Ʋrɔm 7
7
Manʋ na man cɔwr'ɩ kul-taa a
1Nyɩ bɛ bãwnɩ a ʋ, yɛbr i? Nɩbɛ na bãw a Naaŋmɩn wulu a zie n'a ɩ̃ ƴɛ̀rɛ: a nɩsaal cãafʋ daar yõ n'a a Naaŋmɩn wulu fɛrʋ be a ʋ zu. 2Mɛ̃ à ŋá a, pɔw na kul sɩr a, a ʋ sɩr na cãà vʋʋrɛ a yõ n'a a Naaŋmɩn wulu 'lẽ ʋlɛ nɩ a ʋ sɩr. Ɛcɛ a sɩr wa ɩ mɛ̃ ʋ kpi na a, a kul-taa nʋɔr na dãw 'lẽ bɛ a, bɛ cãà fɛrɛ ʋ ɛ. 3A na ɩ à ŋá a, a ʋ sɩr wa cãà vʋʋrɛ, ʋʋ be dɛb yũo zie a, bɛ na bʋɔlɛ ʋ nɩ pɔw-gaa-yel-bier-maalɛ. Ɛcɛ a ʋ sɩr wa kpi a, ʋ so nɩ ʋ tʋɔra a Naaŋmɩn wulu niŋé, na tʋ̃ɔ́ ɩ dɛb yũo pɔw ɛ́ bɛ maalɩ pɔw-gaa-yel-bier ɛ. 4Ɩ̃ yɛbr i, lɛ n'a a mɩ̀ ŋmɛ̃ a nyɩ zie. A Naaŋmɩn wulu niŋé a, nyɩ ɩ na mɛ̃ nɩ-kũuni a, nyɩ na lãw nɩ a Kɩrɩta a ʋ ƴã-gan pʋɔ a. A na ɩ à ŋá a, nɩ-yũo so nyɩ a ƴɛrɛŋa, a sob nɛ na lɛb yi a kũuni pʋɔ kɛ́ tɩ tʋ̃ɔ́ ɩrɛ ɩ-vɩɛlɩ na nʋmɛ a Naaŋmɩn zie a. 5A lɛn daar tɩ na tɩ cãà tɛr a tɩ nɩsaalɛ ɩb tɛwr'a, a Naaŋmɩn wulu mɩ́ tɩ ɩ na a pʋ-tɩɛr-faar tone a tome a tɩ nɩɩlʋ za pʋɔ, mɩ́ tɩ ƴãw tɩ tɛr ɩ-ɩrɩ na wɩɛr'ɩ tɩ kũu pʋɔ a. 6Ɛcɛ ƴɛrɛŋa a, bɛ ír tɩ na bɛr a Wulu fɛrʋ pʋɔ, bʋ̃ʋ n'ʋ vɛ̃, a ʋlɩ bom nɛ na tɩ so tɩ ɩ gbãgbaar a, tɩ ɩ na mɛ̃ tɩ kpi na bɛ cãà pʋɔ ʋ pʋɔ a. A na ɩ à ŋá a, tɩ na tʋ̃ɔ́ na tone a Naaŋmɩn tu n pɔ̀l-paala a Vʋʋrʋ na wule a, ɛ́ ta cãà tuur'ɩ a pɔ̀l-kʋra a Wulu na sɛb a na wule a ɩ.
