मर्कूस 16
16
येशू मुवलमसे जिलक
मत्ती २८:१-८; लूका २४:१-१२; यूहन्ना २०:१-१०
1बिसैना दिन बितल त, मगदालक मरियम, याकूबक डाई मरियम, ओ सलोमी येशूक शरीरम डारक लाग वास अइना चिज किन्ल। 2अट्वारक दिन, दिन उठ्टीकि, हुँक्र गर्या रहल ठाउँम जाइटलह। 3डगरिम हुँक्र अप्न-अप्न बट्वाइटलह, “गर्यक मोह्टमसे पत्थ्रा के उस्टादी?”#१६:३ गर्यक मोह्टमसे पत्थ्रा उस्टाइक लाग, धेर जन्हक बल आवश्यक पर।
4तर हुँक्र उहाँ पुग्टीकि, गर्या हेर्ल त, पत्थ्रा उस्टाइल देख्ल। उ पत्थ्रा बराभारी रह। 5हुँक्र गर्यम पैँठ्ल त, उज्जर झुल्वा घालल् एकठो ज्वान मनैयह#१६:५ यी ज्वान मनैया एकठो स्वर्गदूत रलह। आपन दाहिन पाञ्जर बैठल देख्क झस्कल।
6तब उ मनैया हुँकन कल, “जिन डराओ, टुह्र क्रूसम टङ्गागैल नासरत सहरक येशूह ख्वाजटो। उहाँ मुवलमसे जिगैल, अठे नैहुइट। उहाँह ढरल ठाउँ हेरो ना। 7आब जाओ, ओ उहाँक चेलन, खासकैक पत्रुसह, जनादेओ, ‘येशू टुँहनसे आघ गालीलम जाइट। उहाँ टुँहन पैल्हहेँ कहल अनुसार उहाँह टुह्र उहँ देख्बो।’”#मत्ती २६:३२; मर्क १४:२८
8तब हुँक्र डरकमार हड्बडैटी गर्यमसे निकर्क भग्ने कर्ल। हुँक्र किहुह कुछु नैकल, काकरकि हुँक्र खूब डरारलह ओ कवारलह।#१६:८ ग्रीक भाषक कौनो-कौनो प्राचीन स्रोतम “मर्कूसक लिखल खुशीक खबर” अत्रसम केल बा।
चेलन दर्शन देलक
मत्ती २८:९-२०; लूका २४:१३-५३; यूहन्ना २०:११-२३; प्रेरित १:४-११
9[अट्वारक दिन बिहान्नी येशू मुवलमसे जिक सबसे पैल्ह मगदालक मरियमकठे देखपर्ल। उह मरियमह उहाँ चोखैलह। हुँकहीन सातठो भूत लागरलहन। 10येशूक चेलावँ बिलाप कै-कै रुइबेर, हुँकन्हकठे जाक मरियम कली, 11“येशू मुवलमसे जिरल, मै अपन्हे देख्नु।” तर हुँक्र पत्यैबो-पत्यैबो नैकर्ल।
12तबदोस्र यरूशलेमसे गाउँओर जैटीरहल दुइ जन चेलन्हकठे येशू फरक रूपम देखपर्ल। उहओर्से हुँक्र उहाँह चिन्ह नैसेक्ल। 13तर पाछ जब हुँक्र येशूह चिन्ह्ल, तब घुम्क और चेलन जनाए गैल, तर हुँकन्हक बात फे कुई नैपत्यैलन।
14अन्तम एघार जन चेलावँ खाना खैटिरलह त, येशू हुँकन्हकठे देखपर्ल। येशू हुँकन हप्कैल, काकरकि हुँकन्हक विश्वासऽ नैरलहन। येशूह मुवलमसे जिएल् देखुइयन्हक बात हुँक्र मन कठोर कैक नैपत्यैलरलह।
15तब येशू हुँकन कल, “सारा संसारम जाओ ओ सबजहन खुशीक खबर प्रचार करो।#प्रे १:८ 16म्वारम विश्वास कैक बप्तिस्मा लिहुइयन आपन पापक दण्डसे बचाजैहीँ, तर म्वारम विश्वास नैकरुइयन परमेश्वरक आघ दोषी ठह्राजैहीँ। 17विश्वास करुइयन्हकठे असिन चिन्ह रहहीन्: हुँक्र म्वार नाउँम भूत लागल मनैन चोखैहीँ, नैजानल भाषा बोलहीँ। 18यदि हुँक्र अन्जानम साँप पक्रहीँ या बिष पिहीँ कलसे फे, हुँकन कुछु नैहुहिन। हुँक्र बेरम्हेन्हकम हाँठ ढरहीँ त, हुँक्र चोखाजैहीँ।”
19हुँकनसे बट्वाक सेक्ल त, प्रभु येशू स्वर्गम उठागैल, ओ परमेश्वरक दाहिन पाञ्जर बिराजमान हुइल।#प्रे १:९-११ 20तब चेलावँ सक्कुओर जाक खुशीक खबर प्रचार कर्ल। प्रभु हुँकन्हकसँग काम कर्ल, ओ अचम्म-अचम्मक धेर चिन्हले, हुँकन्हक प्रचारह सत्य साबित कैदेल।]
Đang chọn:
मर्कूस 16: thl
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2020, Wycliffe Bible Translators, Inc. All rights reserved.
