Psalms 21
21
1အို ဘုရားရှင်၊ ကိုယ်တော်သည် ဘုရင်မင်းကြီးအား ခွန်အားစွမ်းရည်ကိုပေးတော်မူသဖြင့် သူသည်ဝမ်းမြောက်ပါ၏။ ကိုယ်တော်သည် စစ်ပွဲကိုအောင်နိုင်စေတော်မူသဖြင့် သူသည် အလွန်အားရရွှင်လန်းပါ၏။ 2ကိုယ်တော်သည် သူ၏စိတ်နှလုံးအလိုဆန္ဒကို ဖြည့်ဆည်းပေး၍ သူ၏နှုတ်မှ တောင်းလျှောက်သောအရာကို ငြင်းပယ်တော်မူခြင်းမရှိပါ။ 3အကြောင်းမူကား ကိုယ်တော်သည် ကြွယ်ဝသော ကောင်းချီးမင်္ဂလာများဖြင့် သူ့အားကြိုဆိုလျက် သူ၏ဦးခေါင်းပေါ်တွင် ရွှေစင်သရဖူကို တင်တော်မူ၏။ 4သူသည် ကိုယ်တော့်ထံမှ အသက်ရှင်ခြင်းကို တောင်းလျှောက်ရာ ကိုယ်တော်သည် ကာလအစဉ်အဆက် အသက်ရှည်ခြင်းကို သူ့အားပေးတော်မူ၏။ 5ကိုယ်တော် ပေးတော်မူခဲ့သည့် အောင်နိုင်မှုမှတဆင့် သူ၏ဘုန်းအသရေသည် ကြီးမားလှပါ၏။ ကိုယ်တော်သည် ဘုန်းကျက်သရေနှင့် ဘုန်းအာနုဘော်ကို သူ့အား အပ်နှင်းတော်မူ၏။ 6ကိုယ်တော်၏ ကောင်းချီးမင်္ဂလာများသည် သူ၏အပေါ်သို့ အစဉ်သက်ရောက်လျက်ရှိပါ၏။ ကိုယ်တော်၏ မျက်မှောက်တော်တွင် ရှိသည်ဖြစ်၍ သူသည် ရွှင်လန်း ဝမ်းမြောက်ပါ၏။ 7အကြောင်းမူကား ဘုရင်မင်းကြီးသည် ဘုရားရှင်ကိုယုံကြည်ကိုး၍ အမြင့်မြတ်ဆုံးသောအရှင်၏ မေတ္တာကရုဏာတော်ကို ခံစားရသဖြင့် သူသည် တုန်လှုပ်မည် မဟုတ်ပေ။ 8ကိုယ်တော်၏လက်တော်သည် ကိုယ်တော်၏ ရန်သူများအားလုံးအပေါ်သို့ ကျရောက်လိမ့်မည်။ ကိုယ်တော်၏လက်ယာလက်တော်သည် ကိုယ်တော့်အား မုန်းတီးကြသူတို့အား ဖမ်းဆီးတော်မူလိမ့်မည်။ 9ကိုယ်တော် ကြွလာတော်မူသောအချိန်၌ ကိုယ်တော်သည် သူတို့အား တောက်လောင်နေသော မီးပြင်းဖိုကဲ့သို့ ဖြစ်စေတော်မူလိမ့်မည်။ ဘုရားရှင်သည် အမျက်တော်ဖြင့် သူတို့အား ဖျက်ဆီးတော်မူလိမ့်မည်။ မီးသည်လည် သူတို့အား လောင်ကျွမ်းလိမ့်မည် 10ကိုယ်တော်သည် သူတို့ထံမှ ပေါက်ဖွားလာကြသူတို့ကို ကမ္ဘာမြေပေါ်မှလည်းကောင်း၊ သူတို့၏ သားစဉ်မြေးဆက်တို့ကို လူသားတို့ထဲမှလည်းကောင်း ဖျက်ဆီးတော်မူလိမ့်မည်။ 11သူတို့သည် ကိုယ်တော့်အပေါ် မကောင်းကြံကြ၍ ကောက်ကျစ်သောအကြံအစည်တို့ကို ကြံစည်ကြသော်လည်း အောင်မြင်ကြလိမ့်မည်မဟုတ်။ 12အကြောင်းမူကား ကိုယ်တော်သည် ကိုယ်တော်၏ လေးကြိုးကိုတင်လျက် သူတို့၏မျက်နှာအား ချိန်ရွယ်ထားသဖြင့် သူတို့အား နောက်သို့ ပြန်လှည့်ပေးစေလိမ့်မည်။ 13အို ဘုရားရှင်၊ ကိုယ်တော်၏ ခွန်အားအစွမ်းသတ္တအားဖြင့် ချီးမြှောက်ခြင်းရှိတော်မူပါ။ အကျွန်ုပ်တို့သည် ကိုယ်တော်၏ အံ့ဖွယ်တန်ခိုးတော်အကြောင်းကို သီဆိုချီးမွမ်းကြပါမည်
Đang chọn:
Psalms 21: TPV-RV
Tô màu
Chia sẻ
So sánh
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.