1 Korɛ̃tɩ 6
6
Yɛb'ʋ maalɛ nɩ a ʋ yɛb ƴɛ̀rʋ
1A nyɩ ƴen sob na mɩ́ wa tɛr'ɩ a yɛb kãw ƴɛ̀rʋ a, ŋmɩŋmɩn za n'a ʋ mɩ́ sʋ̃ɔmɩ bɛr a lãw nɩbɛ, ɛ́ cen tɩ ƴãw nɩbɛ na bɛ ɩ kɩrɩta-nɩbɛ a, bɛ maalɛ nɩ bɛ a ƴɛ̀rʋ? 2Nyɩ nɔ̃w bɛ bãw k'aa lãw nɩbɛ nɛbɛ na maal'ɩ a tẽ-daa a ƴɛ̀rʋ bɩɩ? Ɛ́ nyɩmɛ wa nɛbɛ na maal'ɩ a tẽ-daa a ƴɛ̀rʋ a, nyɩ ɩ n ŋmɩn bɛ sɛw taa nɩ na maalɩ a ƴɛ̀rʋ a yel-pʋrmɛ á ŋá ƴãw? 3Nyɩ bɛ bãw kɛ́ tɩ na maalɩ nɩ a malkɩ mɩnɛ a ƴɛ̀rʋ bɩɩ? Ɛ̀ bɛ nãà yere a tẽw ŋa zu nyɔ-vʋʋrʋ yele e! 4Ɛcɛ nyɩ na mɩ́ wa tɛr a ƴɛ̀rʋ-maalʋ á ŋá taabɛ a, bʋ̃ʋ ƴãw n'a nyɩ mɩ́ de nɩbɛ, a Lãw-yir na bɛ de a bɛ yele a, ƴãw bɛ ɩ a ƴɛ̀r-maalbɛ? 5Ɩ̃ yere nɩ à à ŋá kɛ́ nyɩ nyɛ̃ vĩ. A ɩ lɛ nɩsaal za bɛ bãw yã a sɛw a nyɩ pʋɔ na tʋ̃ɔ́ maalɩ a ƴɛ̀rʋ a ʋ yɛbr cara pʋɔ ʋ? 6Ɛ̀ yɛb pãa mɩ́ tɛr'ɩ yɛb ƴɛ̀rʋ nɩbɛ na bɛ sàw de Naaŋmɩn a niŋé!
7Alɛ saa ŋmɛ̃ ŋmɩŋmɩn a, nyɩ sãw na baarɩ, nyɩ na tɛr'ɩ taa ƴɛ̀rʋ a ƴãw. Bʋ̃ʋ n'ʋ so nyɩ nɩ̃ɛ bɛ sàwr bɛ nɛbr nyɩ? Bʋ̃ʋ n'ʋ so nyɩ nɩ̃ɛ bɛ bɛrɛ bɛ farɛ a nyɩ bome za? 8Ɛ́ nyɩmɛ nɩ̃ɛ nɛbɛ nɛbr a nyɩ taabɛ, ɛ́ farɛ a bɛ bome za, ɛ́ a nyɩ yɛbr nɛbɛ nyɩ ɩrɛ a lɛ. 9Nyɩ nɔ̃w bɛ bãw k'aa bɛlɩ dem na nɛbr a bɛ taabɛ a, kʋ̃ kpɛ a Naaŋmɩn Naalʋ pʋɔ ɩ? Nyɩ ta bɛ̀lɛ nyɩ tʋɔra a ɩ! A pɩ̃ɔ-yel-maalbɛ, nɩ a bɛl na maalɛ a tɩbɛ a, a pɔw-gaa yel-bier-maalbɛ, nɩ a dɛb-bɛrɛ na gánɛ nɩ a dɛbli a, 10a nyãnyuwr, a bɛl na mɩ́ nyɛ̃ a bɛ tɔ bom a mimir zaalɛ a, a dã-kuolbɛ, a gɛgɛrɩ, lãwnɩ a bɛl na farɛ a bɛ taabɛ bome a, bɛ kʋ̃ kpɛ a Naaŋmɩn Naalʋ pʋɔ ɩ. 11À ŋá n'a nyɩ mɩnɛ tɩ ŋmɛ̃. Ɛcɛ bɛ so n a nyɩ dɛwr bɛr nyɩ, bɛ ɩ na nyɩ lɩɛbɩ nɩ-son nɩ nɩ-mɩn a Sore Yeezu Kɩrɩta yúor ƴãw nɩ a tɩ Naaŋmɩn Vʋʋrʋ Sõw ƴãw.
