Nɩ-toni 13
13
A Banabasɩ nɩ a Sol a Vʋʋrʋ Sõw na tõ a
1A Ãtɩɔsɩ Lãw-yir pʋɔ, naaŋmɩn-ƴɛ̀r-manbɛ nɩ kã-kanbɛ tɩ be n be: Banabasɩ nɩ Sɩmɩ̃ɔ bɛ na kpɔwrɛ bʋɔlɛ Nɩ-sɛbla a, Lisiisɩ na yi Sɩɩrɛn a, nɩ Manayɛn na ɩ a Galile tẽw nàle Erɔdɩ bibi-daarɩ tu-ta-tɔ a, pãa de nɩ Sol. 2Bibir kãw bɛ na tɩ ɓã taa puore a Sore, tɛr'ɩ mʋta-tuo a, a Vʋʋrʋ Sõw tɩ yel bɛ na: «Nyɩ ír a Banabasɩ nɩ a Sol bɛr mɛ̃: ɩ̃ bʋɔlɩ bɛ nɩ tõ-nʋɔr kãw ƴãw.» 3Lɛ n'a, bɛ na tɩ tɛr a mʋta-tuo baarɩ ɛ́ puori baarɩ a, bɛ ír'ɩ nuru dɔwlɩ a bɛ zu, ɛ́ bɛr bɛ bɛ cen.
A Banabasɩ nɩ a Sol hiere nɩ a Yel-nʋ̃ɔ̀ a Sɩɩpʋr
4A Vʋʋrʋ Sõw na tɩ tõ a Banabasɩ nɩ a Sol à à ŋá a, bɛ tɩ cen nɩ Selesi tɩ kpɛ gbor a be cere Sɩɩpʋr na tɩ be a kʋ̃ɔ-kpɛ̃ɛ sɔgɔ a. 5Bɛ na tɩ ta a Salamɩn a, bɛ nyɔw nɩ a Naaŋmɩn ƴɛ̀rʋ hieru a Zifʋ mɩnɛ puoru-diru pʋɔ. A Zã-Markɩ tɩ be n a bɛ zie sõwne bɛ. 6Bɛ tɩ yi n a be ɛ́ tu tɔl a Sɩɩpʋr tẽw ʋl za na ɩ kʋ̃ɔ-kpɛ̃ɛ-sɔgɔ-tẽw a pʋɔ, tɩ sãá Pafɔsɩ. Be n'a bɛ tɩ nyɛ̃ tɩtɩblɛ kãw na tɩ bʋɔlɛ ʋ tʋɔra naaŋmɩn-ƴɛ̀r-manɛ a. Ʋ tɩ ɩ n Zifʋ bʋʋrɛ, ɛ́ dɩ kɛ́ Baar Yeezu. 7A Ʋrɔm tẽw na-kpɛ̃ɛ-lɩɛrɛ Sɛrzi-Polisɩ, na ɩ nɩr na tɛr yã a, zie n'a ʋ tɩ be. A Sɛrzi-Polisɩ tɩ bɔbr'a k'ʋʋ wõ a Naaŋmɩn ƴɛ̀rʋ, lɛ so ʋ tɩ bʋɔlɩ a Banabasɩ nɩ a Sol. 8Ɛcɛ a tɩtɩblɛ Elimasɩ, — a yúor pɛr'ɩ a lɛ a gɩrɛkɩ kɔkɔr pʋɔ — tɩ piw bɛ nɩ sɔ́r, ɛ́ bɛ bɔbr k'aa na-kpɛ̃ɛ-lɩɛrɛ sàw de a Yeezu Kɩrɩta ɩ. 9Lɛ n'a a Vʋʋrʋ Sõw tɩ paalɩ a Sol, mɩ̀ na dɩ kɛ́ Pol a, ʋ jɩ́r a tɩtɩblɛ gbẽgbẽ 10ɛ́ yel: «Gɛgɛra bie ŋa, nɩ-nɛb yã nɩ po-tuolu tɛwr'a fʋ bãw, fʋ̃ʋ na ɩ yel-mɩnʋ za dɔ̃ sob a! Debor'a fʋ na bɛr a Sore pʋ-tɩɛrʋ na ɩ dẽdẽ a sãw-bɛrʋ? 11Ƴɛrɛŋa a, cɛlɛ, a Sore zɛw nɩ nũu k'ʋʋ ŋmɛ n fʋ: fʋ na zɔ̃w na tɩ ta tab kãw, ɛ́ kʋ̃ lɛb nyɛ̃ a mʋ̃tɔ̃w cãà ɩ.» Daadaalɛ, lige tɩ pili na pàw a Elimasɩ ʋ bɔblɛ viire bɔbr'ɩ tawrɛ. 12A na-kpɛ̃ɛ-lɩɛrɛ na tɩ nyɛ̃ à à ŋá a, ʋ sàw na de a Yeezu Kɩrɩta, bʋ̃ʋ n'ʋ vɛ̃, a kanʋ na tɩ càarɩ a Sore a, tɩ tɔ ʋ na bɛ dɩ vuo ɩ.