A Naaŋmɩn wulu nɩ a yel-bier yele
7Tɩ na yel'a kɛ́ bo? K'aa Naaŋmɩn wulu ɩ n yel-bier bɩɩ? Lɛ bɛ n'a towtow ɛ! Ɛcɛ a Wulu n'ʋ ɩ ɩ̃ bãw bʋ̃ʋ n'ɩ a yel-bier. Bʋ̃ʋ n'ʋ so, a Wulu bɛ tɩ yel a ƴɛ̀r-bie á ŋá: «Ta nyɛ̃ a fʋ tɔ bom bɔbr ɛ», ɩ̃ kʋ̃ʋ bãw bʋ̃ʋ n'ɩ nyɛ̃ a fʋ tɔ bom bɔbr ɛ#7:7 Nyɛ̃ Ety 20.17, Wl-ayi 5.21.. 8A yel-bier tur'a de a nɔ-ƴãwna, ƴãw a tɔ bom bɔb tɩɛrʋ bʋʋrɛ za a ɩ̃ zie. Bʋ̃ʋ n'ʋ vɛ̃, Wulu bɛ wa ka be a, a yel-bier ɩ n bʋ̃-kũu. 9A koro za a, ɩ̃ na bɛ tɩ bãw kɛ́ Naaŋmɩn wulu be n be a, ɩ̃ tɩ vʋʋrɛ nɩ zoomlɛ. Ɛcɛ a nɔ-ƴãwna na wa wa a, a yel-bier vʋla tĩ na kpɩɛr mɛ̃, 10lɛ n'a a ɩ mɛ̃ ɩ̃ kpi na a. A nɔ-ƴãwna na tɩ sɛw k'ʋʋ wa n nyɔ-vʋʋrʋ a, bɛ wa bere na mãa zie ʋ wa n kũu. 11Bʋ̃ʋ n'ʋ vɛ̃, a yel-bier tur'a de a nɔ-ƴãwna bɛ̀lɩ nɩ mɛ̃, ɛ́ kʋ m nɩ a nɔ-ƴãwna.
12A na ɩ à ŋá a, a Naaŋmɩn wulu ɩ n sõw ɛ́ a nɔ-ƴãwna ɩ sõw, tu sɔ́r ɛ́ vɩɛl. 13A pãa ɩ lɛ bʋ̃-vla wa lɩɛbɩ kũu bom mãa zie ʋ? Lɛ bɛ n'a towtow ɛ! A yel-bier zie n'a a yi. À ŋá n'a ʋ ɩ, a ʋ ŋmɛ̃a tɔr za sãá: ʋ de nɩ bom na ɩ bʋ̃-vla a kʋ n mɛ̃. Ɛcɛ à à ŋá n'a, a nɔ-ƴãwna zũú, a yel-bier pãa lɛb bãw kpɛ faa tɩ zuo.
A yel-bier tʋ̃ɔ́ nɩ a nɩsaal
14Tɩ bãw na k'aa Naaŋmɩn wulu bɛ yi nɩsaal zie ɩ. Ɛcɛ mãa ɩ n nɩsaal bɛ na kʋɔrɩ kʋ̀ a yel-bier ɩ̃ ɩ a ʋ gbãgbaa a. 15Ɩ̃ sɩrɩ bɛ bãw a lɛ ɩ̃ na ɩrɛ a pɛr ɛ: ɩ̃ bɛ ɩrɛ a lɛ ɩ̃ na bɔbr k'ɩ̃ɩ nãá ɩrɛ a ɩ, ɛ́ nɩ̃ɛ ɩrɛ a ʋlɩ bom nɛ ɩ̃ na bɛ nɔnɛ a. 16Mãa wa ɩrɛ a ʋlɩ bom nɛ ɩ̃ na bɛ bɔbr a, ɩ̃ sàw na k'aa Naaŋmɩn wulu vɩɛl'a. 17A na ɩ lɛ a, mãa bɛ n'ʋ ɩrɛ à à ŋá ɩ, a yel-bier na be a ɩ̃ zie a n'ʋ. 18Bʋ̃ʋ n'ʋ so, ɩ̃ bãwnɩ a na a vla na bɛ be a ɩ̃ zie a, a pɛr lɛ k'aa bãbàal ŋa ɩ̃ na ɩ a. Yel-mɩŋa n'a, a vla maalʋ tɩɛrʋ be n a ɩ̃ zie, ɛcɛ a maalʋ fãw bɛ ka be ɩ. 19Bʋ̃ʋ n'ʋ vɛ̃, ɩ̃ bɛ mɩ́ maalɩ a vla ɩ̃ na bɔbr a ɩ, ɛ́ nɩ̃ɛ mɩ́ maalɩ a faa ɩ̃ na bɛ bɔbr a. 20Mãa mɩ́ wa ɩ a ʋlɩ bom nɛ ɩ̃ na bɛ bɔbr a, a lɛn daar a, mãa bɛ cãà n'ʋ mɩ́ ɩrɛ ɩ, a yel-bier na be a ɩ̃ zie a n'ʋ.
