Nɩ-toni 1
1
A nɩ-toni gùre nɩ a Vʋʋrʋ Sõw
1Teofil i,
a ɩ̃ sɛb dãw-niwn sob pʋɔ a, ɩ̃ manɩ nɩ a ɩ-ɩrɩ al za a Yeezu na ɩ a, nɩ a wulu al za ʋ na wul a pɛr-tib daar za 2tɩ ta n a ʋlɩ bibir nɛ bɛ na ír ʋ do n a tẽ-vla a. A Vʋʋrʋ Sõw n'ʋ tɩ ƴãw ʋ ƴɛ̀r a ʋ ƴɛ̀r-pɛ-baara kʋ̀ a ʋ nɩ-toni ʋ na tɩ kaa ír a, ɛ́ pãa bãw do a tẽ-vla pʋɔ. 3A ʋ kũu pùorí a, bɛlɛ nɛbɛ ʋ tɩ ɩ bɛ nyɛ̃ ʋ, ʋʋ wul bɛ gb'a a ŋmɩn za k'ʋʋ ɩ n nɩ-vʋʋra: bibie lɩz'a ayi ƴãw, ʋ tɩ wul'ɩ ʋ tʋɔra a bɛ zie ɛ́ ƴɛ̀r a Naaŋmɩn Naalʋ ƴɛ̀rʋ kʋ̀ bɛ. 4Bibir kãw, ʋ na tɩ lãw nɩ bɛ dɩrɛ a, ʋ tɩ ƴãw nɩ nʋɔr kʋ̀ bɛ kɛ́ bɛ taa cere zãánɛ nɩ a Zerizalɛm ɛ, ɛ́ gùre a bom nɛ a Naaŋmɩn Sãà na ƴãw nʋɔr k'ʋʋ na kʋ̀ bɛ na a. Ʋ tɩ yel bɛ na: «A nʋɔr a Naaŋmɩn Sãà na ƴãw a nyɩ zie a, mãa nʋɔrɩ́ n'a nyɩ wõ ʋ. 5Nyɩ bãwnɩ a, kʋ̃ɔ n'a a Zã-Bati kʋ̀ n a nɩbɛ a suob, ɛcɛ a nyɩɩm a, ka nɩ bibie à ŋá lɛ tɛwr ƴãw a, Vʋʋrʋ Sõw pʋɔ n'a nyɩ na de a suob.»
A Yeezu na dúor a tẽ-vla a
6Lɛ n'a a po-tuurbɛ na tɩ ɓã taa a Yeezu zie a, tɩ sowr'ʋ: «Sore e, a ƴɛrɛŋa n'ɩ a daar ʋl fʋ na na lɛb zɩɩlɩ a Ɩsɩrayɛl bʋʋrɛ naalʋ a bɩɩ?»
7Ʋ tɩ yel bɛ na: «A daar al, nɩ a bibie al a Naaŋmɩn Sãà na nɔ̃w ƴãw a, nyɩmɛ bɛ so a bãwfʋ ɛ. 8Ɛcɛ a Vʋʋrʋ Sõw na siw nɩ a nyɩ zu, kʋ̀ nyɩ fãw, ɛ́ nyɩ na ɩ n ɩ̃ dãsɩɛ nɩbɛ a Zerizalɛm, a Zude nɩ a Samaari ten za pʋɔ, tɩ tɔ n a tẽw baarʋ ziir za.» 9Ʋ na tɩ ƴɛ̀r a ƴɛ̀r-bie á ŋá baar'a, bɛ tɩ nyɛ̃ ʋ na ʋ ìr dúor a salom zu, zũzuwr wa yi pàw ʋ, bɛ bɛ cãà nyɛ̃ ʋ ɛ. 10Bɛ na tɩ cãà àr úore a Yeezu na dúor a salom zu a, bɛ wa bere na nɩbɛ ayi kãw su kpar-pɛlɛ wa ta àr'ɩ a bɛ zie, 11ɛ́ sowri bɛ: «Galile tẽw dem i, bʋnʋ ƴãw n'a nyɩ àr úore a salom à à ŋá? A Yeezu ŋa bɛ na ír a nyɩ sɔgɔ do n a salom zu a, ʋ nãà lɛb'a wa, mɛ̃ à à ŋá nyɩ na nyɛ̃ ʋ k'ʋ dúor a salom zu a.»