A Pol nɩ a Banabasɩ ta n a Ãtɩɔsɩ na be a Pisidi a
13A Pol nɩ a ʋ taabɛ tɩ de nɩ a gbor a Pafɔsɩ cen Pɛrze na be Pãfili a. Be n'a a Zã-Markɩ tɩ bɛr bɛ, ɛ́ lɛb cen a Zerizalɛm. 14A bɛl a, bɛ tɩ yi n a Pɛrze ɛ́ cen tɩ ta Ãtɩɔsɩ na be a Pisidi a. A pɩ̃ɛnʋ-bibir na wa vɩɛ a, bɛ kpɛ n a puoru-dĩó zɩ̃. 15A kanʋ na wa kanɩ a Naaŋmɩn wulu nɩ a naaŋmɩn-ƴɛ̀r-manbɛ sɛbr pʋɔ baar'a, a puoru-dĩo nɩ-bɛrɛ tɩ ƴãw na bɛ yel bɛ: «Yɛbr i, nyɩmɛ wa tɛr sõwfʋ ƴɛ̀r-bie na tʋ̃ɔ́ ƴɛ̀r sõw a nɩbɛ a, nyɩ de a ƴɛ̀rʋ.» 16Lɛ n'a a Pol tɩ ìr zɛw a nũu ɛ́ yel: «Ɩsɩrayɛl biir i, nɩ nyɩɩm na zɔrɛ a Naaŋmɩn a, nyɩ bɛrɛ wone. 17A Ɩsɩrayɛl bʋʋrɛ Naaŋmɩn tɩ kaa na ír a tɩ sãàkʋm-kore. Ʋ tɩ ɩ na a ʋ nɩ-bʋʋrɛ yɛ̀r, a lɛn daar bɛ na tɩ be a Eziptɩ a, ʋʋ wa ɩ n gãdaalʋ bɛ yi a be. 18Ʋ tɩ guoli bɛ nɩ a wɛja-kpalɛ pʋɔ tɩ ta mɛ̃ yome lɩz'a ayi a. 19Al pùorí, ʋ tɩ kʋ n Kanãa tẽw ten ayopõi nɩbɛ pàw pɛr, ɛ́ de a bɛ ten kʋ̀ a ʋ nɩ-bʋʋrɛ bɛ so a, 20tɩ ta mɛ̃ yome kɔbr anaar dɔwlɩ lɩz'a ayi nɩ pie (450) a. A yele á ŋá pùorí, ʋ tɩ kʋ̀ bɛ nɩ ƴɛ̀r-dɩrbɛ tɩ ta n a naaŋmɩn-ƴɛ̀r-manɛ Samɩɛl daar. 21A lɛn daar'a a Ɩsɩrayɛl nɩbɛ tɩ zɛlɩ nãà. A Naaŋmɩn tɩ kʋ̀ bɛ nɩ Kisɩ bidɛb Sawul na ɩ Bɛ̃zamɛ dɔwlʋ nɩr a. A Sawul tɩ dɩ n a naalʋ yome lɩz'a ayi. 22A Naaŋmɩn na wa zawrɩ a Sawul bɛr a, ʋ ír'ɩ Daviir kʋ̀ bɛ ʋ ɩ a bɛ nãà, ʋʋ dɩ a ʋ dãsɩɛ yel: “Ɩ̃ nyɛ̃ nɩ a Zese bidɛb Daviir, a ɩ̃ yã nɩr'ʋ, ʋ na maal'ɩ a ɩ̃ pʋ-tɩɛrʋ za.” 23Ɛcɛ mɛ̃ a lɛ a Naaŋmɩn na tɩ ƴãw a nʋɔr a, ʋ ɩ na faarɛ yi a Daviir bʋʋrɛ pʋɔ a Ɩsɩrayɛl nɩbɛ ƴãw, ʋlɛ n'ɩ a Yeezu. 24Ʋ na bɛ tɩ wa sɛr a, a Zã tɩ de nɩ niwn hieri yel kʋ̀ a Ɩsɩrayɛl nɩbɛ kɛ́ bɛ lɩɛbɩ a bɛ ɩb ɛ́ de a suob. 25A Zã tome na tɩ ta baarʋ a, ʋ tɩ yere na: “Nyɩ tɩɛr kɛ́ ãa nɛ m? Ɩ̃ bɛ ɩ a sob nɛ nyɩ na gùre a ɩ, ɛcɛ ʋlɛ n'ɩ ŋan be a ɩ̃ pùor waar, ɩ̃ɩ bɛ sɛwnɩ na cɛ̀r a ʋ nafawr bʋ̃-'leni ɛ.”»
