Galasi 1
1
A yãanɩ puoru
1A mãa Pol na ɩ nɩ-tona, ɛ́ a bɛ ɩ nɩsaalbɛ nɛbɛ so, bɩɩ nɩsaal zie n'a a yi, ɛ́ ɩ a Yeezu Kɩrɩta zie nɩ a Naaŋmɩn Sãà, na ɩ a Yeezu Kɩrɩta ʋ lɛb yi a kũuni pʋɔ a zie n'a a, 2mãa nɩ a yɛbr za na be a ɩ̃ zie ka a, tɩmɛ nɛbɛ sɛbr a sɛbɛ ŋa kʋ̀rɛ a Galasi tẽw Lãw-yie: 3a Naaŋmɩn tɩ Sãà nɩ a Sore Yeezu Kɩrɩta, bɛ kʋ̀ nyɩ maalʋ nɩ ƴã-ɓaarʋ. 4A Kɩrɩta de nɩ ʋ tʋɔra tɩr a tɩ yel-bebe ƴãw, k'ʋʋ tʋ̃ɔ́ faa tɩ a dɩ̃a zie ŋa na bɛ vɩɛl a pʋɔ, mɛ̃ a lɛ a Naaŋmɩn tɩ Sãà na bɔbr a. 5A Naaŋmɩn so yúor-vɩɛlʋ-danʋ yome yome za. Amɛn.
A Yel-nʋ̃ɔ̀ ɩ n been yõ tẽtẽ
6Nʋɔr ɓãá mɛ̃ na, nyɩ na gùr pùor fɔ̃wlɛ kʋ̀ a Naaŋmɩn na bʋɔlɩ nyɩ a Kɩrɩta maalʋ zũú, ɛ́ tu Yel-nʋ̃ɔ̀ yũo pùor a. 7A bɛ kaar mɛ̃ Yel-nʋ̃ɔ̀ kãw lɛb'a be be ɩ, ɛcɛ nɩbɛ bɛ mɩnɛ kãw nɛbɛ be be damnɛ nyɩ, ɛ́ bɔbr kɛ́ bɛ lɩɛbɩ a Kɩrɩta Yel-nʋ̃ɔ̀. 8Ɛcɛ nɩr wa ɩ mɛ̃ ʋ manɛ nɩ Yel-nʋ̃ɔ̀ kʋ̀rɛ nyɩ, na bɛ ɩ a ʋl tɩ na manɩ kʋ̀ nyɩ a, tɩmɛ saa nɛbɛ bɩɩ malkɩ na yi salom zu a saa n'ʋ a, a Naaŋmɩn ŋmɛ-ƴãw, a tuur ʋ! 9Tɩ tɩ dãw na yel kʋ̀ nyɩ, ɩ̃ɩ lɛb yere kʋ̀rɛ nyɩ a ƴɛrɛŋa: nɩr wa manɛ Yel-nʋ̃ɔ̀ kʋ̀rɛ nyɩ na bɛ ɩ a ʋl nyɩ na wõ a, a Naaŋmɩn ŋmɛ-ƴãw, a tuur ʋ!
10A ƴɛrɛŋa a, nɩsaalbɛ nɛbɛ ɩ̃ bɔbr kɛ́ bɛ kpɛ m bɩɩ Naaŋmɩn n'ʋ? Nɩsaalbɛ nɛbɛ ɩ̃ bɔbr k'ɩ̃ɩ ɩrɛ nʋ̃ɔ̀ kpɩɛr bɩɩ? Mãa tɩ cãà ɩ mɛ̃ ɩ̃ bɔbr'a k'ɩ̃ɩ ɩrɛ nʋ̃ɔ̀ kpɩɛr a nɩsaalbɛ a, ɩ̃ kʋ̃ʋ ɩ a Kɩrɩta tõ-tone ɩ.
