Laoidhean 13
13
LAOIDH 13
Gnàth‑fhac. 8.22-36
1Bibh tosdach uile, chlann nan daoin,
tràth ghlaodhas Gliocas Dé,
A bhriathra thugar leibh fa'near,
's d'a earail thugaibh géill.
2Bu mhise Annsachd Dhè o thùs,
mu'n robh na nèamha ann;
'S mu'n d'fhuair an domhan mòr a bhith,
bha mise, feadh gach àm.
3Mu'n robh ann sléibhte mòr no beag',
mu'n robh ann muir no tìr.
No ni air bith sa' chruinne‑ché;
aig deas làimh Dhé bha mi.
4Tràth dhealbh e neòil is athar àrd,
an talamh tràight 's an cuan,
'S tràth ghearr e 'n criochan doibh fa leth,
bha mise leis san uair.
5Tràth chroch e 'n talamh cothromaicht'
gun taic ris o aon taobh,
Dhearc mi le gàirdeachas an sin
air ionad còmhnuidh dhaoin'.
6Dhealbh smuain mo chridh' o shiorruidheachdd
làn‑tearmunn doibh o'n bhàs;
Neo‑chaochlaidheach, uaith sin gu so,
tha m'iochd dhoibh is mo ghràdh.
7Ri m' theagasg éisdibh uime sin,
is gheibh sibh beatha uaith,
Is sona 'n ti bheir géill do m' lagh;
bidh 'n ti nach tabhair truagh.
8Is mise ni gu nèamh an t‑iùl,
's an slighe réidh do m' shluagh:
Tha beatha 's càirdeas aig gach neach
a leanas mi gach uair.
9Ach 's naimhde mòr' d'an an'maibh féin
na dhiultas géill do m' reachd;
'S na bheir sìor‑fhuath do m'theagasg naomh,
chum ifrinn théid gu beachd.
Đang chọn:
Laoidhean 13: LSN1987
Tô màu
Sao chép
So sánh
Chia sẻ
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© Comann Bhìoball na h‑Alba 1826, 1987
© Scottish Bible Society 1826, 1987