Psalms 62
62
1အကျွန်ုပ်၏စိတ်ဝိညာဉ်သည် ဘုရားရှင်ထံ၌သာ ငြိမ်သက်ချမ်းသာမှုကို ခံစားရ၏။ အကျွန်ုပ်အားကယ်တင်ခြင်းအကြောင်းသည် ကိုယ်တော့်ထံမှလာ၏။ 2ကိုယ်တော်သာလျှင် အကျွန်ုပ်၏ကျောက်ဆောင်၊ အကျွန်ုပ်ကိုကယ်တင်သောအရှင်၊ အကျွန်ုပ်၏ခိုကိုးရာ ဖြစ်တော်မူ၏၊ အကျွန်ုပ်သည် လွန်စွာတုန်လှုပ်လိမ့်မည်မဟုတ်။ 3သင်တို့သည် မည်မျှကြာအောင် ပြင်းထန်စွာတိုက်ခိုက်ကြမည်နည်း။ သင်တို့အားလုံးသည် တိမ်းစောင်းနေသောနံရံနှင့် လှုပ်နဲ့နေသောခြံစည်းရိုးကဲ့သို့သောသူကို သတ်ဖြတ်ကြမည်လော။ 4ထိုသူကို ရာထူးမြင့်သောနေရာမှဆွဲချရန်သာ သူတို့သည်လျှို့ဝှက်ကြံစည်ကြ၏။ သူတို့သည် လိမ်လည်ခြင်းကိုနှစ်သက်ကြ၏။ သူတို့သည် နှုတ်ဖြင့်ကောင်းချီးပေးကြသော်လည်း သူတို၏စိတ်ထဲ၌ ကျိန်ဆဲကြ၏။ 5အကျွန်ုပ်၏စိတ်ဝိညာဉ််သည် ဘုရားရှင်ထံ၌သာ ငြိမ်သက်ချမ်းသာမှုကို ခံစားရ၏။ အကြောင်းမူကား အကျွန်ုပ်၏မျှော်လင့်ခြင်းသည် ကိုယ်တော်ထံမှလာ၏။ 6ကိုယ်တော်သာလျှင် အကျွန်ုပ်၏ကျောက်ဆောင်၊ အကျွန်ုပ်ကိုကယ်တင်သောအရှင်၊ အကျွန်ုပ်၏ခိုကိုးရာ ဖြစ်တော်မူ၏၊ အကျွန်ုပ်သည် လွန်စွာတုန်လှုပ်လိမ့်မည်မဟုတ်။ 7ဘုရားရှင်ထံတော်၌ အကျွန်ုပ်၏ကယ်တင်ခြင်းနှင့် အကျွန်ုပ်၏ဘုန်းအသရေရှိ၏။ ဘုရားရှင်သည် အကျွန်ုပ်၏ခိုင်ခံ့သောကျောက်ဆောင်၊ အကျွန်ုပ်၏ခိုလှုံရာဖြစ်တော်မူ၏။ 8အို လူအများတို့၊ ကိုယ်တော်ကို အစဉ်အမြဲ ယုံကြည်ကိုးစားကြလော့။ သင်တို့၏စိတ်နှလုံးကို ကိုယ်တော်၏ရှေ့တော်၌ ဖွင့်ဟကြလော့။ ဘုရားရှင်သည် အကျွန်ုပ်တို့၏ခိုလှုံရာ ဖြစ်တော်မူ၏။ 9အဆင့်အတန်းနိမ့်သောသူတို့သည် ဝင်သက်ထွက်သက်မျှသာဖြစ်ကြပြီး အဆင့်အတန်းမြင့်သောသူတို့သည် လိမ်လည်ခြင်းသာဖြစ်ကြ၏။ ချိန်ခွင်၌ချိန်လျှင် သူတို့နှစ်မျိုးပေါင်းထားခြင်းသည် အခိုးအငွေ့ထက်ပေါ့၏။ 10ဖိနှိပ်ချုပ်ချယ်မှုကို ယုံကြည်ကိုးစားခြင်းမပြုကြနှင့်။ လုယက်မှုအပေါ်၌လည်း အချည်းအနှီးမမျှော်လင့်ကြနှင့်။ ဥစ္စာပစ္စည်း တိုးပွားလျှင်လည်း ထိုအရာတို့ကို စိတ်စွဲလမ်းခြင်းမရှိကြနှင့်။ 11ဘုရားရှင် တစ်ကြိမ်မိန့်တော်မူပြီး အကျွန်ုပ်နှစ်ကြိမ်ကြားရသည့် အစွမ်းသတ္တိကို ဘုရားရှင်ပိုင်တော်မူ၏။ 12အို ဘုရားရှင်၊ မေတ္တာကရုဏာတော်ကို ကိုယ်တော်ပိုင်တော်မူ၏။ အကြောင်းမူကား ကိုယ်တော်သည် လူအသီးသီးတို့အား မိမိတို့ပြုသောအမှုနှင့်အညီ အကျိုးအပြစ်ကို ဆပ်ပေးတော်မူ၏။
Đang chọn:
Psalms 62: TPV-RV
Tô màu
Chia sẻ
So sánh
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.