Mákò 5

Edzò-kã̀ wà ɖɔ́kpɔ fú ɔ̀nyà-kã̀, tsí Yèésù lée sɛ̃̀ náànyì‐ɛ̀

(Màtéwò 8:28-34; Lúkà 8:26-39)

1Ńbɛ̀ɛ́, à sɛ̃̀ dzì nɔ́ɔ̀nà, tsí lɔ káà tó náàtàkè-èkéèdzì-oɖò#ɛ́ ńlɛ̀-ɛnɛ-Gèrásà ŋa. 2Ńbí à tó#ɛ́, èkpò ŋa wà bɛ̀. Títí Yèésù kó tì nɔ́kɔ̃̀-odzómi#ɛ́ gé#ɛ́, ɔ̀nyà-kã̀ bɔ́ ti néèkpò ŋa#á, tsí wáa kpàɖé‐ɛ̀. Ɛnɛ nyɛ̀ŋɛ̀#ɛ́, kò wà rere, edzò†-kã̀ wà ɖɔ́kpɔ fúu. 3Kà gbé ńlé gìɖì. Néèkpò ŋa#á gé ní náa gbé#ɛ́, tsí ɔ̀nyà-kã̀ kpókpó kà nyáa tóòsũ̀‐ɛ̀, tsí kó nyáa múu ɖè, tsí kó máa nyáa dzá. Bí ó dzɛ́ wɔ̀rɔ̀ gìɖì, náa dzáa. 4Ìɖéǹɖè#ɛ́, à náa mú wɔ̀rɔ̀-irɛ̃, tsí ń ɖe ɛsɛ̀‐ɛ̀ òŋu ɔwɔ́‐ɛ̀ ŋa, tsí náa dzá ŋa gé ni. Ɔ̀nyà-kã̀ kpókpó kò nɛ́ àmí, tsí kó nyáa tóòsũ̀‐ɛ̀. 5Nɔ́dzɔ́ ɔ̀kã̀lɔ́ɔ̀kã̀, òsã́-kã̀ òru-kã̀, náa wà gbé néèkpò ŋa òŋu ńǹtá-òkè ŋa, tsí náa wà ɖúgbe, tsí wà mú òkúta ŋa, tsí wà ń bóti ara‐ɛ̀.

6Ńbɛ̀ɛ́, kíbí ó rí Yèésù nóòtèrè#ɛ́, ó súré lɔ, tsí káà kálɛ̀ nábɛ́‐ɛ̀, 7tsí ó wà ɖúgbe kũkũ fúu ní: Yèésù, Ɔma bíbí-Ɔ̀ɖáyé Oléwo, kí ó wà wò fú òŋu ni? Òŋu mú Ɔ̀ɖáyé tsìkálɛ̀ fúu, kó máa mú òŋu réré ɖé!

8Iŋɛ́ yèé tse tsí ó ɖúgbe bɛ́ɛ̀#ɛ́, Yèésù ti wà wí fú edzò yèé wà ɖɔ́kpɔ fúu#ɛ́ ní: Sɛ̃̀ náànyì‐ɛ̀!

9Tsí Yèésù wà bèrèé ní: Bí à náa kpèé fáà? Tsí ó dzɔ́ŋù fúu ní: À náa kpe òŋu ní Kpíkpɔ̀ Gbɛ̃̀ɛ̃̀. Iŋɛ́ yèé tse#ɛ́, àŋa kpɔ̀ náànyì-idza#á.

10Tsí ó wà tsìkálɛ̀ fúu kũkũ ní: Kó máa lé àŋa ǹɖe nérè-ìyabɛ̀ ɖé.

11Náàsòkò nyɛ̀ŋɛ̀#ɛ́, ɔ̀hà kpíkpɔ̀ kã̀ŋa gbo wà nára-òkè-kã̀ bɛ̀, tsí wà dzɛ. 12Tsí edzò ŋa#á tsìkálɛ̀ fú Yèésù, tsí fɔ̀ fúu ní: Kó kɔ àŋa dzɔ̀ɔ́, tsí àŋa kó káà sá wɔ̀ ńǹtá-ɔ̀hà ŋa#á.

