Những câu Kinh Thánh phổ biến từ Romeni 3

Chia sẻ

Godi fu e ije bu Jesu Kuraesi ma vierafevo ijiebuo ise ije fu giana aregaro fu karauniana ke una vame fuone ma ijia uniamo. Ro e boeje nono Godido nidua ijia no binobino baki ijadufuo maeje e boege nono ise boeje renoevo. Ro no uria ise renoekuva nobe Godido sanaema ije gake. Noeje noka e ise renoevo rove Godi fu Jesu Kuraesido kavuane fu korosi ijia usiaema ijia fume vekinu no ma rejuona karaunue. Areme fu kaenamuona una vame fuone maeje ijia unuome.

Godi fu e ije bu Jesu Kuraesi ma vierafevo ijiebuo ise ije fu giana aregaro fu karauniana ke una vame fuone ma ijia uniamo. Ro e boeje nono Godido nidua ijia no binobino baki ijadufuo maeje e boege nono ise boeje renoevo. Ro no uria ise renoekuva nobe Godido sanaema ije gake.

Godi fu Jesu Kuraesi kuamo fu e boeje ijiebuo ise ijadufuo barone. Jesu Kuraesi fu korosi ijia baronekina kavuane fuone fu ise nuvuone soejuoke. Ijadufuo eranebe no Jesu ma vierafekuva Godi fu no karaunuoke. Godi fu vame ije fu kema ijia fune vame fuone izege fu maturaena kemo ije dabe e boege no nijasue. Godi fu isuibe e boeje bu ise renoevo ije fu naebe migegire kena isekafiae. Ro fume mauikeigia oe vafaena fi ruae. Rove iviama fu e boeje bu ise renoejo ije kena isekafiaga bu ijia gana vierafero Godi fuka ma ijiaru kenoenoro bu ijiege vierafeke. Ro eranebe bu Jesu ma vierafevo ije fu karauniana ke una vame fuone maeje ijia uniamo.

E boeje no Godido akae ije noka mukoreigia nuvenoevo baki. Ijadufuo fu erare Godido nidua ijia maturaema baki. Ijadufuo Godido akae ije fu e boeje ise nuvuone no renoejo ije nijasuoga no ijia giana vierafevo.

Ro vua ijadufuo ije bune isuibe buki Sami ijia ijiege isoena kuae, E besukua fu naebe Godido nidua ijia maturae. Ro fu e besu erare Godi ma vierafe ro kuke vame fuone maeje gakiro reremo baki. Ro e boeje buka Godi ijuonena una vame ise ije nuvenoeve. Ro kuke fu besukua be fu erare vame maeje mimatana kenoeno baki.

Ijadufuo no vierafe e boeje bu Godido akae ije mukoreigia iriniavo ijadufuo bu niome fuone ijia maturaeva baki. Ro bune buone izege bu Jesu ma vierafevo ijia bune Godido nidua ijia bu maturae.

Ro jane vierafe e boeje maza boeje buka vua kufui kuaenoevo. Rove Godido vua kufui kuaemo baki. Ijadufuo maeje buki akae ije bu isuibe isoeva ijia fu ijiege kuae, Maza boeje anika vua ma ijiaru kuaenoega e bu fiene. Ro maza bino e gue bu ise one ijadufuo a kuarakuva ni vua ma ijiaru kuariaga bu fiena areno kuae.