Mákò 4

Yèésù mú àtsòko-kã̀, tsí ń kpòwe fú ɔ̀nyà ŋa

(Màtéwò 13:1-5; Lúkà 8:4-8)

1Náànyì-bɛ́ɛ̀#ɛ́, Yèésù sɛ̃̀ wà tsɛ̀kɔ́ fú ɔ̀nyà ŋa ró. À wà nétíɖò tsítsédzú tɛ̀ŋgɛ̀lɛ̀ɛ̀#ɛ́ si, tsí ɔ̀nyà kpíkpɔ̀ wáa sú wérí‐ɛ̀. Kíbí à kpɔ̀ tó#ɛ́, Yèésù sá wɔ̀ nɔ́kɔ̃̀-odzómi-kã̀. Ó dzokó ńnɔ́-ɔkɔ̃̀#ɛ́ si, ńǹtá-oɖò#ɛ́, tsí èrò#ɛ́ kpó wà ńlɛ̀ nétíɖò#ɛ́ si. 2Ó kpòwe ŋa, tsí ń tsɛ̀kɔ́ fú ŋa ti nára-iŋɛ́ kpíkpɔ̀. Ó wà fɔ̀ fú ŋa ńnɔ́-ɛ̀kɔ́‐ɛ̀ ní:

3È rɛ̃tígbè! Ó ɖi nɔ́dzɔ́-kã̀, tsí àtsòko-kã̀ ǹɖe, tsí lɔ nóko kó lɔ káà gbɛ̃ iŋɛ́. 4Kíbí ó tó#ɛ́, ó wà nyàá kã́ wérí nóko#ɛ́. Kíbí ó wà nyàá kã́ bɛ̀ɛ́#ɛ́, ɔma kã̀ŋa káà ɖà nódzú-ɔ̀nà, tsí ɛyɛ ŋa wáa se ŋá dzɛ tsàmtsàm. 5Tsí ɔ̀kã̀ ŋa káà ɖà ńlɛ̀-òkúta, ńbí ilɛ̀ kò kpɔ̀#ɛ́. Kò kpɛ̃́ gé#ɛ́, à wù, iŋɛ́ yèé tse#ɛ́, ilɛ̀-ibɛ̀ bɛ̀ kò kpɔ̀ fú ŋa. 6Kíbí odzúùrɔ̃̀ tsí#ɛ́, ó dzó ŋa kpa kpó, tsí à kú, iŋɛ́ yèé tse#ɛ́, à kò ta ogùgù.

7Ìrɔ́ kã̀ŋa gbo káà ɖà nágúgú, tsí à wù, tsí agúgú ŋa#á gbo wù, tsí ɖonùgbó, tsí fà mú ŋa, tsí kpa ŋá, tsí à kò nyáa so ró. 8Ńbɛ̀ɛ́, òmírɛ̃̀ kã̀ŋa gìɖì káà ɖà ńlɛ̀ rere, tsí à wù títí ɖonùgbó, tsí so ɔma. Náàŋírĩ-ŋa#á, ɔ̀kã̀ ŋa so ɔma ɔgbã̀wó, ɔ̀kã̀ ŋa gbo so ɔma ɔgɔ́ɔta, tsí ɔ̀kã̀ ŋa gbo so ɔma ɔgɔ́ɔrú.

9Tsí Yèésù fɔ̀ máa ní: Ɛnɛ yèé nɛ́ etí-ìgbɔ̃́ɔ̃̀rã̀ kó máa ń tsoɖi.

Kí tse tsí Yèésù kpòwe ŋa, tsí wà ń wíìnyɛ̀ fú ɔ̀nyà ŋa?

(Màtéwò 13:10-17; Lúkà 8:9-10)

10Kíbí Yèésù ǹɖe náàŋírĩ-ɔ̀nyà kpíkpɔ̀ ŋa#á, atɛ̀náànyì‐ɛ̀ òŋu ɔmatsɛ́‐ɛ̀ máàméèdzì ŋa#á, à wà bèrèé ní kó nya òkpì-òwe ŋa#á fú àŋa. 11Tsí ó wí fú ŋa ní: Àŋa-òŋu, Ɔ̀ɖáyé tsí ɔ̀nà fú ŋa ní ká gbɔ́ afɔ̀-inɔ́ ti nára-kíbí nákó dzoyè gbà#á. Ó ɖi, ɛnɛ yèé ŋa kò wà náàŋírĩ-ŋa#á, ó wà wí afɔ̀ kpó fú ŋa nóòwe nóòwe ni, 12àtsùgbée “bí à wà wòrã ni ká máa wà rírã, tsí bí à wà gbɔ̃́ɔ̃̀rã̀ ní ká máa wà gbɔ́ òkpì-afɔ̀-kã̀. Bí kò tsi bɛ́ɛ̀#ɛ́, à má sɛ̃̀ náànyì-íbàɖí tsítse, tsí Ɔ̀ɖáyé má múu tɔrɛ fú ŋa.”#4:12 Ìwé-Yèsáyà 6:9-10 (Ésaïe 6:9-10)