26«Yɛbr i, nyɩɩm na ɩ a Abraham bʋʋrɛ a, nɩ nyɩɩm na be a ka pʋɔ a Naaŋmɩn puoru pʋɔ a, tɩɩm za nɛbɛ bɛ tõ bɛ wa yel a faafʋ ƴɛ̀rʋ ŋa kʋ̀. 27A Zerizalɛm nɩbɛ nɩ a bɛ nɩ-bɛrɛ bɛ tɩ bãw a Yeezu ɛ, ɛ́ bɛ na tɩ ƴãw ʋ a kũu dɔwrʋ a, a naaŋmɩn-ƴɛ̀r-manbɛ ƴɛ̀rʋ bɛ na mɩ́ kanɛ a pɩ̃ɛnʋ-bibir za a, alɛ n'a bɛ tu. 28Bɛ na saa bɛ tɩ nyɛ̃ yel na sɛwnɩ kũu a, bɛ ƴãw na k'aa Pɩlatɩ kʋ ʋ. 29Bɛ na tɩ tu a yele al za na sɛb a ʋ ƴãw a baarɩ a, bɛ yaw ʋ nɩ a da-gara zu tɩ ũù. 30Ɛcɛ Naaŋmɩn ɩ na ʋ lɛb yi a kũu pʋɔ, 31ɛ́ wul ʋ tʋɔra bibi-yaga a bɛlɩ dem na tɩ páw ʋ a Galile do a Zerizalɛm a, bɛl na ɩ a ʋ dãsɩɛ dem ƴɛrɛŋa a Ɩsɩrayɛl nɩbɛ zie a. 32A tɩɩm mɩ̀ a, a Yel-nʋ̃ɔ̀ ŋa n'ʋ tɩ hiere kʋ̀rɛ nyɩ: a nʋɔr a Naaŋmɩn na ƴãw kʋ̀ a tɩ sãàkʋm-kore a, 33ʋ tu ʋ na tɩ ɓɩɩlɩ, a tɩɩm na ɩ a bɛ bibiir a ƴãw, a lɛn daar ʋ na ɩ a Yeezu ʋ lɛb yi a kũu pʋɔ, a tu mɛ̃ a lɛ bɛ na sɛb a Sɛb-sõw yielu ayi sob pʋɔ a: “Fʋ̃ʋ n'ɩ a ɩ̃ bidɛb, a mãa a, ɩ̃ dɔw fʋ nɩ a dɩ̃a#13:33 Nyɛ̃ Ssy 2.7..” 34A Naaŋmɩn tɩ dãw na yel k'ʋʋ na ɩ na ʋ lɛb yi a kũu pʋɔ taa wa bãwnɛ pʋ̃ɔ́fʋ ɛ. À ŋá n'a ʋ tɩ dãw ƴɛ̀r a yel ŋa ƴɛ̀rʋ:
“Ɩ̃ na kʋ̀ nyɩ nɩ maalʋ
na ɩ son ɛ́ bɛ tɛr bʋnʋ a,
ɩ̃ na tɩ ƴãw nʋɔr
k'ɩ̃ɩ na kʋ̀ n a Daviir a#13:34 Nyɛ̃ Ɩza 55.3..”
35Lɛ so ʋ lɛb tɩ yel a Sɛb-sõw pʋɔ zie kãw:
“Fʋ kʋ̃ bɛr a fʋ Nɩ-sõw ʋ pʋ̃ɔ ɩ#13:35 Nyɛ̃ Ssy 16.10..”
36Ɛcɛ a Daviir na tɩ tõ a ʋ daar, mɛ̃ a lɛ a Naaŋmɩn na cɔbrɩ a yele bin a, ʋ kpi n a pùorí, bɛ ũù ʋ pɩɛlɩ a ʋ sãàkʋm-kore, ʋ pʋ̃ɔ. 37Ɛcɛ a ʋlɩ sob nɛ a Naaŋmɩn na ɩ ʋ lɛb yi a kũu pʋɔ a, ʋ bɛ pʋ̃ɔ ɩ. 38Lɛ so, yɛbr i, nyɩ bãwnɩ a, a yel-bebe suur-dɩ-kʋ̀b bɛ na hieri kʋ̀ nyɩ a, a Yeezu zie n'a ʋ yi, ɛ́ a mɩnʋ nyɩ na bɛ tɩ tʋ̃ɔ́ páw a Naaŋmɩn wulu pʋɔ a Moyiir na tɩr a, 39a ʋl zie n'a nɩr za na sàw de a Naaŋmɩn a, mɩ́ páw ʋ. 40Nyɩ gùre nyɩ tʋɔra vla, à à ŋá a naaŋmɩn-ƴɛ̀r-manbɛ na sɛb a, taa tarɛ nyɩ ɛ:
41“Nyɩ bɛl nyɛ̃, nyɩɩm pɔ̀lʋ dem i,
nɔ-ɓãan a nyɔw nyɩ, ɛ́ nyɩ bɔr!