A Zuda lɩɛrɛ kaa-íru
12Lɛ n'a a nɩ-toni tɩ yi a tãw ʋl zu bɛ na bʋɔlɛ Olivʋ tɩɩr tãw a, lɛb cen a Zerizalɛm. A tãw ŋa tɩ pɩɛl'ɩ a Zerizalɛm yɩ̃ɛlɛ, man a lɛ a na sɛw kɛ́ bɛ mɩ́ cen zãá a Zifʋ mɩnɛ pɩ̃ɛnʋ-bibir a. 13Bɛ na tɩ lɛb wa a, bɛ do n a bɔwpɩɛ pʋɔ na tɩ ɩ a bɛ beba zie a. Pɩɛr, Zã, Zakɩ nɩ Ãdere, Filib nɩ Toma, Batelemi nɩ Matie, Alfe bidɛb Zakɩ nɩ Sɩmʋ̃ Zelɔtɩ#1:13 Zelɔtɩ: A Zelɔtɩ mɩnɛ n'ɩ a nɩbɛ bɛl na tɩ bɔbr kɛ́ bɛ lɛb zɛb de a Zifʋ mɩnɛ tẽw, alɛ saa na ɩ n fãw a. Bɛ bɛ tɩ bɔbr kɛ́ nɩ-yũo dɩrɛ naalʋ a Zifʋ mɩnɛ zu ɛ. nɩ Zakɩ bidɛb Zuda tɩ nɛbɛ. 14A bɛ ŋa za tɩ lãw nɩ taa mɛ̃ nɩ-been a, puore kʋralɛ, bɛlɛ nɩ pɔwbɛ bɛ mɩnɛ kãw, a Yeezu mã Marya nɩ a Yeezu yɛbr tɩ pʋɔ nɩ a bɛ pʋɔ.
15A alɩ bibie nɛ pʋɔ, a Pɩɛr tɩ ìr'a àr a yɛbr#1:15 Yɛbr: A bɛlɩ dem za na tɩ sàw de a Yeezu yele a, bɛlɛ nɛbɛ bɛ tɩ bʋɔlɛ à à ŋá. na tɩ ɓã taa ta nɩbɛ lɩz'a ayʋɔb (120) a sɔgɔ, ɛ́ yel: 16«Yɛbr i, a Sɛb-sõw ƴɛ̀r-bie a Vʋʋrʋ Sõw na tɩ dãw yel'ɩ a Daviir nʋɔr a Zuda ƴãw a, a tɩ fɛr'a k'aa tu. A Zuda ŋa n'ʋ tɩ tɛr a nɩbɛ wa n bɛ wa nyɔw a Yeezu. 17Ʋ tɩ pʋɔ nɩ a tɩ pʋɔ tɩ lãw a tome. 18Zɩ̃ k'ʋʋ tɩ dà n púo nɩ a yel-faa ʋ na maalɩ a sã-ya libie: ʋ lo na tʋʋrɩ, a púor pur, a pʋsabɛ za yi gã. 19A Zerizalɛm tẽw nɩbɛ za wõ n a yel ŋa. Lɛ so bɛ bʋɔlɛ a púo ŋa nɩ a bɛ ƴɛ̀rʋ kɛ́: “Akɛldama” a pɛr lɛ kɛ́: “Zɩ̃ɩ púo.” 20Ɛcɛ bɛ sɛb'ɩ a Sɛb-sõw yielu sɛbɛ pʋɔ kɛ́:
“A ʋ kpɛb zie, ʋ gã zawla,
nɩr za taa kpɩɛr a ʋ pʋɔ ɩ.” Nɩ kɛ́:
“Nɩ-yũo, ʋ de a ʋ tõ-nʋɔr#1:20 Nyɛ̃ Ssy 69.26 nɩ 109.8..”
