Ọda ỌYỊSỊZỤ
ỌYỊSỊZỤ
Iwe Ọda ọnọnị vị ana ka Imosiisi mẹmẹ kà ịrẹyị irenyi-irenyi yị Anisirẹrị ini ẹtẹ Imowabi ịzị ẹ jẹẹ tụhwọ ịrẹma ụsẹ ọ gọdọ ẹnẹ zị ịnị ụnọmị. Ịnị ụmẹ ọnọọ ẹ ya va ngụ ẹtẹ Ikanaani dị ẹ dọ ọ mẹ ẹnịnị.
Avaba ana vị eyi ịrẹyị ịnị ịrẹyị ana chẹrẹ tụ́ ịnị iwe ọnọnị yị: Imosiisi ộ tama wa ayị avaba ịsa ana mẹ tu wa ịnị akakana ịrayị ẹbẹẹva ọnị ẹ mẹ̀ ịnị ụnọmị. Dị ọ kà a yị wa ka asị ayị hi wa Ohomorihi mẹmẹ zụ wa oze ịnị ụnọmị. Agụvị avọọ ẹnịnị ẹ wụ́ chire e dị ẹ saasa a. Imosiisi ộ vatụra ọda ẹẹwụ ọnị Ẹnẹyịmavara sị yị wa ịrẹsụ ataba Ịsịnayị, dị ọ ka iruvo ọda ịpaapa yị wa, di o hu wa ụvọ, dị ọ ka ẹnịnị ẹ saasa Ẹnẹyịmavara kẹnẹ. Dị ọ rẹẹ̀ vatụra ọda irenyi-irenyi ana ka Anisirẹrị nịnị ẹ ra ịnị ẹtẹ ene wo oto anị yị wa. Imosiisi ộ kà a yị wa iruvo oto ọnị ẹnịrị Ohomorihi wo yị ẹngụ, dị ọ hị́ wa ka e tenyi ẹngụ saasa avaba ọda anị. Ohomorihi ộ nyị Ijosuwa dọ ịrẹsụ Imosiisi. Ịrẹma ọnị Imosiisi jị ahẹ ọchị ọnya ga Ohomorihi, dị ọ mẹ̀ aduwa yị avaba Anisirẹrị nịnị.
Ịrẹyị ene hu kere-kere ini iwe ọnọnị ọ vị Ohomorihi ộ dọ aza anị ọnị ọ nyị ha, dị ọ mẹ ka o ze yị wa. Avọrọ ka aza anị ẹ tamayị ọsọnị, di e sì ịrẹyị anị, dị ẹ wụ́ chere e agụvị ẹ zụ yara, di oo ze yị wa pooro.
Ebira ene hu ana vọrọ ka ẹyị ọza ọọ̄ mẹ̀ ana yị ịnị iwe ọnọnị ọnị Ijeesu hị́ ọda ene hu kere-kere yị: Ọ kà a ọza sị avaba ayị anị ọnịrị avaba ụhwẹ anị ọnịrị avaba ụkata anị sì ịrẹyị Ẹnẹyịmavara Ohomorihi anị. 6.4-6
Eyi Ịrẹyị
Ịrẹyị ịpaapa ọnị Imosiisi ka 1.1—4.49
Ịrẹyị ụpọhụva ọnị Imosiisi ka 5.1—26.19
Ọda ẹẹwụ 5.1—10.22
Ọda ọnịrị ọ̀nọ̀ irenyi-irenyi 11.1—26.19
Ọda ọnị ẹ vaa saasa ọyị ngụ Ikanaani 27.1—28.68
Oto ọyị tenyi mẹ 29.1—30.20
Ịrẹyị ọdịrẹma ọnị Imosiisi ka 31.1—33.29
Usu Imosiisi 34.1-12
Đang chọn:
Ọda ỌYỊSỊZỤ: EBTP
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
Ebira First Bible © Bible Society of Nigeria, 2014.