Bʋ̃ʋ n'ʋ vɛ̃, ɩ̃ na tõ n ton a nyɩ cãafʋ daar,
kɛ̀ nɩr tɩ n'ʋ manɛ kʋ̀rɛ nyɩ a,
nyɩɩm bɛ sàw kɛ́ sɩza n'a ɩ.”#13:41 A kan-nɛ́ɛ 40 nɩ a 41 ƴãw a, nyɛ̃ Hab 1.5.»
42Bɛ na wa yi a, a nɩbɛ zɛlɩ nɩ a Pol nɩ a Banabasɩ kɛ́ bɛ lɛb wa a pɩ̃ɛnʋ-bibir pùorí sob wa cow a ƴɛ̀rʋ ŋa. 43A nɩbɛ na wa yaarɩ baar'a, Zifʋ nɩbɛ yaga nɩ nɩ-yaga na tɩ tu a bɛ Naaŋmɩn sɔ́r a, tɩ tu n a Pol nɩ a Banabasɩ pùor. A bɛ ƴɛ̀rʋ pʋɔ a, a Pol nɩ a Banabasɩ tɩ yere na kʋ̀rɛ bɛ kɛ́ bɛ ƴãw fãw tɛr a Naaŋmɩn maalʋ vla.
44A pɩ̃ɛnʋ-bibir na lɛb wa ta a, a tẽw nɩbɛ za, ɛ́ tɩ cɛ blã, tɩ ɓã n taa a Sore ƴɛ̀rʋ bɛr-wob ƴãw. 45A Zifʋ mɩnɛ na tɩ nyɛ̃ a nɩbɛ bɛ yãwmɛ sɛw a lɛ a, nyuur tɩ ɩrɛ bɛ nɩ yaga, bɛ tɩ sɔwr a Pol ƴɛ̀rʋ tʋʋr'ɩ ʋ. 46Lɛ n'a a Pol nɩ a Banabasɩ pãa tɩ nyar bɛ za ɛ́ yel bɛ: «Nyɩmɛ nɛbɛ a tɩ fɛr kɛ́ tɩ de niwn manɩ a Naaŋmɩn ƴɛ̀rʋ kʋ̀, ɛcɛ nyɩ na bɛ sàwr dier a, ɛ́ nyɛ̃ nyɩ bɛ sɛwnɩ a nyɔ-vʋʋrʋ na be kʋralɛ a, tɩ cere nɩ a nɩ-bʋʋr-yoru zie. 47À ŋá sɩrɩ n'a a Sore ƴãw a nʋɔr kʋ̀ tɩ:
“Ɩ̃ ƴãw na fʋ ɩ a nɩ-bʋʋr-yoru cãà,
kɛ́ fʋ tʋ̃ɔ́ ɩ a faafʋ ta a tẽ-daa ziir za.”#13:47 Nyɛ̃ Ɩza 49.6.»
48A nɩ-bʋʋr-yoru nɩbɛ na tɩ wõ a ƴɛ̀r-bie á ŋá a, nʋ̃ɔ̀ tɩ ɩrɛ bɛ na, bɛ danɛ a Sore ƴɛ̀rʋ. Ɛ́ a bɛlɩ dem za, a Naaŋmɩn na tɩ bãwnɩ a nyɔ-vʋʋrʋ na be kʋralɛ a, tɩ sàw na de a Naaŋmɩn. 49A Sore ƴɛ̀rʋ tɩ ŋmɩɛr'a yaarɛ a zie ʋl za pʋɔ. 50Ɛcɛ a Zifʋ mɩnɛ tɩ dɔ na ƴãw a pɔw-tɩbr tɩbr bɛl na puore a Naaŋmɩn a, bɛlɛ nɩ a tẽw nɩ-bɛrɛ, bɛ dɔwrɛ a Pol nɩ a Banabasɩ, ɛ́ tɩ diw bɛ bɛr a bɛ tẽw pʋɔ. 51A Pol nɩ a Banabasɩ tɩ tɛb'ɩ a bɛ gbɛ́ɛ uuru ƴãw bɛ ɛ́ cen Ɩkonɩɔm. 52A po-tuurbɛ bɛl a, nʋ̃ɔ̀ tɩ ɩrɛ bɛ nɩ yaga, ɛ́ a Vʋʋrʋ Sõw tɩ be a bɛ za zie.
Đang chọn:
Nɩ-toni 13: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.