21Lɛ so, a nɩbɛ bɛl na pʋɔ a tɩ pʋɔ, a ʋlɩ daar nɛ za a Sore Yeezu na tɩ be a tɩ sɔgɔ a, 22a na tĩ a Zã suob ʋ na de a, ɛ́ tɩ ta a ʋlɩ bibir nɛ bɛ na lɛb ír ʋ a tɩ sɔgɔ a, a fɛr'a k'aa bɛ ƴen sob kãw pʋɔ a tɩ pʋɔ ɩ a ʋ kũu-pʋɔ-lɛb-yibu dãsɩɛ sob.»
23Bɛ tɩ wul'ɩ nɩbɛ ayi: Zuzɛb, bɛ na tɩ bʋɔlɛ Barsabasɩ, ɛ́ kpɔwrɛ bʋɔlɛ kɛ́ Zitisɩ a, nɩ Matɩasɩ. 24A nɩbɛ za tɩ lãw na puori à ŋá: «Sore e, fʋ̃ʋ na bãw a nɩbɛ socie a, wul a ʋlɩ sob fʋ na kaa ír a nɩbɛ bɛ ŋa ayi pʋɔ, 25k'ʋʋ ɩ a nɩ-tona lɩɛrɩ de a zie a nɩ-tona tome pʋɔ, a Zuda na bɛr kɛ́ cen a ʋ mɩ̀ zie a.» 26Al pùorí, bɛ tɩ ŋmɛ n a gbãw, ʋ lo Matɩasɩ zu, ɛ̀ bɛ de ʋ ƴãw a nɩ-toni pie nɩ been pʋɔ.
Đang chọn:
Nɩ-toni 1: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.
Nɩ-toni 1
1
A nɩ-toni gùre nɩ a Vʋʋrʋ Sõw
1Teofil i,
a ɩ̃ sɛb dãw-niwn sob pʋɔ a, ɩ̃ manɩ nɩ a ɩ-ɩrɩ al za a Yeezu na ɩ a, nɩ a wulu al za ʋ na wul a pɛr-tib daar za 2tɩ ta n a ʋlɩ bibir nɛ bɛ na ír ʋ do n a tẽ-vla a. A Vʋʋrʋ Sõw n'ʋ tɩ ƴãw ʋ ƴɛ̀r a ʋ ƴɛ̀r-pɛ-baara kʋ̀ a ʋ nɩ-toni ʋ na tɩ kaa ír a, ɛ́ pãa bãw do a tẽ-vla pʋɔ. 3A ʋ kũu pùorí a, bɛlɛ nɛbɛ ʋ tɩ ɩ bɛ nyɛ̃ ʋ, ʋʋ wul bɛ gb'a a ŋmɩn za k'ʋʋ ɩ n nɩ-vʋʋra: bibie lɩz'a ayi ƴãw, ʋ tɩ wul'ɩ ʋ tʋɔra a bɛ zie ɛ́ ƴɛ̀r a Naaŋmɩn Naalʋ ƴɛ̀rʋ kʋ̀ bɛ. 4Bibir kãw, ʋ na tɩ lãw nɩ bɛ dɩrɛ a, ʋ tɩ ƴãw nɩ nʋɔr kʋ̀ bɛ kɛ́ bɛ taa cere zãánɛ nɩ a Zerizalɛm ɛ, ɛ́ gùre a bom nɛ a Naaŋmɩn Sãà na ƴãw nʋɔr k'ʋʋ na kʋ̀ bɛ na a. Ʋ tɩ yel bɛ na: «A nʋɔr a Naaŋmɩn Sãà na ƴãw a nyɩ zie a, mãa nʋɔrɩ́ n'a nyɩ wõ ʋ. 5Nyɩ bãwnɩ a, kʋ̃ɔ n'a a Zã-Bati kʋ̀ n a nɩbɛ a suob, ɛcɛ a nyɩɩm a, ka nɩ bibie à ŋá lɛ tɛwr ƴãw a, Vʋʋrʋ Sõw pʋɔ n'a nyɩ na de a suob.»
