Chhóng-sṳ Ki 28

Ngâ-kok Hi Yí-kho Lâ-pân

1Yî-sat ham Ngâ-kok to mien-chhièn lòi, chuk-fuk kì, yu fûn-fu kì kóng: “Ngì m̀-hó lâu Kâ-nàm ke se-moi-é kiet-fûn. 2Ngì oi hi Mî-sok-put-tha̍t-mí-â, to ngiâ chiá-kûng Pí-thú-li ke kâ, tui ngiâ-khiû Lâ-pân ke moi-é tông-chûng thó yit-ke cho pû-ngiòng. 3Ngien chhiòn-nèn ke Song-ti su-fuk ngì, pûn ngì kiung tô-tô chṳ́-ńg, sàng-cho chhin-tô mìn-chhu̍k ke chú-siên! 4Ngien Kì su-fuk pûn ngì lâu ngì ke chṳ́-sûn, chhiong su-fuk Â-pak-lâ-hón yit-yong. Ngien ngì voi tet-tó ngì liá-ha cho lî-hak só he̍t ke thi-fông, chhiu-he Song-ti su-fuk pûn Â-pak-lâ-hón ke thú-thi.” 5Án-ngiòng, Yî-sat ham Ngâ-kok hi Mî-sok-put-tha̍t-mí-â, to kiâ chiá-kûng Â-làn-ngìn Pí-thú-li ke lai-é Lâ-pân ke-vi. Lâ-pân he Li-pak-kâ ke â-kô, Ngâ-kok lâu Yî-so ke mû-khiû.

Yî-so Nang-ngoi Thó Yit-ke Pû-ngiòng

6Yî-so thâng-tó Yî-sat chuk-fuk Ngâ-kok, sung kì to Mî-sok-put-tha̍t-mí-â thó pû-ngiòng, ya tî Yî-sat chuk-fuk kì ke sṳ̀ fûn-fu kì m̀-hó lâu Kâ-nàm ke se-moi-é kiet-fûn, 7yu khon-tó Ngâ-kok thâng-chhiùng yà-ôi to Mî-sok-put-tha̍t-mí-â hi. 8Yî-so chang-tî kiâ-pâ Yî-sat mò fôn-hí kì tui Kâ-nàm thó ke pû-ngiòng. 9Só-yî, kì to Â-pak-lâ-hón ke lai-é Yî-sṳ̍t-mâ-li ke-vi, lâu kiâ moi-é Mâ-ha̍p-lâ kiet-fûn; Mâ-ha̍p-lâ chhiu-he Nì-pai-yok ke ló-moi.

Ngâ-kok chhai Pak-thi̍t-li Pot-mung

10Ngâ-kok lì-khôi Phe̍t-sṳ-pâ, oi hi Ha̍p-làn. 11Ngit-thèu lo̍k-sân ke sṳ̀, kì lòi-to yit-ke thi-fông#28:11 “yit-ke thi-fông” ya-he yi̍t-cho “yit-ke sṳn-só”., chhai ke-vi ko-ya; kì pân yit-chak sa̍k-thèu cho chṳ́m-thèu, chhai ke-vi soi-muk. 12Kì pot-mung khon-tó yit-kî thôi-é tui thi-song thûng-to thiên-táng, thôi-é táng-kô yû Song-ti ke sṳ́-chá sông-sông hâ-hâ. 13Kì yu khon-tó Song-chú khî chhai kì sùn-thèu#28:13 “chhai kì sùn-thèu” ya-he yi̍t-cho “chhai thôi-é táng-kô”., tui kì kóng: “Ngài he Song-chú, he ngiâ-kûng Â-pak-lâ-hón ke Song-ti lâu ngiâ-pâ Yî-sat ke Song-ti; Ngài oi chiông ngì liá-ha soi ke thú-thi su-pûn ngì lâu ngì ke heu-thoi. 14Kì-têu oi chhiong thi-song ke sâ-é án-tô, hiong tûng-sî nàm-pet fat-chán. Ngài oi yîn-vi ngì lâu ngì ke heu-thoi su-fuk pûn sṳ-kie kok-koet. 15Ngài oi lâu ngì khiung-ha; mò-lun ngì to nai-vi, Ngài oi pó-fu ngì, ya oi tai-liâng ngì chón-to liá thi-fông. Ngài chhie̍t-tui m̀-voi lì-khôi ngì, yit-thin voi sṳ̍t-hien tui ngì ke yin-hí.”

16Ngâ-kok soi yit-kau siáng, kóng: “Song-chú khok-sṳ̍t chhai liá thi-fông, ngài ngióng m̀-tî!” 17Kì chhiu chho̍k-kiâng, yu-kóng: “Liá thi-fông sṳ̀n-sṳn khó-vi, yit-thin he Song-ti ke thien, thûng-to thiên-thìn ke mùn.”

18Thi-ngi ngit tá-chó, Ngâ-kok hong hí-lòi, chiông kì cho chṳ́m-thèu ke-chak sa̍k-thèu tun hí-lòi cho ki-ngiam-pî, chhai sa̍k-thèu táng lìm-yù hien-pûn Song-ti. 19Kì chiông ke thi-fông ôn-to Pak-thi̍t-li#28:19 “Pak-thi̍t-li” yi-sṳ he “Song-ti ke thien”.. (Liá-ke sàng yî-chhièn ham-cho Lu-sṳ̂.) 20Ngâ-kok hí-ngien kóng: “Na-he Song-ti lâu ngài khiung-ha, chhai lu-thù chûng pó-fu ngài, su-pûn ngài sṳ̍t ke, chok ke, 21pûn ngài phìn-ôn chón-to ku-hiông, Song-chú khok-sṳ̍t chhiu-he ngài ke Song-ti. 22Liá-chak cho ki-ngiam-pî ke sa̍k-thèu, oi sàng-cho kin-pai Song-ti ke sṳn-só. Ngài oi chiông Ngì su-pûn ngài ke yit-chhiet hien sṳ̍p-fûn chṳ̂-yit pûn Ngì.”

Đang chọn:

Chhóng-sṳ Ki 28: THV12Rdb

Tô màu

Sao chép

So sánh

Chia sẻ

Bạn muốn lưu những tô màu trên tất cả các thiết bị của mình? Đăng ký hoặc đăng nhập

Tìm hiểu thêm về HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Chhóng-sṳ Ki 28

Những câu Kinh Thánh phổ biến từ
Chhóng-sṳ Ki 28

Kinh Thánh:

Hakkafa (Roman script)

Bản dịch: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 28

Chhóng-sṳ Ki 28

Những câu Kinh Thánh phổ biến từ Chhóng-sṳ Ki 28

Kinh Thánh:

Hakkafa (Roman script)

Bản dịch: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Chhóng-sṳ Ki 28

Những câu Kinh Thánh phổ biến từ
Chhóng-sṳ Ki 28