Nɩ-toni 13
13
A Banabasɩ nɩ a Sol a Vʋʋrʋ Sõw na tõ a
1A Ãtɩɔsɩ Lãw-yir pʋɔ, naaŋmɩn-ƴɛ̀r-manbɛ nɩ kã-kanbɛ tɩ be n be: Banabasɩ nɩ Sɩmɩ̃ɔ bɛ na kpɔwrɛ bʋɔlɛ Nɩ-sɛbla a, Lisiisɩ na yi Sɩɩrɛn a, nɩ Manayɛn na ɩ a Galile tẽw nàle Erɔdɩ bibi-daarɩ tu-ta-tɔ a, pãa de nɩ Sol. 2Bibir kãw bɛ na tɩ ɓã taa puore a Sore, tɛr'ɩ mʋta-tuo a, a Vʋʋrʋ Sõw tɩ yel bɛ na: «Nyɩ ír a Banabasɩ nɩ a Sol bɛr mɛ̃: ɩ̃ bʋɔlɩ bɛ nɩ tõ-nʋɔr kãw ƴãw.» 3Lɛ n'a, bɛ na tɩ tɛr a mʋta-tuo baarɩ ɛ́ puori baarɩ a, bɛ ír'ɩ nuru dɔwlɩ a bɛ zu, ɛ́ bɛr bɛ bɛ cen.
A Banabasɩ nɩ a Sol hiere nɩ a Yel-nʋ̃ɔ̀ a Sɩɩpʋr
4A Vʋʋrʋ Sõw na tɩ tõ a Banabasɩ nɩ a Sol à à ŋá a, bɛ tɩ cen nɩ Selesi tɩ kpɛ gbor a be cere Sɩɩpʋr na tɩ be a kʋ̃ɔ-kpɛ̃ɛ sɔgɔ a. 5Bɛ na tɩ ta a Salamɩn a, bɛ nyɔw nɩ a Naaŋmɩn ƴɛ̀rʋ hieru a Zifʋ mɩnɛ puoru-diru pʋɔ. A Zã-Markɩ tɩ be n a bɛ zie sõwne bɛ. 6Bɛ tɩ yi n a be ɛ́ tu tɔl a Sɩɩpʋr tẽw ʋl za na ɩ kʋ̃ɔ-kpɛ̃ɛ-sɔgɔ-tẽw a pʋɔ, tɩ sãá Pafɔsɩ. Be n'a bɛ tɩ nyɛ̃ tɩtɩblɛ kãw na tɩ bʋɔlɛ ʋ tʋɔra naaŋmɩn-ƴɛ̀r-manɛ a. Ʋ tɩ ɩ n Zifʋ bʋʋrɛ, ɛ́ dɩ kɛ́ Baar Yeezu. 7A Ʋrɔm tẽw na-kpɛ̃ɛ-lɩɛrɛ Sɛrzi-Polisɩ, na ɩ nɩr na tɛr yã a, zie n'a ʋ tɩ be. A Sɛrzi-Polisɩ tɩ bɔbr'a k'ʋʋ wõ a Naaŋmɩn ƴɛ̀rʋ, lɛ so ʋ tɩ bʋɔlɩ a Banabasɩ nɩ a Sol. 8Ɛcɛ a tɩtɩblɛ Elimasɩ, — a yúor pɛr'ɩ a lɛ a gɩrɛkɩ kɔkɔr pʋɔ — tɩ piw bɛ nɩ sɔ́r, ɛ́ bɛ bɔbr k'aa na-kpɛ̃ɛ-lɩɛrɛ sàw de a Yeezu Kɩrɩta ɩ. 9Lɛ n'a a Vʋʋrʋ Sõw tɩ paalɩ a Sol, mɩ̀ na dɩ kɛ́ Pol a, ʋ jɩ́r a tɩtɩblɛ gbẽgbẽ 10ɛ́ yel: «Gɛgɛra bie ŋa, nɩ-nɛb yã nɩ po-tuolu tɛwr'a fʋ bãw, fʋ̃ʋ na ɩ yel-mɩnʋ za dɔ̃ sob a! Debor'a fʋ na bɛr a Sore pʋ-tɩɛrʋ na ɩ dẽdẽ a sãw-bɛrʋ? 11Ƴɛrɛŋa a, cɛlɛ, a Sore zɛw nɩ nũu k'ʋʋ ŋmɛ n fʋ: fʋ na zɔ̃w na tɩ ta tab kãw, ɛ́ kʋ̃ lɛb nyɛ̃ a mʋ̃tɔ̃w cãà ɩ.» Daadaalɛ, lige tɩ pili na pàw a Elimasɩ ʋ bɔblɛ viire bɔbr'ɩ tawrɛ. 12A na-kpɛ̃ɛ-lɩɛrɛ na tɩ nyɛ̃ à à ŋá a, ʋ sàw na de a Yeezu Kɩrɩta, bʋ̃ʋ n'ʋ vɛ̃, a kanʋ na tɩ càarɩ a Sore a, tɩ tɔ ʋ na bɛ dɩ vuo ɩ.
