مَتَّى 3
3
يُوحَنَّا المَعمَدان يَجَهِّز السِّكَّه
1و في الأيام ديلاك، يُوحَنَّا المَعمَدان جا يَبَشِّر في خَلا اليَهُودِيَّه 2و يَقول: ”توبو، فِشان #3:2 مَلَكوت: كِلمَه مَخصوص لِمَملَكَة الله.مَلَكوت السَّما قَريب.“ 3فِشان دا هو الكَلام النَّبي إِشَعْيَاء قال بِخُصوصو:
”صوت البِكورِك في الخَلا:
حَضِّرو طَريق الرَّب،
أعمِلو السِّكَك بِتاعتو دُغري.“
4و يُوحَنَّا كان لابِس توب مِن شَعر الجَّمَل، و في وَسطو حِزام مِن جِلِد. و الأكل بِتاعو كان جَراد و عَسَل مِن الغابَه. 5في الوَكِت دا، ناس أُورُشَلِيم و ناس مِن كُل اليَهُودِيَّه و مِن كُلّو مَحَل قَريب مِن بَحَر الأُرْدُنّ مَرَقو 6و إتعَمَّدو مِنّو في الأُرْدُنّ. و كانو يَخَبِّرو بِخَطاياهم.
7و لَمّا شاف كَتير مِن الفَرِّيسِيِّين و الصَّدّوقيين قاعِدين يَجو لِلمَعموديَّه، يُوحَنَّا قال ليهُم: ”يا أولاد الدَّبايب، مِنو خَبَّركُم بِالخَطَر عَشان تَجرو مِن الزَّعل الجّاي؟ 8أعمِلو الحاجات البِوَرّو النّاس إنتو تُبتو. 9و ما بِتَفتَكِرو تَقولو في نُفوسكُم: أبونا هو إِبْرَاهِيم. عَشان أقول ليكُم: الله يَقدَر يَطَلِّع أولاد لِإِبْرَاهِيم مِن الحُجار ديل. 10و هَسَّع دي خَتّو الفاس عَلى عِرق الشَّجَر. كُلّو شَجَرَه الما تَجيب ثِمار سَمِح، بِقطَعوها و بِرموها في النّار.
11أنا بَعَمِّدكُم بِمويَه لِلتّوبَه. و لَكِن هو البِجي بَعَدي قَوّي مِنّي. و أنا ما كوَيس حَتّى أشيل جِزَمو. هو بِعَمِّدكُم بِالرّوح القُدُس و النّار. 12#3:12 مُضرايَه: حاجَه زي كوريك بيها يَرفَع الدُّرَه عَشان الريح يَشيل القِشر. مُضراياتو في إيدو، و هو بِنَضِّف أرضو، و بِلِم دُرَتو في المَخزَن، و لَكِن القِشر مِن الدُّرَه بِحرِقو بِالنّار الما بِتموت.“
مَعموديَّة يَسُوع
13بَعَد دا، يَسُوع جا مِن الجَّليل لِلأُرْدُنّ لِيُوحَنَّا عَشان يِتعَمَّد مِنّو. 14و لَكِن يُوحَنَّا مَنَعو و قال: ”أنا لازِم أتعَمَّد مِنَّك إنتَ، و إنتَ تَجي لَي؟“ 15لَكِن يَسُوع رَدَّ و قال ليهو: ”خَليهو يَكون كِدا هَسَّع، عَشان دا موافِق أن نَتِم كُلّو #3:15 بِر: قَداسَه؛ زول عِندو دا لَمّا هو في عِلاقَه كويسَه مَعَ الله؛ مِن الكِلمَه بار.بِر.“ بَعَد دا هو أدّاهو إذِن. 16و لَمّا يُوحَنَّا عَمَّد يَسُوع، هو طَلَع طَوّالي مِن المويَه. و شوف، السَّما إنفَتَحَت، و هو شاف روح الله نازِل زي حَمامَه، و جاي فوقو. 17و شوف، جا صوت مِن السَّما و قال: ”دا هو إبني الحَبيب، و أنا مَبسوط بيهو.“
Đang chọn:
مَتَّى 3: APD2024
Tô màu
Chia sẻ
So sánh
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 1978 SIM, adapted in 2024 by Pioneer Bible Translators