21A na ɩ à ŋá a, yel ŋa n'ʋ ɩ̃ nyɛ̃: mãa na mɩ́ bɔbr a vla maalʋ a, faa tɛwr'a ɩ̃ mɩ́ tʋ̃ɔ́ maalɩ. 22A ɩ̃ pʋ̃ɔmɩ nɩr nɔnɛ nɩ a Naaŋmɩn wulu yaga za. 23Ɛcɛ ɩ̃ nyɛ̃ nɩ wulu kãw a ɩ̃ pʋɔ ʋ mʋɔr'ɩ a Wulu ʋl a ɩ̃ yã na sàw de a. Ʋ ɩ na k'ɩ̃ ɩ a yel-bier wulu na be a ɩ̃ pʋɔ a gbãgbaa. 24'Woi, zu-bio sob i! Ãa n'ʋ na faa mɛ̃ bɛr a ƴã-gan ŋa ƴãw, a ƴã-gan ŋa na wɩɛr'ɩ mɛ̃ a kũu pʋɔ a? 25Naaŋmɩn so puoru, a Yeezu Kɩrɩta tɩ Sore ƴãw!
A na ɩ à ŋá a, ɩ̃ ɩ n a Naaŋmɩn wulu gbãgbaa a ɩ̃ yã pʋɔ, ɛcɛ a ɩ̃ bãbàalʋ pʋɔ ɩ̃ ɩ a yel-bier wulu gbãgbaa.
Đang chọn:
Ʋrɔm 7: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.
Ʋrɔm 7
7
Manʋ na man cɔwr'ɩ kul-taa a
1Nyɩ bɛ bãwnɩ a ʋ, yɛbr i? Nɩbɛ na bãw a Naaŋmɩn wulu a zie n'a ɩ̃ ƴɛ̀rɛ: a nɩsaal cãafʋ daar yõ n'a a Naaŋmɩn wulu fɛrʋ be a ʋ zu. 2Mɛ̃ à ŋá a, pɔw na kul sɩr a, a ʋ sɩr na cãà vʋʋrɛ a yõ n'a a Naaŋmɩn wulu 'lẽ ʋlɛ nɩ a ʋ sɩr. Ɛcɛ a sɩr wa ɩ mɛ̃ ʋ kpi na a, a kul-taa nʋɔr na dãw 'lẽ bɛ a, bɛ cãà fɛrɛ ʋ ɛ. 3A na ɩ à ŋá a, a ʋ sɩr wa cãà vʋʋrɛ, ʋʋ be dɛb yũo zie a, bɛ na bʋɔlɛ ʋ nɩ pɔw-gaa-yel-bier-maalɛ. Ɛcɛ a ʋ sɩr wa kpi a, ʋ so nɩ ʋ tʋɔra a Naaŋmɩn wulu niŋé, na tʋ̃ɔ́ ɩ dɛb yũo pɔw ɛ́ bɛ maalɩ pɔw-gaa-yel-bier ɛ. 4Ɩ̃ yɛbr i, lɛ n'a a mɩ̀ ŋmɛ̃ a nyɩ zie. A Naaŋmɩn wulu niŋé a, nyɩ ɩ na mɛ̃ nɩ-kũuni a, nyɩ na lãw nɩ a Kɩrɩta a ʋ ƴã-gan pʋɔ a. A na ɩ à ŋá a, nɩ-yũo so nyɩ a ƴɛrɛŋa, a sob nɛ na lɛb yi a kũuni pʋɔ kɛ́ tɩ tʋ̃ɔ́ ɩrɛ ɩ-vɩɛlɩ na nʋmɛ a Naaŋmɩn zie a. 5A lɛn daar tɩ na tɩ cãà tɛr a tɩ nɩsaalɛ ɩb tɛwr'a, a Naaŋmɩn