13Tsí Yèésù dzɛ́. Gbòkã́ gé#ɛ́, edzò ŋa#á sɛ̃̀ náànyì-idza#á, tsí à sá wɔ̀ ńǹtá-ɔ̀hà ŋa#á. Tsí ɔ̀hà ŋa#á yáré kpìrìkpìrì ti ńǹtá-òkè yèé à wà si#ɛ́, tsí wáa lɔ káà bɔ́ sɔ nóɖò, tsí à kí nóɖò#ɛ́ kpó. Ɔ̀hà ɛgbàá (2.000) ní kí nóɖò#ɛ́.

14Tsí aró-ɔ̀hà ŋa#á sá lɔ ńlé, tsí fɔ iŋɛ́ yèé à rí ŋa#á fú ɔ̀nyà ŋa náàŋírĩ-ìlú#ɛ́. À tse tsí afɔ̀#ɛ́ tɔ́ lɔ ńǹlú tsɛ́kɛ́tsɛ́kɛ́ yèé ŋa wà ńǹyabɛ̀ ŋa#á gbo. Tsí ɔ̀nyà ŋa ǹɖe, tsí yáré lɔ ní àŋa kó káà rí iŋɛ́ yèé tse#ɛ́. 15Kíbí à tó ńɖi-Yèésù#ɛ́, à rí idza yèé dzɛ́ asṹrṹ dzɔ̀ɔ́#ɛ́, tsí ó dzokó si. Àwù ŋa ti wà nára‐ɛ̀ si, tsí kò wà sṹrṹ ró. Edzò ɛ̀gbɛ̀lɛ́ɛ̀gbɛ̀ yèé ŋa wà ɖɔ́kpɔ fúu#ɛ́ sɛ̃̀ náànyì‐ɛ̀, tsí ó ɖi abarakpá. Kíbí à ríi bɛ́ɛ̀#ɛ́, ó nódzo fú ŋa. 16Tsí ɛnɛ yèé ŋa rí kíbí iŋɛ́ ŋa#á lɔ gbà#á, à fɔ̀ɔ́ fú ɛnɛ àtíbɔ̀ ŋa kpó. Kíbí Yèésù lé edzò yèé ŋa wà ɖɔ́kpɔ fú idza#á gbo sɛ̃̀ náànyì‐ɛ̀#ɛ́ òŋu kíbí à sá wɔ̀ ńǹtá-ɔ̀hà ŋa#á, à fɔ̀ɔ́ fú ɔ̀nyà ŋa.

17Ńbɛ̀ɛ́, à tsìkálɛ̀ fú Yèésù ní kó ńɖe nérè-àŋa bɛ̀.

18Tsí Yèésù ǹɖe, tsí káà wɔ̀ nɔ́kɔ̃̀-odzómi#ɛ́. Kíbí ó wà wɔ̀ nɔ́kɔ̃̀#ɛ́, idza yèé edzò ŋa wà ɖɔ́kpɔ fú dzɔ̀ɔ́ dzɔ̀ɔ́#ɛ́ wà tsìkálɛ̀ fúu ní: Màa lɔ báɛ.

19Tsí Yèésù kò dzɛ́ fúu. Kà kàa bɛ́ɛ̀, ó fɔ̀ fúu ní: Kó sɛ̃̀ lɔ ńlé‐ɛ̀, ńɖi-tɛ̀ɛ̀ ŋa, tsí kó káà fɔ̀ fú ŋa ní Ɔlɔ́dzɔ́ rí ànyínɔ́ fú òŋu, tsí tse iŋɛ́ lákṹ-kã̀ fú òŋu. Kó fɔ̀ɔ́ kpó fú ŋa.

20Tsí ó sɛ̃̀ lɔ ńǹlú‐ɛ̀. À náa kpe ibɛ̀ ní erè-Ìlú Maá. Tsí ó lɔ ńǹlú yèé wà bɛ̀ ŋa kpó#ɛ́, tsí káà fɔ iŋɛ́ lákṹ yèé ŋa Yèésù tse fúu kpó#ɛ́. Tsí kíbí ɛnɛ-ìlú ŋa#á gbɔ́ afɔ̀ nyɛ̀ŋɛ̀ ŋa#á, à kí dzã̀maa kpó.

