1 Tesalonikɩ 3
3
1Lɛ so tɩ wa vʋʋrɩ gù, ɛ́ nyɛ̃ a sa kɛ́ tɩ be a Atɛn a tɩ yõ, 2ɛ́ tõ a tɩ yɛb Timote a nyɩ zie, k'ʋʋ wa ɩ nyɩ kpɛmɛ ɛ́ ƴãw fãw a nyɩ naaŋmɩn-sàw-deb ƴãw, ʋl na ɩ Naaŋmɩn lãw-tõ-tɔ a Kɩrɩta Yel-nʋ̃ɔ̀ hieru tome pʋɔ a, 3k'aa kpɩɛrʋ tɩ na nyɛrɛ a ƴɛrɛŋa a, taa wa damnɛ nyɩ kãw za ɩ. Bʋ̃ʋ n'ʋ vɛ̃, nyɩɩm mɩŋa za bãwnɩ a na tɩ na be a kpɩɛrʋ á ŋá ƴãw a. 4A lɛn daar tɩ na tɩ cãà be a nyɩ zie a, tɩ tɩ de nɩ niwn yel kʋ̀ nyɩ k'aa na fɛr'a tɩ nyɛ̃ kpɩɛrʋ, alɛ n'ɩ à á ŋá na ta a, nyɩ bãwnɩ a na. 5Al ƴãw n'a ɩ̃ tɩ vʋʋrɩ gu ɛ́ tõ kɛ́ bɛ wa nyɛ̃ a lɛ a nyɩ naaŋmɩn-sàw-deb na ɩ a, k'aa Bɛlbɛlɛ taa wa mab bɛlɩ nyɔw nyɩ, ɛ́ tɩ hanɩ zawlalɛ ɩ.
6Ƴɛrɛŋa a, a Timote yi n a nyɩ zie be lɛb wa ta a tɩ zie ka, ɛ́ yel a nyɩ naaŋmɩn-sàw-deb nɩ a nyɩ nɔ̃wfʋ na vɩɛl a yele kʋ̀ tɩ. Ʋ yel'a kʋ̀ tɩ kɛ́ nyɩ cãà na tɩɛrɛ a tɩ yele vla, ɛ́ bɔbr kɛ́ nyɩ lɛb nyɛ̃ tɩ, mɛ̃ a lɛ tɩ mɩ̀ na bɔbr kɛ́ tɩ lɛb nyɛ̃ nyɩ a. 7À ŋá n'a a tɩ kpɩɛrʋ nɩ a tɩ wʋ̀ʋr za pʋɔ tɩ nyɛ̃ mɔwlʋ a nyɩ ƴãw, yɛbr i, a nyɩ naaŋmɩn-sàw-deb zũú. 8Ɛ́ ƴɛrɛŋa a, tɩ lɛb'a vʋʋrɛ, nyɩ na ƴãw fãw lãw nɩ a Sore a ƴãw. 9Ŋmɩŋmɩn n'a tɩ na tʋ̃ɔ́ puori a Naaŋmɩn yãanɩ a nyɩ ƴãw k'a sɛw, a nʋ̃ɔ̀ al za nyɩ na ɩrɛ tɩ nyɛrɛ a ʋ niŋé a ƴãw? 10Mʋ̃tɔ̃w nɩ tɩ̃ɩsɔw za, tɩ mɩ́ zɛlɛ nɩ a Naaŋmɩn kpɛ̃w kpɛ̃w za, k'ʋʋ sàw tɩ lɛb nyɛ̃ nyɩ tʋ̃ɔ́ kʋ̀ nyɩ a alɩ bome nɛ za na cãà cɛ a nyɩ naaŋmɩn-sàw-deb ƴãw a.
11A tɩ Sãà Naaŋmɩn mɩŋa, nɩ a tɩ Sore Yeezu, bɛ bɩɛlɩ a tɩ gbɛ́ɛ wa ta n a nyɩ zie. 12A Sore, ʋ ɩ a nɔ̃wfʋ nyɩ na nɔnɛ taa ɛ́ mɩ̀ nɔnɛ a nɩbɛ za a, ʋ ɩ ʋ kɛrɛ dɔwlɛ mɛ̃ a nɔ̃wfʋ tɩ na nɔnɛ nyɩ a. 13A Sore, ʋ ɩ a nyɩ socie kpɛmɛ, nyɩ tʋ̃ɔ́ ɩ nɩ-son nɩ nɩbɛ na bɛ tɛr sãwna bɛ yere a Naaŋmɩn tɩ Sãà niŋé a, a lɛn daar a tɩ Sore Yeezu nãà wa lɛb wa nɩ a ʋ nɩ-son za a ɩ.
Đang chọn:
1 Tesalonikɩ 3: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.