wulu mɩ́ tɩ ɩ na a pʋ-tɩɛr-faar tone a tome a tɩ nɩɩlʋ za pʋɔ, mɩ́ tɩ ƴãw tɩ tɛr ɩ-ɩrɩ na wɩɛr'ɩ tɩ kũu pʋɔ a. 6Ɛcɛ ƴɛrɛŋa a, bɛ ír tɩ na bɛr a Wulu fɛrʋ pʋɔ, bʋ̃ʋ n'ʋ vɛ̃, a ʋlɩ bom nɛ na tɩ so tɩ ɩ gbãgbaar a, tɩ ɩ na mɛ̃ tɩ kpi na bɛ cãà pʋɔ ʋ pʋɔ a. A na ɩ à ŋá a, tɩ na tʋ̃ɔ́ na tone a Naaŋmɩn tu n pɔ̀l-paala a Vʋʋrʋ na wule a, ɛ́ ta cãà tuur'ɩ a pɔ̀l-kʋra a Wulu na sɛb a na wule a ɩ.
A Naaŋmɩn wulu nɩ a yel-bier yele
7Tɩ na yel'a kɛ́ bo? K'aa Naaŋmɩn wulu ɩ n yel-bier bɩɩ? Lɛ bɛ n'a towtow ɛ! Ɛcɛ a Wulu n'ʋ ɩ ɩ̃ bãw bʋ̃ʋ n'ɩ a yel-bier. Bʋ̃ʋ n'ʋ so, a Wulu bɛ tɩ yel a ƴɛ̀r-bie á ŋá: «Ta nyɛ̃ a fʋ tɔ bom bɔbr ɛ», ɩ̃ kʋ̃ʋ bãw bʋ̃ʋ n'ɩ nyɛ̃ a fʋ tɔ bom bɔbr ɛ#7:7 Nyɛ̃ Ety 20.17, Wl-ayi 5.21.. 8A yel-bier tur'a de a nɔ-ƴãwna, ƴãw a tɔ bom bɔb tɩɛrʋ bʋʋrɛ za a ɩ̃ zie. Bʋ̃ʋ n'ʋ vɛ̃, Wulu bɛ wa ka be a, a yel-bier ɩ n bʋ̃-kũu. 9A koro za a, ɩ̃ na bɛ tɩ bãw kɛ́ Naaŋmɩn wulu be n be a, ɩ̃ tɩ vʋʋrɛ nɩ zoomlɛ. Ɛcɛ a nɔ-ƴãwna na wa wa a, a yel-bier vʋla tĩ na kpɩɛr mɛ̃, 10lɛ n'a a ɩ mɛ̃ ɩ̃ kpi na a. A nɔ-ƴãwna na tɩ sɛw k'ʋʋ wa n nyɔ-vʋʋrʋ a, bɛ wa bere na mãa zie ʋ wa n kũu. 11Bʋ̃ʋ n'ʋ vɛ̃, a yel-bier tur'a de a nɔ-ƴãwna bɛ̀lɩ nɩ mɛ̃, ɛ́ kʋ m nɩ a nɔ-ƴãwna.
12A na ɩ à ŋá a, a Naaŋmɩn wulu ɩ n sõw ɛ́ a nɔ-ƴãwna ɩ sõw, tu sɔ́r ɛ́ vɩɛl. 13A pãa ɩ lɛ bʋ̃-vla wa lɩɛbɩ kũu bom mãa zie ʋ? Lɛ bɛ n'a towtow ɛ! A yel-bier zie n'a a yi. À ŋá n'a ʋ ɩ, a ʋ ŋmɛ̃a tɔr za sãá: ʋ de nɩ bom na ɩ bʋ̃-vla a kʋ n mɛ̃. Ɛcɛ à à ŋá n'a, a nɔ-ƴãwna zũú, a yel-bier pãa lɛb bãw kpɛ faa tɩ zuo.