Yèésù wà nya òkpì-òwe yèé ó kpa ti nára-àtsòko-kã̀#á

(Màtéwò 13:18-23; Lúkà 8:11-15)

13Tsí ó nyí, tsí wà wí fú ŋa ní: À kò gbɔ́ òkpì-òwe tsãŋgbãrĩ yèé bɛ́ɛ̀? Tsí bí à nákó nyáa tse fáà, tsí gbɔ́ òkpì-àtíbɔ̀ ŋa ńǹkɛ̀ɛ́?

14Tsí ó kpé òkpì-òwe#ɛ́ nyínyà fú ŋa ní: Ɔma dzídzɛ yèé àtsòko#ɛ́ gbɛ̃̀#ɛ́, afɔ̀-Ɔ̀ɖáyé ni. 15Báàyí#ɛ́, ɔ̀nyà kã̀ŋa dzɛ́ odzú-ɔ̀nà, ńbí afɔ̀-Ɔ̀ɖáyé tsubú si#ɛ́. Ɛnɛ nyɛ̀ŋɛ̀ ŋa#á, kíbí afɔ̀#ɛ́ dzì nétí-ŋa gé#ɛ́, Ètsù† wáa tó, tsí nyàá ǹɖe néwo-ŋa. 16Tsí olòmírɛ̃̀ kã̀ŋa gbo dzɛ́ ilɛ̀-òkúta ńbí ɔma dzídzɛ kã̀ŋa káà tsubú si#ɛ́. Ɛnɛ nyɛ̀ŋɛ̀ ŋa#á, kíbí à gbɔ́ afɔ̀-Ɔ̀ɖáyé#ɛ́, à gbàá òŋu ayè títɛ́ gbòkã́. 17Ó ɖi, à kò tse tsí kó ta ogùgù múlɛ̀ rere ńnɔ́-ŋa. À náa gbà gbɔ́ fú ìwèrè-kã̀ gé ni. Tsí bí à waà kpotsèéré nàmí bí à waà tsoró bá ŋa náàtsùgbée kíbí à gba afɔ̀-Ɔ̀ɖáyé gbɔ́#ɛ́, à náa kpɔ ɛsɛ̀ ńnɛ̀ gbòkã́. 18Tsí olòmírɛ̃̀ kã̀ŋa gbo ró dzɛ́ agúgú ńbí ɔma-dzídzɛ ŋa#á tsubú si#ɛ́. Ɛnɛ nyɛ̀ŋɛ̀ ŋa gbo gbɔ́ afɔ̀-Ɔ̀ɖáyé#ɛ́. 19Ó ɖi ìsérè-iŋɛ́-ayé ŋa lárè ŋá òŋu kíbí owó náa rúnɛ, tsí à náa wà wòó nódzú-ìkpã́#á, má nára-ìsérè-ɖíɖɔ̃̀ yèé wà ńǹtalɛ̀ bí#ɛ́ náa wɔ̀ néwo fú ŋa, tsí náa ɖɔ́kpɔ fú afɔ̀-Ɔ̀ɖáyé yèé à mú si néwo#ɛ́, tsí kà nyáa so èso-kã̀ kpókpó ńnɔ́-ayé-ŋa. 20Ńbɛ̀ɛ́, olòmírɛ̃̀ kã̀ŋa gbo dzɛ́ ilɛ̀-ire ńbí ɔma dzídzɛ kã̀ŋa káà tsubú si#ɛ́. Ɛnɛ nyɛ̀ŋɛ̀ ŋa#á, kíbí à gbɔ́ afɔ̀-Ɔ̀ɖáyé#ɛ́, à gbàá gbɔ́, tsí ń tsitsɛ́ tse. À wà kíbí ɔma-dzídzɛ bɛ́, tsí à wù, tsí so rere. Ìkùbɔ̀ so ɔma ɔgbã̀wó, ìkùbɔ̀ so ɔma ɔgɔ́ɔta, tsí ìkùbɔ̀ gbo so ɔma ɔgɔ́ɔrú.