A Pol nɩ a Banabasɩ ta n a Ãtɩɔsɩ na be a Pisidi a
13A Pol nɩ a ʋ taabɛ tɩ de nɩ a gbor a Pafɔsɩ cen Pɛrze na be Pãfili a. Be n'a a Zã-Markɩ tɩ bɛr bɛ, ɛ́ lɛb cen a Zerizalɛm. 14A bɛl a, bɛ tɩ yi n a Pɛrze ɛ́ cen tɩ ta Ãtɩɔsɩ na be a Pisidi a. A pɩ̃ɛnʋ-bibir na wa vɩɛ a, bɛ kpɛ n a puoru-dĩó zɩ̃. 15A kanʋ na wa kanɩ a Naaŋmɩn wulu nɩ a naaŋmɩn-ƴɛ̀r-manbɛ sɛbr pʋɔ baar'a, a puoru-dĩo nɩ-bɛrɛ tɩ ƴãw na bɛ yel bɛ: «Yɛbr i, nyɩmɛ wa tɛr sõwfʋ ƴɛ̀r-bie na tʋ̃ɔ́ ƴɛ̀r sõw a nɩbɛ a, nyɩ de a ƴɛ̀rʋ.» 16Lɛ n'a a Pol tɩ ìr zɛw a nũu ɛ́ yel: «Ɩsɩrayɛl biir i, nɩ nyɩɩm na zɔrɛ a Naaŋmɩn a, nyɩ bɛrɛ wone. 17A Ɩsɩrayɛl bʋʋrɛ Naaŋmɩn tɩ kaa na ír a tɩ sãàkʋm-kore. Ʋ tɩ ɩ na a ʋ nɩ-bʋʋrɛ yɛ̀r, a lɛn daar bɛ na tɩ be a Eziptɩ a, ʋʋ wa ɩ n gãdaalʋ bɛ yi a be. 18Ʋ tɩ guoli bɛ nɩ a wɛja-kpalɛ pʋɔ tɩ ta mɛ̃ yome lɩz'a ayi a. 19Al pùorí, ʋ tɩ kʋ n Kanãa tẽw ten ayopõi nɩbɛ pàw pɛr, ɛ́ de a bɛ ten kʋ̀ a ʋ nɩ-bʋʋrɛ bɛ so a, 20tɩ ta mɛ̃ yome kɔbr anaar dɔwlɩ lɩz'a ayi nɩ pie (450) a. A yele á ŋá pùorí, ʋ tɩ kʋ̀ bɛ nɩ ƴɛ̀r-dɩrbɛ tɩ ta n a naaŋmɩn-ƴɛ̀r-manɛ Samɩɛl daar. 21A lɛn daar'a a Ɩsɩrayɛl nɩbɛ tɩ zɛlɩ nãà. A Naaŋmɩn tɩ kʋ̀ bɛ nɩ Kisɩ bidɛb Sawul na ɩ Bɛ̃zamɛ dɔwlʋ nɩr a. A Sawul tɩ dɩ n a naalʋ yome lɩz'a ayi. 22A Naaŋmɩn na wa zawrɩ a Sawul bɛr a, ʋ ír'ɩ Daviir kʋ̀ bɛ ʋ ɩ a bɛ nãà, ʋʋ dɩ a ʋ dãsɩɛ yel: “Ɩ̃ nyɛ̃ nɩ a Zese bidɛb Daviir, a ɩ̃ yã nɩr'ʋ, ʋ na maal'ɩ a ɩ̃ pʋ-tɩɛrʋ za.” 23Ɛcɛ mɛ̃ a lɛ a Naaŋmɩn na tɩ ƴãw a nʋɔr a, ʋ ɩ na faarɛ yi a Daviir bʋʋrɛ pʋɔ a Ɩsɩrayɛl nɩbɛ ƴãw, ʋlɛ n'ɩ a Yeezu. 24Ʋ na bɛ tɩ wa sɛr a, a Zã tɩ de nɩ niwn hieri yel kʋ̀ a Ɩsɩrayɛl nɩbɛ kɛ́ bɛ lɩɛbɩ a bɛ ɩb ɛ́ de a suob. 25A Zã tome na tɩ ta baarʋ a, ʋ tɩ yere na: “Nyɩ tɩɛr kɛ́ ãa nɛ m? Ɩ̃ bɛ ɩ a sob nɛ nyɩ na gùre a ɩ, ɛcɛ ʋlɛ n'ɩ ŋan be a ɩ̃ pùor waar, ɩ̃ɩ bɛ sɛwnɩ na cɛ̀r a ʋ nafawr bʋ̃-'leni ɛ.”»