A Pol manɛ nɩ a lɛ ʋ na lɩɛbɩ a nɩ-tona a
11 Yɛbr i, ɩ̃ yere na kʋ̀rɛ nyɩ, a Yel-nʋ̃ɔ̀ ɩ̃ na manɩ kʋ̀ nyɩ a bɛ yi nɩsaal zie ɩ. 12Ɩ̃ mɩ̀ bɛ páw ʋ nɩsaal zie ɩ, ɛ́ nɩsaal mɩ̀ bɛ n'ʋ zànɩ nɩ mɛ̃ ɩ̃ bãw ʋ ɛ, a Yeezu Kɩrɩta mɩŋa n'ʋ wul mɛ̃#1:12 Nyɛ̃ Nɩ-t 9.3-6..
13Nyɩ wõ na bɛ na manɩ a ɩ̃ ɩb, a lɛn daar ɩ̃ na tɩ cãà be a Zifʋ mɩnɛ puoru pʋɔ a: a lɛ ɩ̃ na tɩ dɔwrɛ a Naaŋmɩn Lãw-yir bɛ dɩ vuo, ɛ́ ƴãw fãw ɩrɛ k'ʋʋ lo a. 14Ɩ̃ tɩ gãw nɩ a ɩ̃ yɛbr yaga zie na ɩ a ɩ̃ lãw-dɔw-taabɛ a, a Zifʋ mɩnɛ puoru yele pʋɔ. Ɩ̃ tɩ tʋlɛ na gãw bɛ a tɩ sãàkʋm-kore yele pʋɔ.
15Ɛcɛ, a Naaŋmɩn na kaa ír mɛ̃ bʋɔlɩ mɛ̃ a ʋ maalʋ zũú a ʋ tome ƴãw, ɩ̃ɩ cãà a ɩ̃ mã pùorí a, ʋ na tɩ nyɛ̃ a sɛw 16k'ʋʋ wul mɛ̃ a ʋ Bie ɩ̃ tʋ̃ɔ́ manɛ ʋ kʋ̀rɛ a nɩ-bʋʋr-yoru a, ɩ̃ bɛ tɩ sowri bom nɩsaal kãw za ɩ. 17Ɩ̃ mɩ̀ bɛ tɩ do a Zerizalɛm a bɛl na tɩ de niwn ɩ nɩ-toni a ɩ̃ ƴãw a zie ɩ, ɛcɛ ɩ̃ tɩ ìr'ɩ daadaalɛ cen Arabi, a pùorí ɩ̃ lɛb wa Damasɩ. 18Yome ata pùorí n'a ɩ̃ tɩ do a Zerizalɛm k'ɩ̃ɩ tɩ bãw a Pɩɛr, ɩ̃ɩ tɩ maal'ɩ bibie pie nɩ anũu a ʋ zie. 19Ɩ̃ bɛ tɩ nyɛ̃ nɩ-tona kãw za ƴãw pʋɔ, ʋ bɛ ɩ a Sore yɛb Zakɩ ɛ. 20À à ŋá ɩ̃ na sɛbr nyɩ a ɩ n sɩza, Naaŋmɩn niŋé n'a ɩ̃ yere, ɩ̃ bɛ ŋmarɛ ziri ɛ.
21Al pùorí ɩ̃ cen Siiri nɩ Silisi ten voru pʋɔ. 22Ɛcɛ a Zude tẽw Kɩrɩta Lãw-yie nɩbɛ bɛ tɩ càarɩ bãw mɛ̃ ɩ. 23Wob tɛwr'a bɛ tɩ wõ bɛ yere kɛ́: «A sob nɛ na tɩ dãw dɔwrɛ tɩ a, a ƴɛrɛŋa a, ʋ manɛ nɩ a naaŋmɩn-sàw-deb ʋ na tɩ ɩrɛ k'ʋʋ lo a.» 24Ɛ́ bɛ tɩ danɛ nɩ a Naaŋmɩn a ɩ̃ ƴãw.
Đang chọn:
Galasi 1: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.