পত্থম 10
10
নোহ বংশধর কধা
1ইবে অলঅ নোহর পুয়ো শেম, হাম আর যেফত বংশর কধা। পানি বান পরেদি তারারঅ পুয়ো ওইয়োন্।
যেফতর বংশধরর-কধা
2যেফত পুয়োগুন্ অলাক্ গোমর, মাগোগ, মাদয়, যবন, তূবল, মেশক আর তীরস। 3গোমর পুয়োগুন্ অলাক্ অস্কিনস, রীফৎ আর তোগর্ম। 4যবন পুয়োগুন্ অলাক্ ইলীশা, তর্শীশ, কিত্তীম আর দোদানীম। 5ইগুনো বংশর মানুচ্চুনে যেরেদি নানান্ ভাষা, পরিবার আর জাদ ইজেবে সাগর পার নানান্ দেজত্ ছিদি পড়িলাক্।
হাম বংশগুনোর-নাঙানি
6হাম পুয়োগুন অলাক্ কূশ, মিসর, পূট আর কনান। 7কূশ পুয়োগুন অলাক্ সবা, হবীলা, সপ্তা, রয়মা আর সপ্তকা। রয়মার পুয়োগুন অলাক্ শিবা আর দদান।
8কূশর এক্কো পুয়ো ওইয়্যে যিবের নাঙান্ এলদে নিম্রোদ। এ নিম্রোদে পিত্থিমীত্ এক্কো খেমতাবান্ মরদ্ এলঅ। 9লগেপ্রভুর্ চোগোত্ তে এলদে এক্কো ব্যধ শিগেরী। সেনত্তে কধায় কয়দে, “মানুচ্চ্য যেন লগেপ্রভুর্ চোগোত্ এক্কো কাবিল্ শিগেরী নিম্রোদ।” 10শিনিয়র দেজর বাবিল, এরক, অক্কদ আর কল্নী নাঙে জাগায়ানি লোইনে তে রাজাগিরি গরানা আরাম্ভ গুরিলো। 11-12তে সিয়োত্তুন্ নিগিলিনে তা রেজ্যগান বাড়াদে বাড়াদে আসিরিয়া দেজ্চান সং গেলঅ। সে জাগানর নীনবী, রহোবৎ-পুরী, কেলহ আর রেষণ নাঙে শঅরানি তেয়ই বানেইয়্যে। ইয়েনি ভিদিরে রেষণ অলঅ নীনবী আর কেলহর সংমধ্যে জাগানত্। ইয়েনি এক সমারে মিজেনে এক্কান্ দাঙর্ শঅর বানা ওইয়্যে। 13-14লূদীয়, অনামীয়, লহাবীয়, নপ্তুহীয়, পথ্রোষীয়, কস্লূহীয় আর ক্রীটীয়গুনে এলাক মিসর বংশর মানুচ্। কস্লূহীসগুনে এলাক্ পলেষ্টীয়গুনোর পুরোণি মানুচ্। 15কনান দাঙর পুয়োবো নাঙান এলঅ সীদোন। সে পরেদি হেতর জর্ম ওইয়্যে। 16যিবূষীয়, ইমোরীয়, গির্গাশীয়, 17হিব্বীয়, অর্কীয়, সীনীয়, 18অর্বদীয়, সমারীয় আর হমাতীয়গুনেয়ো এলাক্ কনান বংশর মানুচ্। পরেদি এ কনানীয় পরিবারুন ছিদি পড়িলাক্। 19সীদোন শঅরত্তুন্ গরারত্ যেবার পদথ্ গাজা সং আর গাজাত্তুন্ সদোম, ঘমোরা, অদ্মা আর সবোয়ীমোত্ যেবার পদথ্ লাশা সং কনানীয়গুনোর দেজর্ দুযি এলঅ। 20পরিবার, ভাষা, দেজ আর জাদ্ ইজেবে ইগুনে এলাক্ হাম বংশর মানুচ্।
শেম বংশগুনো-নাঙানি
21যেফত দাঙর ভেই শেমরঅ ঝি-পুয়ো ওইয়োন্। শেম অলদে এবর আর তা পুয়োগুনোর্ পুরোণি মানুচ্। 22শেম পুয়োগুন অলাক্ এলম, অশূর, অর্ফক্ষদ, লূদ আর অরাম। 23অরাম পুয়োগুন্ অলাক্ উষ, হূল, গেথর আর মশ। 24অর্ফক্ষদর পুয়োবো নাঙান শেলহ আর শেলহ পুয়োবোর নাঙান্ এবর। 25এবরর দ্বিবে পুয়ো ওইয়োন্। তারার একজন নাঙ্ এলঅ পেলগ। তা সময়োত্ পিত্থিমীগান ভাগ ওইয়্যে বিলিনে তারে এ নাঙান দিয়্যে ওইয়্যে। পেলগ ভেইবো নাঙান এলদে যক্তন। 26যক্তনর্ পুয়োগুন্ অলাক্ অল্মোদদ্, শেলফ, হৎসর্মাবৎ, যেরহ, 27হদোরাম, ঊষল, দিক্ল, 28ওবল, অবীমায়েল, শিবা, 29ওফীর, হবীলা আর যোবব। ইগুন বেক্কুনে এলাক্ যক্তন পুয়ো। 30মেষাত্তুন্ পুগেন্দি সফারত্ যেবার পদথ্ যে মুড়ো-মুড়ি চাগালাগান্ এলঅ সে জাগানত্ তারা বজত্তি গুরিদাক্। 31পরিবার, ভাষা, দেজ আর জাদ্ ইজেবে ইগুনে এলাক্ শেম বংশর মানুচ্।
32ইগুনে অলাক্ বংশ আর জাদ্ ইজেবে নোহ পুয়োগুনোর্ ভালোক্ পরিবার। পানি বান পরেদি তারা বংশর মানুচ্চুনে নানান্ জাদ্ ওইনে গদা পিত্থিমীয়ানত্ ছিদি পড়িলাক্।
Đang chọn:
পত্থম 10: CBT
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Copyright © 2021 Bangladesh Bible Society