26«Yɛbr i, nyɩɩm na ɩ a Abraham bʋʋrɛ a, nɩ nyɩɩm na be a ka pʋɔ a Naaŋmɩn puoru pʋɔ a, tɩɩm za nɛbɛ bɛ tõ bɛ wa yel a faafʋ ƴɛ̀rʋ ŋa kʋ̀. 27A Zerizalɛm nɩbɛ nɩ a bɛ nɩ-bɛrɛ bɛ tɩ bãw a Yeezu ɛ, ɛ́ bɛ na tɩ ƴãw ʋ a kũu dɔwrʋ a, a naaŋmɩn-ƴɛ̀r-manbɛ ƴɛ̀rʋ bɛ na mɩ́ kanɛ a pɩ̃ɛnʋ-bibir za a, alɛ n'a bɛ tu. 28Bɛ na saa bɛ tɩ nyɛ̃ yel na sɛwnɩ kũu a, bɛ ƴãw na k'aa Pɩlatɩ kʋ ʋ. 29Bɛ na tɩ tu a yele al za na sɛb a ʋ ƴãw a baarɩ a, bɛ yaw ʋ nɩ a da-gara zu tɩ ũù. 30Ɛcɛ Naaŋmɩn ɩ na ʋ lɛb yi a kũu pʋɔ, 31ɛ́ wul ʋ tʋɔra bibi-yaga a bɛlɩ dem na tɩ páw ʋ a Galile do a Zerizalɛm a, bɛl na ɩ a ʋ dãsɩɛ dem ƴɛrɛŋa a Ɩsɩrayɛl nɩbɛ zie a. 32A tɩɩm mɩ̀ a, a Yel-nʋ̃ɔ̀ ŋa n'ʋ tɩ hiere kʋ̀rɛ nyɩ: a nʋɔr a Naaŋmɩn na ƴãw kʋ̀ a tɩ sãàkʋm-kore a, 33ʋ tu ʋ na tɩ ɓɩɩlɩ, a tɩɩm na ɩ a bɛ bibiir a ƴãw, a lɛn daar ʋ na ɩ a Yeezu ʋ lɛb yi a kũu pʋɔ, a tu mɛ̃ a lɛ bɛ na sɛb a Sɛb-sõw yielu ayi sob pʋɔ a: “Fʋ̃ʋ n'ɩ a ɩ̃ bidɛb, a mãa a, ɩ̃ dɔw fʋ nɩ a dɩ̃a#13:33 Nyɛ̃ Ssy 2.7..” 34A Naaŋmɩn tɩ dãw na yel k'ʋʋ na ɩ na ʋ lɛb yi a kũu pʋɔ taa wa bãwnɛ pʋ̃ɔ́fʋ ɛ. À ŋá n'a ʋ tɩ dãw ƴɛ̀r a yel ŋa ƴɛ̀rʋ:
“Ɩ̃ na kʋ̀ nyɩ nɩ maalʋ
na ɩ son ɛ́ bɛ tɛr bʋnʋ a,
ɩ̃ na tɩ ƴãw nʋɔr
k'ɩ̃ɩ na kʋ̀ n a Daviir a#13:34 Nyɛ̃ Ɩza 55.3..”
35Lɛ so ʋ lɛb tɩ yel a Sɛb-sõw pʋɔ zie kãw:
“Fʋ kʋ̃ bɛr a fʋ Nɩ-sõw ʋ pʋ̃ɔ ɩ#13:35 Nyɛ̃ Ssy 16.10..”
36Ɛcɛ a Daviir na tɩ tõ a ʋ daar, mɛ̃ a lɛ a Naaŋmɩn na cɔbrɩ a yele bin a, ʋ kpi n a pùorí, bɛ ũù ʋ pɩɛlɩ a ʋ sãàkʋm-kore, ʋ pʋ̃ɔ. 37Ɛcɛ a ʋlɩ sob nɛ a Naaŋmɩn na ɩ ʋ lɛb yi a kũu pʋɔ a, ʋ bɛ pʋ̃ɔ ɩ. 38Lɛ so, yɛbr i, nyɩ bãwnɩ a, a yel-bebe suur-dɩ-kʋ̀b bɛ na hieri kʋ̀ nyɩ a, a Yeezu zie n'a ʋ yi, ɛ́ a mɩnʋ nyɩ na bɛ tɩ tʋ̃ɔ́ páw a Naaŋmɩn wulu pʋɔ a Moyiir na tɩr a, 39a ʋl zie n'a nɩr za na sàw de a Naaŋmɩn a, mɩ́ páw ʋ. 40Nyɩ gùre nyɩ tʋɔra vla, à à ŋá a naaŋmɩn-ƴɛ̀r-manbɛ na sɛb a, taa tarɛ nyɩ ɛ:
41“Nyɩ bɛl nyɛ̃, nyɩɩm pɔ̀lʋ dem i,
nɔ-ɓãan a nyɔw nyɩ, ɛ́ nyɩ bɔr!