Nyɩ zɛwr a Naaŋmɩn yúor-vɩɛlʋ-danʋ nɩ a nyɩ ƴã-gamɛ
12Nyɩ mɩnɛ mɩ́ yel'a: «Ɩ̃ tɛr'ɩ sɔ́r na tʋ̃ɔ́ ɩ bom za», sɩza n'a, ɛcɛ «bom za bɛ n'a maalɛ nyɩ ɛ.» Ɩ̃ na tʋ̃ɔ́ na yel: «Ɩ̃ tɛr'ɩ sɔ́r na tʋ̃ɔ́ ɩ bom za», ɛcɛ ɩ̃ kʋ̃ sàw ɩ bom za gbãgbaa ɩ. 13Nyɩ mɩ̀ mɩ́ yel'a: «Púor ƴãw n'a a bʋ̃-dɩrɩ be, ɛ́ bʋ̃-dɩrɩ ƴãw n'a a púor mɩ̀ be.» Ɛ́ Naaŋmɩn na sãw nɩ a bʋ̃-dɩrɩ bɛr, ɛ́ sãw a púor bɛr. Ɛcɛ a ƴã-gan bɛ be a pɩ̃ɔ-yele maalʋ ƴãw ɛ, a Sore ƴãw n'a ʋ be, ɛ́ a Sore mɩ̀ be a ƴã-gan ƴãw. 14Ɛ́ a Naaŋmɩn na ɩ a Sore lɛb yi a kũu pʋɔ a, ʋ mɩ̀ na ɩ na tɩ lɛb yi a kũu pʋɔ nɩ a ʋ fãw.
15Nyɩ bɛ bãw kɛ́ a nyɩ ƴã-gamɛ ɩ n a Kɩrɩta ƴã-gan ɓɛrmɛ bɩɩ? Ɩ̃ na sàw na de a Kɩrɩta ƴã-gan ɓɛrmɛ ƴãw a lɩɛbɩ pɔw-yɛm ƴã-gan ɓɛrmɛ bɩɩ? Ʋ̃ʋ'hʋ̃! Towtow! 16Nyɩ bɛ bãw kɛ́ nɩr na gã nɩ a pɔw-yɛm a, ʋ lãw nɩ ʋ na bɛ ɩ ƴãw-been ɛ? Bʋ̃ʋ n'ʋ vɛ̃, bɛ yel'ɩ à ŋá: «A bɛ za ayi na ɩ n nɩ-been#6:16 Nyɛ̃ Yzt 2.24..» 17Ɛcɛ ʋlɩ sob na lãw nɩ a Sore a, ʋ lãw nɩ ʋ na bɛ ɩ vʋʋr-been.
18Nyɩ zɔrɛ dɛrɛ a pɩ̃ɔ-yele. Yel-bier kãw za nɩsaal na mɩ́ maalɩ a bɛ ɓanɛ a ʋ ƴã-gan ɛ, ɛcɛ a pɩ̃ɔ-yel-bier-maalɛ a, a ʋ ƴã-gan tɔr za n'ʋ ʋ mɩ́ maalɩ a yel-bier kʋ̀. 19Bɩɩ nyɩ taa bɛ bãw kɛ́ a nyɩ ƴã-gan ɩ n a Vʋʋrʋ Sõw yir u? A Vʋʋrʋ Sõw ŋa na be a nyɩ pʋɔ ɛ́ yi Naaŋmɩn zie wa a. Nyɩ bɛ bãwnɩ a nyɩ na bɛ so nyɩ tʋɔra a bɩɩ? 20Naaŋmɩn dà nyɩ na nɩ libie na bɛ vʋʋr a. A na ɩ lɛ a, nyɩ íre a Naaŋmɩn yúor-vɩɛlʋ-danʋ nɩ a nyɩ ƴã-gamɛ.
Đang chọn:
1 Korɛ̃tɩ 6: DBDC
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
La Bible en Dagara © Alliance Biblique du Burkina Faso, 2013.