ကျေးဇူးတော်ချီးမွမ်းခြင်းဖြင့် အရှင်၏ရှေ့တော်သို့ ဝင်၍ တေးသီချင်းများဖြင့် အရှင့်ထံသို့ ဝမ်းမြောက်စွာကြွေးကြော်ကြကုန်စို့။ 3အကြောင်းမူကား အရှင်သည် ကြီးမြတ်တော်မူသော ဘုရားရှင်ဖြစ်တော်မူ၏။ ဘုရားရှိသမျှတို့ထက်ကြီးမြတ်တော်မူသော ရှင်ဘုရင်ဖြစ်တော်မူ၏။ 4ကမ္ဘာမြေကြီး၏နက်ရှိုင်းရာအရပ်တို့သည် အရှင်၏လက်တော်ထဲရှိကြ၏။ တောင်ထိပ်တို့ကိုလည်း အရှင်ပိုင်တော်မူ၏။ 5အရှင်သည် ပင်လယ်ကို ဖန်ဆင်း၍ ပိုင်တော်မူ၏။ ကုန်းမြေကိုလည်း လက်တော်ဖြင့် ပုံဖော်ဖန်ဆင်းတော်မူ၏။ 6လာကြ၊ ရှိခိုးကိုးကွယ်ကြစို့။ ညွတ်တွားကြကုန်စို့။ ကျွန်ုပ်တို့ကို ဖန်ဆင်းတော်မူသော ဘုရားရှင်၏ရှေ့တော်၌ဒူးထောက်ကြကုန်စို့။ 7အကြောင်းမူကား အရှင်သည် ကျွန်ုပ်တို့၏ဘုရားရှင်ဖြစ်တော်မူ၏။ ကျွန်ုပ်တို့သည်လည်း အရှင်၏စားကျက်၌ ကျက်စားသောသူ၊ အရှင်၏လက်တော်ထဲမှ သိုးစုဖြစ်ကြ၏။ ယနေ့သင်တို့သည် အရှင်၏အသံကိုကြားလျှင် 8မေရိဘအရပ်၌ကဲ့သို့လည်းကောင်း၊ တောကန္တာရရှိ မဿာအရပ်၌ရှိစဉ်ကကဲ့သို့လည်းကောင်း သင်တို့၏စိတ်နှလုံးကို မမာကျောစေကြနှင့်။ 9ထိုအရပ်တွင် သင်တို့ဘိုးဘေးများသည် ကျွန်ုပ်ပြုသော အမှုကို မြင်လျက်ပင် ကျွန်ုပ်ကိုစမ်းသပ်၍ စစ်ဆေးခဲ့ကြ၏။ 10ငါသည် အနှစ်လေးဆယ်အတွင်း ထိုမျိုးဆက်ကို စက်ဆုပ်၍ “သူတို့သည် စိတ်သဘောမှားယွင်းသောလူမျိုးဖြစ်ကြ၏။ ငါ၏လမ်းတို့ကိုလည်းမသိကြ” ဟုဆို၏။ 11ထို့ကြောင့် “သူတို့သည် ငါ၏ငြိမ်ဝပ်ရာချမ်းသာထဲသို့ ဝင်ရကြမည်မဟုတ်” ဟုအမျက်တော်ဖြင့် ငါကျိန်ဆို၏။
Đang chọn:
Psalms 95: TPV-RV
Tô màu
Chia sẻ
So sánh
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.