रोमि 13
13
प्रसासकगेलाइको आधिनता
1झाराङ द्याङ सासन पाका प्रसासकगेलाइको आधिनता हिलि गोइखे, हाइपालिपानु गोताङ खाबारा परमेस्वरसो लोखे। जेदोङ प्रसासकगेलाइ हि, इङको परमेस्वरसोङ नियुक्ति जेङका हि। 2ओदोङ भाअ्सिङ जाइ प्रसासकगेलाइको आग्या केम्लि इन्कार पाखे, वा परमेस्वरसो नियुक्ति जेङकालाइको बिरोध पाखे। कालाउ जाइ-जाइ बिरोध पाखे, वा साजाइ निनावा। 3हाइपालिपानु सासकगेलाइसो ते रेम्का काम पाकालाइ माको, भरु मारेम्का काम पाकालाइ थिलि गोइखे। हाइ नाअ् सासकहेङ थितेङ हिलि माभोखेना? एन्सा पानु रेम्का काम पाअ्, कालाउ नेलाइहेङ सासकगेलाइसोङ बाखिन मिलियावा। 4हाइपालिपानु नेलाइहेङ साघाइलिको भाअ्सिङ सासकगेलाइहेङ परमेस्वर खाटाइका सेवक दोङ हि। कालाउ जेसापा नेलाइ मारेम्का पास्वाना पानु थिसु, हाइपालिपानु सासकगेलाइ दोफा नासेहेङ साजाइ पिका खाबारा हि। कालाउ आखेका काम पाकालाइहेङ साजाइ पिका इम्बालाइ परमेस्वरको सेवक दोङ हि। 5ओदोङ भाअ्सिङ सासकगेलाइको साजाइसो बान्चिलि खिनिङ माको, कालाउ बुद्दिहोइ एसा पालि आसल माको दोअ्तेङ नेलाइ इम्बालाइको आधिनता हिलि गोइखे।
6ओदोङ भाअ्सिङ बुङ नाअ् पोत तिरिखेना। हाइपालिपानु सासकगेलाइ ओदोङ कामको भाअ्सिङ लागातार परमेस्वरको सेवक दोङ हि। 7तिरिलि गोइका झाराङहेङ तिरिसु, पोत ल्होपाकालाइहेङ पोत तिरिसु, एन्साङ पातेङ महसुल ल्होपाकालाइहेङ महसुल तिरिसु, आदार पालि गोइकाहेङ आदार पासु कालाउ इज्जत पालि गोइकाहेङ इज्जत पासु।
प्रेमता लागितेङ हिसु
8कालाउ एमिसो-भेनेङहेङ मायारु पालि बाहेक आरु हिदोइ बुङ काथाता हासुको बुङ रिनि माजेङसु, हाइपालिपानु ताइको देरागेलाइहेङ प्रेम पाकालाइ मोसाको व्यवस्था पुरा पाका हिखे। 9मोसाको व्यवस्थाता हेन्जा आग्यागेलाइ हि जेसाङ: “कासिबिरि मापा, मारा मापा, माखु, मादि” इदोइ आग्यागेलाइ बाहेक कालाउ आरोङ जेथे बुङ आग्या हि, इङको गोताङको एनोङ दोङ साराङस इदोइ आग्याता निङखे, माकुनु “नाअ् ताइको देरागेलाइहेङ ताइमिहेङ भाइपाङ प्रेम पाअ्।” 10प्रेमहोइ देरागेलाइको मारेम्का मापाखे, ओदोङ भाअ्सिङ प्रेम पालि दोङ गोताङ व्यवस्था केम्लि दोङ।
11इदोइ बाहेक या बर्तमान सोमोइ हिसिका हि, इङको नेलाइहेङ थाहा दोङ हि। एला निन्धासो नाङघाका ठिक बेला लोका हि, हाइपालिपानु केलाइ लाम्फा खाङधुरि पाका खाङतेङ एला केलाइको मुक्ति झन भेरपा लोका हि। 12न्हिसिन हानिलि दोहोइ, कालाउ दिना चेम्ताङ लोका हि। ओदोङ भाअ्सिङ केलाइ कितिकितिकाको काम पालि लाअ्लि गोयाङ, कालाउ केलाइ फाइसालामकाता जुधिलि हातियारगेलाइ तोल्ह्याइने। 13केलाइ कितिकितिकाता माको भरु नितिमा रेम्का काम पाका द्याङगेलाइ भाइपा ब्यभार पाइने। मोज्मज्जा पालि, आम्लि, कासिबिरि पालि, आखेका काम पालि, चेरसुका कालाउ बोमिको मि तु पालि लाअ्ताइने। 14कालाउ प्रभु येसु ख्रिस्ट कोनिङ जेङसु, कालाउ पापमय स्वभाबको लान्सा पुरा पाका काथाता ध्यान मापासु।
Đang chọn:
रोमि 13: DHINT
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Dhimal New Testament, by The Love Fellowship is licensed under Creative Commons Attribution-ShareAlike 4.0 License.