مَتّیٰ 3
3
یحیی تَعمید بِریَنچینینگ واغظی
مَرقُس ۱:۱-۸؛ لوقا ۳:۱-۱۸؛ یوحنا ۱:۱۹-۲۸
1شُل گونلِرده یحیی تَعمید بِریَنچی گُرونوپ، یهودیه بیابانیندا واغیظ اِتمَگه باشلادی. 2اُل: «توبا اِدینگ، سِبَبی آسمانینگ پادیشاهلیغی قُلایلادی» دییَّردی. 3اینه، اِشعیا پیغامبارینگ اُل دییّپ:
«بیاباندا قیغیریانینگ سِسی:
”خودایینگ یُلونی تاییارلانگ!
اُنونگ یُل‍لارینی دُغرولانگ!“ دییَّر»#اِشعیا ۴۰:۳
دییّپ آیدان شُل آدامی یحیادیر.
4یحیانینگ دویه یونگوندِن لِباسلاری، بیلینده قاییشدان قوشاغی باردی. اُنونگ اییمیتی چِکیرتگه بیلِن بیابانینگ بالیدی. 5سُنگرا اورشلیمینگ، هِمّه یهودیه‌نینگ و اُردُن اِطرافینینگ هِمّه خالقی اُنونگ یانینا گِلدیلِر. 6اُلار گونَه‌لِرینی بُیون آلیاردیلار، یحیی هِم اُلاری اُردُن آرناسیندا تَعمید بِریپ چیقاریاردی.
7یحیی فَریسی‌لِرینگ و صادّوقی‌لارینگ اِنچِمه‌سینینگ تَعمید بِریلمِک اوچین اُز یانینا گِلیَندیکلِرینی گُرِنده، اُلارا شِیله دییدی: «اِی ییلانینگ نِسلی! گِلجِک غاضابدان قاچماغی سیزه کیم بیلدیردی؟ 8موندان بِیلَک اِدِن توبانگیزا میناسیپ میوه بِرینگ. 9اُز یانینگیزدان: ”بیزینگ آتامیز ابراهیمدیر“ دییّپ فیکر اِتمَنگ. مِن سیزه شونی آیدایین: خودای ابراهیم اوچین شو داشلاردان هِم فِرزِنت یارادیپ بیلیَندیر! 10و شو زامان پالتا باغلارینگ دویبونده یاتیر: قاوی میوه بِرمِیَن هِر بیر باغ چاپیلیپ، اُدا آتیلار. 11توبا اِدِندیگینگیزینگ نیشانی حُکمونده مِن سیزی سووا تَعمید بِریَرین، اِمّا مِندِن سُنگرا گِلجِک مِندِن-ده خاص گویچلیدیر. مِن اُنونگ کُووشلِرینی گُتِرمَگه-ده میناسیپ دَلدیرین. اُل سیزی مُقادِّس روحا هِم-ده اُدا تَعمید بِرِر. 12اُنونگ خارمان آراسّالایان چارشاخی اِلیندِدیر. اُل خارمان یِرینی سوپوریپ، بوغدایینی آمّارا ییغنار. سامانی بُلسا سُنمِز اُددا یاقار.»
عیسی تَعمیدلِندیریلیَر
مَرقُس ۱:۹-۱۱؛ لوقا ۳:۲۱-۲۲
13سُنگرا عیسی یحیی طارافیندان تَعمید بِردیریلمِک اوچین جلیل‌دِن اُردُنا، یحیانینگ یانینا گِلدی. 14اِمّا یحیی اُنی ساقلاپ: «سِن مِنی تَعمید بِرمِلی، سِنینگ اُزونگ مِنینگ یانیما گِلیَرسینگمی؟» دییدی. 15عیسی اُنگا: «دِگمه، حَضیر شِیله بُلسون، سِبَبی بیزه خودایینگ ایسلِگینی بِرجای اِتمِک گِلیشیَندیر» دییّپ جُغاپ بِردی.
16عیسی تَعمید بِریلیپ، سودان چیقان واقتیندا آسمان آچیلدی. عیسی خودایینگ روحونی کِپدِره مِنگزِش اُز اوستونه اینیپ گِلیَنینی گُردی. 17شُندا آسماندان گِلِن بیر سِس: «بو مِنینگ عزیز اُغلومدیر. مِن اُندان کَن راضیدیرین» دییدی.
Đang chọn:
مَتّیٰ 3: TUKIR
Tô màu
Chia sẻ
Sao chép
Bạn muốn lưu những tô màu trên tất cả các thiết bị của mình? Đăng ký hoặc đăng nhập
© Turkmen Truth