A yel-bier tʋ̃ɔ́ nɩ a nɩsaal
14Tɩ bãw na k'aa Naaŋmɩn wulu bɛ yi nɩsaal zie ɩ. Ɛcɛ mãa ɩ n nɩsaal bɛ na kʋɔrɩ kʋ̀ a yel-bier ɩ̃ ɩ a ʋ gbãgbaa a. 15Ɩ̃ sɩrɩ bɛ bãw a lɛ ɩ̃ na ɩrɛ a pɛr ɛ: ɩ̃ bɛ ɩrɛ a lɛ ɩ̃ na bɔbr k'ɩ̃ɩ nãá ɩrɛ a ɩ, ɛ́ nɩ̃ɛ ɩrɛ a ʋlɩ bom nɛ ɩ̃ na bɛ nɔnɛ a. 16Mãa wa ɩrɛ a ʋlɩ bom nɛ ɩ̃ na bɛ bɔbr a, ɩ̃ sàw na k'aa Naaŋmɩn wulu vɩɛl'a. 17A na ɩ lɛ a, mãa bɛ n'ʋ ɩrɛ à à ŋá ɩ, a yel-bier na be a ɩ̃ zie a n'ʋ. 18Bʋ̃ʋ n'ʋ so, ɩ̃ bãwnɩ a na a vla na bɛ be a ɩ̃ zie a, a pɛr lɛ k'aa bãbàal ŋa ɩ̃ na ɩ a. Yel-mɩŋa n'a, a vla maalʋ tɩɛrʋ be n a ɩ̃ zie, ɛcɛ a maalʋ fãw bɛ ka be ɩ. 19Bʋ̃ʋ n'ʋ vɛ̃, ɩ̃ bɛ mɩ́ maalɩ a vla ɩ̃ na bɔbr a ɩ, ɛ́ nɩ̃ɛ mɩ́ maalɩ a faa ɩ̃ na bɛ bɔbr a. 20Mãa mɩ́ wa ɩ a ʋlɩ bom nɛ ɩ̃ na bɛ bɔbr a, a lɛn daar a, mãa bɛ cãà n'ʋ mɩ́ ɩrɛ ɩ, a yel-bier na be a ɩ̃ zie a n'ʋ.
21A na ɩ à ŋá a, yel ŋa n'ʋ ɩ̃ nyɛ̃: mãa na mɩ́ bɔbr a vla maalʋ a, faa tɛwr'a ɩ̃ mɩ́ tʋ̃ɔ́ maalɩ. 22A ɩ̃ pʋ̃ɔmɩ nɩr nɔnɛ nɩ a Naaŋmɩn wulu yaga za. 23Ɛcɛ ɩ̃ nyɛ̃ nɩ wulu kãw a ɩ̃ pʋɔ ʋ mʋɔr'ɩ a Wulu ʋl a ɩ̃ yã na sàw de a. Ʋ ɩ na k'ɩ̃ ɩ a yel-bier wulu na be a ɩ̃ pʋɔ a gbãgbaa. 24'Woi, zu-bio sob i! Ãa n'ʋ na faa mɛ̃ bɛr a ƴã-gan ŋa ƴãw, a ƴã-gan ŋa na wɩɛr'ɩ mɛ̃ a kũu pʋɔ a? 25Naaŋmɩn so puoru, a Yeezu Kɩrɩta tɩ Sore ƴãw!
A na ɩ à ŋá a, ɩ̃ ɩ n a Naaŋmɩn wulu gbãgbaa a ɩ̃ yã pʋɔ, ɛcɛ a ɩ̃ bãbàalʋ pʋɔ ɩ̃ ɩ a yel-bier wulu gbãgbaa.
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.