A Yeezu na dúor a tẽ-vla a
6Lɛ n'a a po-tuurbɛ na tɩ ɓã taa a Yeezu zie a, tɩ sowr'ʋ: «Sore e, a ƴɛrɛŋa n'ɩ a daar ʋl fʋ na na lɛb zɩɩlɩ a Ɩsɩrayɛl bʋʋrɛ naalʋ a bɩɩ?»
7Ʋ tɩ yel bɛ na: «A daar al, nɩ a bibie al a Naaŋmɩn Sãà na nɔ̃w ƴãw a, nyɩmɛ bɛ so a bãwfʋ ɛ. 8Ɛcɛ a Vʋʋrʋ Sõw na siw nɩ a nyɩ zu, kʋ̀ nyɩ fãw, ɛ́ nyɩ na ɩ n ɩ̃ dãsɩɛ nɩbɛ a Zerizalɛm, a Zude nɩ a Samaari ten za pʋɔ, tɩ tɔ n a tẽw baarʋ ziir za.» 9Ʋ na tɩ ƴɛ̀r a ƴɛ̀r-bie á ŋá baar'a, bɛ tɩ nyɛ̃ ʋ na ʋ ìr dúor a salom zu, zũzuwr wa yi pàw ʋ, bɛ bɛ cãà nyɛ̃ ʋ ɛ. 10Bɛ na tɩ cãà àr úore a Yeezu na dúor a salom zu a, bɛ wa bere na nɩbɛ ayi kãw su kpar-pɛlɛ wa ta àr'ɩ a bɛ zie, 11ɛ́ sowri bɛ: «Galile tẽw dem i, bʋnʋ ƴãw n'a nyɩ àr úore a salom à à ŋá? A Yeezu ŋa bɛ na ír a nyɩ sɔgɔ do n a salom zu a, ʋ nãà lɛb'a wa, mɛ̃ à à ŋá nyɩ na nyɛ̃ ʋ k'ʋ dúor a salom zu a.»
A Zuda lɩɛrɛ kaa-íru
12Lɛ n'a a nɩ-toni tɩ yi a tãw ʋl zu bɛ na bʋɔlɛ Olivʋ tɩɩr tãw a, lɛb cen a Zerizalɛm. A tãw ŋa tɩ pɩɛl'ɩ a Zerizalɛm yɩ̃ɛlɛ, man a lɛ a na sɛw kɛ́ bɛ mɩ́ cen zãá a Zifʋ mɩnɛ pɩ̃ɛnʋ-bibir a. 13Bɛ na tɩ lɛb wa a, bɛ do n a bɔwpɩɛ pʋɔ na tɩ ɩ a bɛ beba zie a. Pɩɛr, Zã, Zakɩ nɩ Ãdere, Filib nɩ Toma, Batelemi nɩ Matie, Alfe bidɛb Zakɩ nɩ Sɩmʋ̃ Zelɔtɩ#1:13 Zelɔtɩ: A Zelɔtɩ mɩnɛ n'ɩ a nɩbɛ bɛl na tɩ bɔbr kɛ́ bɛ lɛb zɛb de a Zifʋ mɩnɛ tẽw, alɛ saa na ɩ n fãw a. Bɛ bɛ tɩ bɔbr kɛ́ nɩ-yũo dɩrɛ naalʋ a Zifʋ mɩnɛ zu ɛ. nɩ Zakɩ bidɛb Zuda tɩ nɛbɛ. 14A bɛ ŋa za tɩ lãw nɩ taa mɛ̃ nɩ-been a, puore kʋralɛ, bɛlɛ nɩ pɔwbɛ bɛ mɩnɛ kãw, a Yeezu mã Marya nɩ a Yeezu yɛbr tɩ pʋɔ nɩ a bɛ pʋɔ.