Yèésù bɔ ɔnɔbɛ̃̀ɛ̃-kã̀, tsí dzí ɔma-onùgbó-ɔma-Ìyúɖà ŋa-kã̀ gbo ti náàŋírĩ-òkú ŋa wá náyé

(Màtéwò 9:18-26; Lúkà 8:40-56)

21Ńbɛ̀ɛ́, Yèésù wɔ̀ nɔ́kɔ̃̀-odzómi#ɛ́, tsí sɛ̃̀ bɔ̀ wáa lɔ náàtàkè-ńbí à ti#ɛ́. Ó wà nétí-oɖò#ɛ́ si, tsí ɔ̀nyà ŋa sú wérí‐ɛ̀ si kpìtìì. 22Tsí onùgbó-ilé-ìkpàɖé-ɔma-Ìyúɖà ŋa†-kã̀ wáa tó. À náa kpèé ní Yàwìró. Kíbí ó rí Yèésù#ɛ́, ó káà kálɛ̀ nábɛ́‐ɛ̀, 23tsí ó wà tsìkálɛ̀ fúu kũkũ ní: Ɔma-òŋu ɔnɔbɛ̃̀ɛ̃ tsígíɖí#ɛ́, ó wà tsàkɔ̃̀rɔ̃̀, tsí bàkó kú. Ó ɖi, kó wá, tsí kó wáa mɔ́wɔ́ lé ńǹtá‐ɛ̀ gé, tsí àrɔ̃̀#ɛ́ kó tùú, tsí kó gbé náàyɛ̀ fú òŋu.

24Tsí Yèésù òŋu‐ɛ̀ méèdzì, à ǹɖe, tsí dzì nɔ́ɔ̀nà. Kíbí ó làkóò#ɛ́, ɔ̀nyà ŋa tsɛ́ kì, tsí wà tɛ̀ náànyì‐ɛ̀ làkóò, tsí wà kpìgbòó ńǹɖìkíìɖì.

25Ɔnɔbɛ̃̀ɛ̃-kã̀ gbo wà náàŋírĩ-èrò#ɛ́, tsí àmbara wà ɖà fúu ɔɖɔ̃́ máàméèdzì‐ɛ̀ ńnɛ̀ɛ́, tsí kò wà ɖáàtí fúu láyé. 26Ó ti gbà ńǹtá-abɔnɛ kpíkpɔ̀, tsí à náa múu réré gé ni, tsí ó ná owó‐ɛ̀ gbo kpó, tsí àrɔ̃̀#ɛ́ kò tì máa wà gìɖì. Kà kàa bɛ́ɛ̀, ó wà le máa fúu ni. 27-28Ńbɛ̀ɛ́, òŋu gbo gbɔ́ ìdzã̀mà-Yèésù. Tsí ó fɔ̀ ńnɔ́-ara‐ɛ̀ ní: Bí òŋu nyáa mɔ́wɔ́ kã ìwɔ̀ra‐ɛ̀ gìɖì gé, àrɔ̃̀#ɛ́ nákó tu òŋu. Tsí ó la àŋírĩ-ɔ̀nyà ŋa ti náànyì wá, tsí wáa mɔ́wɔ́ kã ìwɔ̀ra‐ɛ̀.

29Ńǹɖì-bɛ̀ gbòkã́#á, àmbara#á ɖá ɖóro, tsí ó rí ara‐ɛ̀ mà ní àrɔ̃̀#ɛ́ tu òŋu. 30Tsí Yèésù mà gbòkã́ ńnɔ́-ara‐ɛ̀ ní ikpá-kã̀ fùɖá nára-òŋu. Tsí ó wà nyí wérí ara‐ɛ̀ náàŋírĩ-ɔ̀nyà kpíkpɔ̀#ɛ́, tsí ó ní: Nɛ̀ɛ́ mɔ́wɔ́ kã ìwɔ̀ra-òŋu ná?

31Tsí ɔmatsɛ́‐ɛ̀ ŋa wà wí fúu ní: Ɔ̀nyà ŋa kpɔ̀, tsí wà kpìgbòó ńǹɖìkíìɖì. Kò wà ní kó bèrè ní nɛ̀ɛ́ mɔ́wɔ́ kã òŋu nɛ́!

