Fuɗɗoode 5
5
1Nani ɗo dewtere der to inɗe lenyol Aadamu winnaa. Wakkati Alla tagi gorko e debbo, o tagu ɓe nun ɓee nandi mo. 2No ɓe tagaa, o barkiɗini ɓe, go o noddi ɓe neɗɗo.
3No Aadamu waɗi duuɓi hewre e laso e sappo (130), o rimi suka nanduɗo mo deydey. O hokki mo inne Setu. 4Ɓaawo no Setu rimaa, Aadamu rimii sukaaɓe worɓe e rewɓe faa o yottorii duuɓi keme jeetati (800). 5Aadamu wuurii duuɓi keme jeenay e laso e sappo (930) den o maayi.
6No Setu waɗi duuɓi hewre e joy (105), o rimi Enosu. 7Ɓaawo no Enosu rimaa, Setu rimii sukaaɓe worɓe e rewɓe faa o yottorii duuɓi keme jeetati e jeeɗiɗi (807). 8Setu wuurii duuɓi keme jeenay e sappo e ɗiɗi (912), den o maayi.
9No Enosu waɗi duuɓi lasooji naay e sappo (90), o rimi Kenaani. 10Ɓaawo no Kenaani rimaa, Enosu rimii sukaaɓe worɓe e rewɓe o yottorii duuɓi keme jeetati e sappo e joy (815). 11Duuɓi ɗi Enosu wuuri fu waɗii duuɓi keme jeenay e joy (905), den o maayi.
12No Kenaani waɗi duuɓi lasoy tati e sappo (70), o rimii Mahaleeli. 13Ɓaawo no Mahaleeli rimaa, Kenaani rimii sukaaɓe worɓe e rewɓe faa o yottorii duuɓi keme jeetati e lasoy ɗiɗi (840). 14Kenaani wuurii duuɓi keme jeenay e sappo (910), den o maayi.
15No Mahaleeli waɗi duuɓi lasoy tati e joy (65), o rimii Yereedi. 16Ɓaawo no Yereedi rimaa, Mahaleeli rimii sukaaɓe worɓe e rewɓe faa o yottorii duuɓi keme jeetati e laso e sappo (830). 17Mahaleeli wuurii duuɓi keme jeetati e lasooji naay e sappo e joy (895), den o maayi.
18No Yereedi waɗi duuɓi hewre e lasoy tati e ɗiɗi (162), o rimii Anuhu. 19Ɓaawo no Anuhu rimaa, Yereedi rimii sukaaɓe worɓe e rewɓe faa o yottorii duuɓi keme jeetati (800). 20Yereedi wuuri duuɓi keme jeenay e lasoy tati e ɗiɗi (962), den o maayi.
21No Anuhu waɗi duuɓi lasoy tati e joy (65), o rimii Metusela. 22Ɓaawo no Metusela rimaa, Anuhu yaadii e Alla. O rimii sukaaɓe worɓe e rewɓe, o yottorii duuɓi keme tati (300). 23Anuhu wuurii duuɓi keme tati e lasoy tati e joy (365). 24O yaadii e Alla, o safaa dow kammu, gam Alla ettu mo nun, o maayay.
25No Metusela waɗi duuɓi hewre e lasooji naay e jeeɗiɗi (187), o rimii Lemeki. 26Ɓaawo no Lemeki rimaa, Metusela rimii sukaaɓe worɓe e rewɓe faa o yottorii duuɓi keme jeeɗiɗi e lasooji naay e ɗiɗi (782). 27Metusela wuurii duuɓi keme jeenay e lasoy tati e jeenay (969), den o maayi.
28No Lemeki waɗi duuɓi hewre e lasooji naay e ɗiɗi (182) o rimii suka gorko. 29O hokkaa inne Nuuhu, o wi'i: Oo ɗon nun suttanta en comuri meeɗen, o walla en der golle juuɗe men caɗuɗe ɗe gooduɗen gam sabbu yaa'oore ne Alla Joomiraawo yaa'ii leydi. 30Ɓaawo no Nuuhu rimaa, Lemeki rimii sukaaɓe worɓe e rewɓe faa o yottorii duuɓi keme joy e lasooji naay e sappo e joy (595). 31Lemeki wuurii duuɓi keme jeeɗiɗi e lasoy tati e sappo e jeeɗiɗi (777), den o maayi.
32No Nuuhu waɗi duuɓi keme joy (500), o rimi Seemu e Kaamu e Jafeeti.
Đang chọn:
Fuɗɗoode 5: BFB
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Bible Fulfulde Bénin © SIM International 2015, 2024.