15A alɩ bibie nɛ pʋɔ, a Pɩɛr tɩ ìr'a àr a yɛbr#1:15 Yɛbr: A bɛlɩ dem za na tɩ sàw de a Yeezu yele a, bɛlɛ nɛbɛ bɛ tɩ bʋɔlɛ à à ŋá. na tɩ ɓã taa ta nɩbɛ lɩz'a ayʋɔb (120) a sɔgɔ, ɛ́ yel: 16«Yɛbr i, a Sɛb-sõw ƴɛ̀r-bie a Vʋʋrʋ Sõw na tɩ dãw yel'ɩ a Daviir nʋɔr a Zuda ƴãw a, a tɩ fɛr'a k'aa tu. A Zuda ŋa n'ʋ tɩ tɛr a nɩbɛ wa n bɛ wa nyɔw a Yeezu. 17Ʋ tɩ pʋɔ nɩ a tɩ pʋɔ tɩ lãw a tome. 18Zɩ̃ k'ʋʋ tɩ dà n púo nɩ a yel-faa ʋ na maalɩ a sã-ya libie: ʋ lo na tʋʋrɩ, a púor pur, a pʋsabɛ za yi gã. 19A Zerizalɛm tẽw nɩbɛ za wõ n a yel ŋa. Lɛ so bɛ bʋɔlɛ a púo ŋa nɩ a bɛ ƴɛ̀rʋ kɛ́: “Akɛldama” a pɛr lɛ kɛ́: “Zɩ̃ɩ púo.” 20Ɛcɛ bɛ sɛb'ɩ a Sɛb-sõw yielu sɛbɛ pʋɔ kɛ́:
“A ʋ kpɛb zie, ʋ gã zawla,
nɩr za taa kpɩɛr a ʋ pʋɔ ɩ.” Nɩ kɛ́:
“Nɩ-yũo, ʋ de a ʋ tõ-nʋɔr#1:20 Nyɛ̃ Ssy 69.26 nɩ 109.8..”
21Lɛ so, a nɩbɛ bɛl na pʋɔ a tɩ pʋɔ, a ʋlɩ daar nɛ za a Sore Yeezu na tɩ be a tɩ sɔgɔ a, 22a na tĩ a Zã suob ʋ na de a, ɛ́ tɩ ta a ʋlɩ bibir nɛ bɛ na lɛb ír ʋ a tɩ sɔgɔ a, a fɛr'a k'aa bɛ ƴen sob kãw pʋɔ a tɩ pʋɔ ɩ a ʋ kũu-pʋɔ-lɛb-yibu dãsɩɛ sob.»
23Bɛ tɩ wul'ɩ nɩbɛ ayi: Zuzɛb, bɛ na tɩ bʋɔlɛ Barsabasɩ, ɛ́ kpɔwrɛ bʋɔlɛ kɛ́ Zitisɩ a, nɩ Matɩasɩ. 24A nɩbɛ za tɩ lãw na puori à ŋá: «Sore e, fʋ̃ʋ na bãw a nɩbɛ socie a, wul a ʋlɩ sob fʋ na kaa ír a nɩbɛ bɛ ŋa ayi pʋɔ, 25k'ʋʋ ɩ a nɩ-tona lɩɛrɩ de a zie a nɩ-tona tome pʋɔ, a Zuda na bɛr kɛ́ cen a ʋ mɩ̀ zie a.» 26Al pùorí, bɛ tɩ ŋmɛ n a gbãw, ʋ lo Matɩasɩ zu, ɛ̀ bɛ de ʋ ƴãw a nɩ-toni pie nɩ been pʋɔ.
Đang chọn:
:
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.