Fuɗɗoode 10
10
Lenyol sukaaɓe Nuuhu
1Nani ɗo lenyol sukaaɓe Nuuhu tato, Seemu e Kaamu e Jafeeti. Ɓaawo no puttiri diyam mawɗam ɗam waɗi, ɓe fu tato ɓen ɓe dimii sukaaɓe.
2Sukaaɓe Jafeeti woni, Gomer, e Magogu, e Maday, e Jawan, e Tubali, e Meseki, e Tirasi. 3Sukaaɓe Gomer bo woni, Asikenasi, e Rifati, e Togarma. 4Sukaaɓe Jawan bo woni, Elisa, e Taasisi, e Kitimu, e Dodanimu#10:4 Dewte goɗɗe wi'an nun Rodanimu. 5Lenyol Jafeeti ŋol nun yahi jooɗii der dunɗe e takkol maayo. Ɗon nun ɓe dimdi ɓe ɗuuɗi, go moy fu e maɓɓe yahi jooɗii nokkuure mum e lenyol mum, e bata ɗenŋal mum.
6Sukaaɓe Kaamu bo woni, Kusi, e Misirayimu, e Puti, e Kanaana. 7Sukaaɓe Kusi bo woni: Saba, e Hafila, e Sabuta, e Rayema, e Sabuteka. Rayema bo rimi Seba, e Dedani. 8Kusi bo rimii suka noddeteeɗo Nimurodu. Kanko arti laatii cuusuɗo cemmiɗinɗo der duuniyaaru. 9O laatake loohoowo geeto yeeso Joomiraawo. Kan acci ballool gom e wi'a: O laatoo loohoowo geeto hande Nimurodu. 10O artii o laamanii taw Babiila, e Ereki, e Akadi, e Kaline der leydi Sine'aa. 11Diga der leydi nii ɗon nun o wurtii o yahi Asuura, go o mahi wanŋarɗe noddeteeɗe, Niniwe, e wanŋarde Rehobotu, e Kalasi, 12o mahi bo Reseni hakkune Niniwe e Kalasi, wanŋarɗe ɗen laatake wanŋarɗe mawɗe. 13Misirayimu nun rimi Ludiyankeeɓe, e Anaminkeeɓe, e Lehabinkeeɓe, e Nafituhinkeeɓe, 14e Paturusinkeeɓe, e Kasuluhinkeeɓe, diga e maɓɓe nun Filisitinkeeɓe e Kafitorinkeeɓe ƴiwi.
15Kanaana bo rimii Sidoni. Kanko nun laatii ɓiyiiko afo, o rimi bo Heti. 16Sukaaɓe makko woɓɓe nun laatii Yebusinkeeɓe, e Amorinkeeɓe, e Girigasinkeeɓe, 17e Hawiyankeeɓe, e Arikinkeeɓe, e Siniyankeeɓe, 18e Arwadiyankeeɓe, e Semarinkeeɓe, e Hamatinkeeɓe. Ɓaawo mum, lenyi der saareeji Kanaaninkeeɓe seennii. 19Jeyde Kanaaninkeeɓe fuɗɗii diga Sidon weccoore Gerar, faa yottii Gaaja, weccoore Sodoma bo e Gomora, e Adama, e Seboyimu faa yottii Lesa. 20Kamɓe woni sukaaɓe Kaamu, ɓe jooɗii nokkuure woore der leydi maɓɓe e lenyol maɓɓe, ɓee bata ɗenŋal maɓɓe.
21Semu, mawniraawo Jafeeti, kanun bo e woodi sukaaɓe, kamɓe woni lenyol Eberunkeeɓe. 22Inɗe maɓɓe woni: Elamu, e Asuri, e Arapasadi, e Ludi, e Aramu. 23Sukaaɓe Aramu woni: Usi, e Huli, e Getee, e Masi. 24Arapasadi bo rimi Sela. Sela bo rimi Eber. 25Eber bo rimi sukaaɓe worɓe ɗiɗo, gooto maɓɓe inne mum woni, Pelegi, gam e wakkati makko nun leydi seennaa. Inne minnyiiko bo woni, Jokutani. 26Jokutani bo rimi Alimodadi, e Selefu, e Hasaramafeti, e Jera, 27e Hadoramu, e Usali, e Dikila, 28e Obali, e Abimayeli, e Seba, 29e Ofiri, e Hafila, e Jobabu. Ɓee ɗon fu nun laatii sukaaɓe Jokutani. 30Ɓe jooɗi nun diga Mesa, takkol Sefari faa yottii waanne wonune far to lettugal.
31Kamɓe woni sukaaɓe Seemu e saareeji mum e ɗelle mum e leydi mum e lenyi mum. 32Non non haala sukaaɓe Nuuhu e lenyi mum laatorii, non bo e leydi to ɓe jooɗii e ɗelle ɗe lenyol fu batata. Diga e maɓɓe nun lenyi duuniyaaru fu wurtii, ɓaawo no puttiri diyam mawɗam ɗam waɗi.
Đang chọn:
Fuɗɗoode 10: BFB
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Bible Fulfulde Bénin © SIM International 2015, 2024.