È tsɔ́ éwo-ara-ŋɛ́ nɛ́ɛ̀kɔ́ yèé è wà gbà#á

(Lúkà 8:16-18)

21Tsí Yèésù wà wí fú ŋa ró ní: À kà tɔ́ kanɖé gú, tsí mú àwò ɖée málɛ̀ nàmí tsí ń bɔ̀ nábɛ́-àgbà. À náa kɛ́ɛ gú ńǹtá-kpènkpéle ni nɔ̀. 22Bɛ́ɛ̀ ké ní, iŋɛ́ ɔ̀kã̀lɔ́ɔ̀kã̀ yèé à ń ɖúkù si báàyí#ɛ́, à ń ɖúkù, àtsùgbée ká wáa nyàá si ńgbaŋgba ni. Ɛ̃ɛ̃, iŋɛ́ ɔ̀kã̀lɔ́ɔ̀kã̀ yèé à ɖé má si báàyí#ɛ́, à ɖée má, àtsùgbée ká wáa nyàá si ńmímá ni. 23Ɛnɛ yèé nɛ́ etí-ìgbɔ̃́ɔ̃̀rã̀ kó máa ń tsoɖi.

24Tsí Yèésù wà wí fú ŋa ní: Kíbí è wà gba ɛ̀kɔ́ gbà#á, è tsɔ́ éwo-ara-ŋɛ́ ŋa! Àwò-ìrɔ́ yèé nàa ń kpũ̀rã̀ã́ fúnɛ#ɛ́, nyɛ̀ŋɛ̀ ké ní nàa ń gbàá#á. 25Ó ɖi, ɛnɛ yèé nɛ́#ɛ́, à nákó fúu máa, tsí ɛnɛ yèé kò nɛ́#ɛ́, oɖé tsígíɖí yèé gìɖì ó nɛ́#ɛ́, à nákó gbàá nɔ́wɔ́‐ɛ̀.

Yèésù wà kpòwe ti nára-ɔma-dzídzɛ-kã̀ yèé wù nɔ́wɔ́-ara‐ɛ̀#ɛ́

26Tsí ó sɛ̃̀ wà wí fú ŋa ró ní: Ká rí kíbí Ɔ̀ɖáyé wà dzoyè gbà#á. Ó wà kíbí àtsòko náa lɔ nóko káà kã́ ɔma-dzídzɛ bɛ́#ɛ́ ni. 27Tsí nóoru náa sũ̀, tsí bí ilɛ̀ má ná dzí, tsí ɔma-dzídzɛ#ɛ́ náa wù, tsí wà ɖonùgbó làkóò, tsí òŋu ká‐ɛ̀ kà ma bí iŋɛ́ ŋa#á wà lɔ gbà#á.

28Ilɛ̀ òŋu ká‐ɛ̀ ní náa tse tsí ɔma-dzídzɛ yèé à gbɛ̃̀#ɛ́ náa wù#ɛ́. Náàtsɛ̃̀tsɛ̃̀#ɛ́, náa ɖonùgbó, tsí ɖi ɔ̀kpá, tsí náa ɖi arũ, tsí tú, tsí náa ɖi dzídzɛ ńǹkɛ̀ɛ́. 29Bí dzídzɛ#ɛ́ gbɛ̃ ná, ɔ̀nyà náa ǹɖe, tsí kɛ́ kàmbílíkà, tsí kpé itsɛ́ si ńnɛ̀, iŋɛ́ yèé tse#ɛ́, ìwèrè ɖíɖá‐ɛ̀ ní tó#ɛ́.

Yèésù wà kpòwe ti nára-oyè-Ɔ̀ɖáyé

(Màtéwò 13:31-32,34; Lúkà 13:18-19)

30Tsí ó sɛ̃̀ wà wí fú ŋa ró ní: Òŋu kó kɛ́ kíbí Ɔ̀ɖáyé náa dzoyè gbà#á, tsí ń kpòwe-kã̀ fú ŋa. Òŋu kó kpòwe-kã̀, tsí kó ɖé báa. 31Ó wà kíbí ɔma-dzídzɛ-kã̀ bɛ́. À náa kpèé ní mùtáɖì. Ɔma-dzídzɛ-kã̀ kpókpó náyé gbaŋgba#á kò tse tsígíɖí tóo. Tsí à náa kɛ́ɛ, tsí gbɛ̃̀ɛ̃́ nóko. 32Tsí bí à gbɛ̃̀ɛ̃́ tã́#á, náa wù, tsí ɖonùgbó, tsí náa ɖi egi, tsí náa la akpá, tsí náa lákṹ láre egi-iŋɛ́-ɔbɛ̀ ɔ̀kã̀lɔ́ɔ̀kã̀ kpó. Tsí náa la akpá, títí ɛyɛ ŋa nákó nyáa kɔ́lé si nábɛ́tù‐ɛ̀.