32Tsí ó sì wà nyí wérí ara‐ɛ̀, tsí kó rí ɛnɛ yèé tse bɛ́ɛ̀#ɛ́. 33Ńbɛ̀ɛ́, ɔnɔbɛ̃̀ɛ̃#ɛ́ ti ma kíbí iŋɛ́#ɛ́ lɔ fúu gbà#á, tsí odzo wà tseé, tsí ó kpé ŋíŋá kpàkpàkpà, tsí ó káà kálɛ̀ nábɛ́-Yèésù, tsí kíbí ó tse iŋɛ́ ŋa#á gbà kpó#ɛ́, ó dzɛ́ɛ̀rã̀ fúu. 34Tsí Yèésù fɔ̀ fúu ní: Ɔma, àtsùgbée kíbí ó nɛ́ àkaralé si ńǹtá-òŋu#ɛ́, ní Ɔ̀ɖáyé bɔɔ́#ɛ́, kó tó ńlé ire fòò. Ó ɖi, kàkó rí àrɔ̃̀#ɛ́ láyé ró.

35Ńǹwèrè yèé Yèésù wà wíìnyɛ̀ nyɛ̀ŋɛ̀#ɛ́, ɔ̀nyà-kã̀ ti ńlé-onùgbó-ilé-ìkpàɖé-ɔma-Ìyúɖà ŋa#á wá, tsí wáa wí fú onùgbó#ɛ́ ní: Ɔma‐ɛ̀ ti kú ná. Kí tse tsí ó wà ɖɔ́kpɔ fú Akɔ́nɛ ró?

36Ó ɖi, Yèésù kò mú ɔ̀kã̀ ńnɛ̀ fú ŋa. Ó fɔ̀ fú onùgbó#ɛ́ gé ní: Ɛ̀ɖɔ̃̀ kó máa ɖáa. Kó nɛ́ àkaralé si ńǹtá-òŋu gé.

Tsí à sɛ̃̀ dzì nɔ́ɔ̀nà. 37Kíbí à làkóò#ɛ́, kò dzɛ́ ní ɔ̀nyà-kã̀ kpókpó kó tɛ̀ náànyì-òŋu láre Òkúta òŋu Yòhánà† ɔmànà-Yàkúbù, má nára-Yàkúbù òŋu ká‐ɛ̀ gbo. 38Kíbí à káà tó ńlé-onùgbó-ilé-ìkpàɖé-ɔma-Ìyúɖà ŋa#á, Yèésù rí kíbí ara-ɔ̀nyà ŋa gboná si, tsí à wà fòtalɛ̀, tsí wà sɔkṹ, tsí wà ɖúgbe kũkũ#ɛ́. 39Tsí ó wɔlé#ɛ́ lɔ. Tsí ó wà wí fú ŋa ní: Kí tse tsí à wà fòtalɛ̀, tsí wà sɔkṹ tó bɛ́ɛ̀? Maɖé#ɛ́ kò kú, ó wà sɔ̃rũ ni.

40Kíbí ó wí bɛ́ɛ̀#ɛ́, à dzì náàrĩ́ fúu. Ńbɛ̀ɛ́, ó lé ɔ̀nyà kpó fùɖá. Tsí ó kpe boba-maɖé#ɛ́ òŋu ìná‐ɛ̀ má nára-ɔmatsɛ́‐ɛ̀ mɛ́ɛta ŋa#á, tsí à wɔ̀ ńǹɖìsũ̀#ɛ́ lɔ. Ńbɛ̀ ní maɖé#ɛ́ wà#á. 41Tsí ó dzi ɔwɔ́-maɖé#ɛ́, tsí ó wà wí fúu ńǹlú-ŋa ní: Tàlítà kúmì. Òkpì‐ɛ̀ ní dzɛ́ ní: “Èkíɖã, ǹ wà wí fɛ́ɛ ní ǹɖe.”

42Gbòkã́#á, maɖé#ɛ́ ǹɖe, tsí kpé rírɛ̃̀. Ɔɖɔ̃́ máàméèdzì ní wà fúu#ɛ́. Kíbí à rí bɛ́ɛ̀#ɛ́, ó mu àŋa kpó tó bɛ́ɛ̀. 43Tsí Yèésù kɔ̀ fú ŋa ní: Ká máa wíi fú ɔ̀nyà-kã̀ kpókpó. Tsí ó ní: Ká wo dzídzɛ fúu, tsí kó dzɛ.

Đang chọn:

Mákò 5: ngl

Tô màu

Sao chép

So sánh

Chia sẻ