Bʋ̃ʋ n'ʋ vɛ̃, ɩ̃ na tõ n ton a nyɩ cãafʋ daar,
kɛ̀ nɩr tɩ n'ʋ manɛ kʋ̀rɛ nyɩ a,
nyɩɩm bɛ sàw kɛ́ sɩza n'a ɩ.”#13:41 A kan-nɛ́ɛ 40 nɩ a 41 ƴãw a, nyɛ̃ Hab 1.5.»
42Bɛ na wa yi a, a nɩbɛ zɛlɩ nɩ a Pol nɩ a Banabasɩ kɛ́ bɛ lɛb wa a pɩ̃ɛnʋ-bibir pùorí sob wa cow a ƴɛ̀rʋ ŋa. 43A nɩbɛ na wa yaarɩ baar'a, Zifʋ nɩbɛ yaga nɩ nɩ-yaga na tɩ tu a bɛ Naaŋmɩn sɔ́r a, tɩ tu n a Pol nɩ a Banabasɩ pùor. A bɛ ƴɛ̀rʋ pʋɔ a, a Pol nɩ a Banabasɩ tɩ yere na kʋ̀rɛ bɛ kɛ́ bɛ ƴãw fãw tɛr a Naaŋmɩn maalʋ vla.
44A pɩ̃ɛnʋ-bibir na lɛb wa ta a, a tẽw nɩbɛ za, ɛ́ tɩ cɛ blã, tɩ ɓã n taa a Sore ƴɛ̀rʋ bɛr-wob ƴãw. 45A Zifʋ mɩnɛ na tɩ nyɛ̃ a nɩbɛ bɛ yãwmɛ sɛw a lɛ a, nyuur tɩ ɩrɛ bɛ nɩ yaga, bɛ tɩ sɔwr a Pol ƴɛ̀rʋ tʋʋr'ɩ ʋ. 46Lɛ n'a a Pol nɩ a Banabasɩ pãa tɩ nyar bɛ za ɛ́ yel bɛ: «Nyɩmɛ nɛbɛ a tɩ fɛr kɛ́ tɩ de niwn manɩ a Naaŋmɩn ƴɛ̀rʋ kʋ̀, ɛcɛ nyɩ na bɛ sàwr dier a, ɛ́ nyɛ̃ nyɩ bɛ sɛwnɩ a nyɔ-vʋʋrʋ na be kʋralɛ a, tɩ cere nɩ a nɩ-bʋʋr-yoru zie. 47À ŋá sɩrɩ n'a a Sore ƴãw a nʋɔr kʋ̀ tɩ:
“Ɩ̃ ƴãw na fʋ ɩ a nɩ-bʋʋr-yoru cãà,
kɛ́ fʋ tʋ̃ɔ́ ɩ a faafʋ ta a tẽ-daa ziir za.”#13:47 Nyɛ̃ Ɩza 49.6.»
48A nɩ-bʋʋr-yoru nɩbɛ na tɩ wõ a ƴɛ̀r-bie á ŋá a, nʋ̃ɔ̀ tɩ ɩrɛ bɛ na, bɛ danɛ a Sore ƴɛ̀rʋ. Ɛ́ a bɛlɩ dem za, a Naaŋmɩn na tɩ bãwnɩ a nyɔ-vʋʋrʋ na be kʋralɛ a, tɩ sàw na de a Naaŋmɩn. 49A Sore ƴɛ̀rʋ tɩ ŋmɩɛr'a yaarɛ a zie ʋl za pʋɔ. 50Ɛcɛ a Zifʋ mɩnɛ tɩ dɔ na ƴãw a pɔw-tɩbr tɩbr bɛl na puore a Naaŋmɩn a, bɛlɛ nɩ a tẽw nɩ-bɛrɛ, bɛ dɔwrɛ a Pol nɩ a Banabasɩ, ɛ́ tɩ diw bɛ bɛr a bɛ tẽw pʋɔ. 51A Pol nɩ a Banabasɩ tɩ tɛb'ɩ a bɛ gbɛ́ɛ uuru ƴãw bɛ ɛ́ cen Ɩkonɩɔm. 52A po-tuurbɛ bɛl a, nʋ̃ɔ̀ tɩ ɩrɛ bɛ nɩ yaga, ɛ́ a Vʋʋrʋ Sõw tɩ be a bɛ za zie.
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.