33Òwe kpíkpɔ̀ kpíkpɔ̀ ìrɔ́-bɛ́ɛ̀ ní náa kpa, tsí wà ń wí afɔ̀-Ɔ̀ɖáyé fú ŋa#á. Náa kpòwe ńǹmarũ kíbí à nákó nyáa gbɔ́ òkpì‐ɛ̀ gbà#á. 34Kà wíìnyɛ̀ fú ŋa, tsí kó máa kpòwe. Ńbɛ̀ɛ́, bí ó bɔ òŋu ɔmatsɛ́‐ɛ̀ ŋa sɔ̃́ŋú, náa nya òkpì‐ɛ̀ fú ŋa kpó.

Yèésù ɖá awu lákṹ-kã̀ ɖóro

(Màtéwò 8:23-27; Lúkà 8:22-25)

35Nɔ́dzɔ́ nyɛ̀ŋɛ̀ ké ńǹwèrè-alɛ́, Yèésù wí fú ɔmatsɛ́‐ɛ̀ ŋa ní: Àŋa kó kadzá lɔ náàtàkè-èkéèdzì-oɖò tsítsédzú tɛ̀ŋgɛ̀lɛ̀ɛ̀#ɛ́.

36Tsí kíbí Yèésù ti wɔ̀ nɔ́kɔ̃̀-odzómi#ɛ́ si#ɛ́, ɔmatsɛ́‐ɛ̀ ŋa kɛ́ɛ, tsí à kɔ ɔ̀nyà kpíkpɔ̀ ŋa#á dzɔ̀ɔ́, tsí dzì nɔ́ɔ̀nà nɛ́sɛ̀ nɛ́sɛ̀ gbòkã́. Tsí ɔkɔ̃̀-odzómi kã̀ŋa gbo lɔ báa. 37Kíbí à wà ńǹtá-oɖò#ɛ́ làkóò#ɛ́, awu lákṹ-kã̀ kpé tsítse gé, tsí omi kpé kpíkpa nódzú-oɖò#ɛ́, tsí wà ɖà nɔ́kɔ̃̀#ɛ́ títí wà kɔ̃́ɔ̃ bàa. 38Ńǹwèrè nyɛ̀ŋɛ̀#ɛ́, Yèésù wà náànyì-ɔkɔ̃̀#ɛ́, tsí mú éwo lé ńǹrɛɛ́wo si, tsí wà sɔ̃rũ. Tsí ɔmatsɛ́‐ɛ̀ ŋa dzíi, tsí wà wí fúu ní: Akɔ́nɛ! Kíbí àa bàkó tsɛ̀rá#á fee, kò wà dzɔ afɔ̀-ara-ɛ̀ɛ niì?

39Tsí Yèésù dzí, tsí ǹɖe, tsí gbãdzú fefe bá awu#ɛ́, tsí fɔ̀ fúu oɖò#ɛ́ ní: Tsikó! Ɖóro!

Gbòkã́#á, awu#ɛ́ ɖá ɖóro, tsí ìɖì kíìɖì kpa kpó tíyɛ̃ tíyɛ̃ tíyɛ̃. 40Tsí ó wà wí fú ɔmatsɛ́‐ɛ̀ ŋa ní: Kí tse tsí odzo wà tse ŋá tó bɛ́ɛ̀ ná? Ó ɖi, à kò tì nɛ́ àkaralé gìɖì!

41Kíbí à rí bɛ́ɛ̀#ɛ́, odzo lákṹ-kã̀ tse ŋá, tsí à wà bere ara-ŋa ní: Bí ɛnɛ yèé wà fáà ńnɛ̀ɛ́ títí, tsí awu òŋu oɖò gìɖì gbo, à wà mú éwo dzó fúu ná!

Đang chọn:

Mákò 4: ngl

Tô màu

Sao chép

So sánh

Chia sẻ