Забур 110
110
Аллагьдин ажайиб крар
1Тариф ая Реббидин!
Аллагьдиз за шукурзава жуван вири рикӀелди
бегьемдаказ дуьзбурунни эллерин меслягьатда.
2 Вуч чӀехи я Реббидин крар,
гуьр я абурал фагьум ийиз вирибур.
3 Гьайбатни баркаллани ала Адан крарал,
Даиманди я Адан гьахъвал.
4 Еке Вичин аламатар Ада
жем авуна чи рикӀера, тефидайвал рикӀелай,
зурба регьимни, мергьемет ава Реббидиз.
5 Икьрар Вичин Адан рикӀел датӀана алама,
кичӀебуруз Вичикай Ада тӀуьн гузва.
6 Къуватдин Вичин крарикай Ада Вичин халкьдиз хабарна,
кьилди адаз гун патал ирс чара чилин халкьарин.
7 КӀевиз далу акализ жеда Адан тагькимрихъни.
Лайих крар я Адан гъилерин
гьакъикъатни гьахъ-дуван.
8 Мягькем я абур даим,
пун кьунва абуру гьакъикъатдални гьахъунал.
9 Ракъурна хиласвал Ада Вичин халкьдиз,
тестикьарна даим яз Икьрар Вичин.
ТӀвар пак я Адан ва кичӀевал кутарди я!
10 Хьунухь кичӀе Реббидин вилик – камалдин эвел я,
Чуькь тавуна Адан эмирар кьилиз
акъудзавайбур акьул авайбур я.
Эбеди алхиш хьуй Адаз!
Đang chọn:
Забур 110: ЛезПК
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© Институт перевода Библии, 2010-2024