प्रेरित 6
6
सात जन रोजगैलक
1उ समयम विश्वासीहुँक्र धेर बहर्टीरलह। तब ग्रीक भाषा बोलुइयन हिब्रू भाषा बोलुइयन्हकपर गनगन करलग्ल, काकरकि हरेक दिनिक खाना बाँटबेर हिब्रू भाषा बोलुइयन ग्रीक भाषा बोल्ना विधवन्हक वास्ता नैकरँट्। 2उहोओर्से बाह्र जन प्रेरितहुँक्र और सब विश्वासीन बलाक कल, “परमेश्वरक वचन प्रचार कर छोर्क हम्र खवैना ओ पियैना बातम अलमलैना ठीक नैहुई। 3हेरो भैयौ, आब टुह्रमध्येमसे पवित्र आत्मा ओ बुद्धिले भरपूर हुइल् सातजहन रोजो, ओ हम्र खानपिनक जिम्मा हुँकन् देबी। 4हम्रजुन प्रार्थना कर्ना ओ वचन सिखैना कामम लग्लरबी।”
5यी बात सबजन मन परैल। हुँक्र विश्वास ओ पवित्र आत्मक शक्तिले भरपूर हुइल् स्तिफनसह रोज्ल। हुँक्र फिलिप, प्रखरस, निकनोर, तीमोन, पर्मिनास, ओ यहूदी विश्वासम आइल एन्टिओखिया सहरक निकोलाउसह फे रोज्ल। 6हुँक्र आपन र्वाजल् सातठो मनैन प्रेरितन्हकठे लैगैल, ओ प्रेरितहुँक्र हुँकन्हकम हाँठ ढैक प्रार्थना कैदेल।
7परमेश्वरक वचन फैलटी गैल्। यरूशलेमम विश्वासीहुँक्र धेर बहर्टीगैल ओ यहूदी पूजारीहुँक्र धेर जन येशूम विश्वास कर्ल।
स्तिफनस पक्राउ पर्ल
8परमेश्वरक अनुग्रह ओ शक्तिले भरपूर हुइलक स्तिफनस मनैन्हक बीचम धेर अचम्मक काम कर्ल ओ अचम्मक चिन्ह देखैल। 9तर सभाघरक कुई-कुई सदस्यन स्तिफनसक विरोध कर्ल। (उ सभाघरह मुक्त कमारन्हक सभाघर कैजाए।) विरोध करुइयन कुरेनी, अलेक्जेन्ड्रिया, किलिकिया ओ एशिया इलाकमसे आइल यहूदीहुँक्र रलह। हुँक्र स्तिफनससे वादविवाद करलग्ल। 10तर पवित्र आत्मा हुँकहीन बुद्धि देलकओर्से ऊ ब्वालबेर हुँक्र हुँकहार सामना कर नैसेक्ल।
11तबदोस्र हुँक्र औरजहन गोप्य रूपम मनाक “हम्र मोशा ओ परमेश्वरक विरोधम यी मनैयह ब्वालट् देख्ली” कैक कह लगैल।
12असिक हुँक्र जनतन, अगुवन ओ शास्त्रीहुँकन फे उक्सैल। हुँक्र सबजन स्तिफनसह पकर्क महासभम लैगैल। 13हुँक्र झूट साक्षी बकक् लाग मनैन् तयार कर्ल। उ झूट साक्षी बकुइयन कल, “यी मनैया जब फे हमार पवित्र मन्दिर ओ मोशक व्यवस्थक विरोधम बोल्टीरठा। 14हम्र यहीह असिक कहट् सुन्ली, ‘नासरत सहरक येशू यी मन्दिरह भत्कादेहीँ ओ मोशक देहल रीतिथिति फे बदलदेहीँ।’”
15महासभम रहल सबजन स्तिफनसह एकटक लगाक हेर्ल काकरकि हुँकहार अनुहार स्वर्गदूतक अनुहारअस चम्कटलहन।
Đang chọn:
प्रेरित 6: thl
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© 2020, Wycliffe Bible Translators, Inc. All rights reserved.
