Những câu Kinh Thánh phổ biến từ Awˬ hkuiˉ puiˍ ve li‸ 37

Chia sẻ

Teˇ pawˆ htaˇ, Yoˇseh‸ zuh‸ maˆ teˇ maˬ mawˬ leh, yawˇ ve awˬ viˉ paˍ teˇ hpaˍ hta‸ kʼoˆ maˍ piˇ ve teˇ yanˇ, yawˇ hui yawˇ hta‸ leuˉ leh kʼaw‸ nyi bawˬ jaˇ ve yoˬ.

Yaˍkoˆ lehˬ, a sha‸ mawˇ la htaˇ heh‸ yaˇ paˍ Yoˇseh‸ hta‸ gʼa ve pa taw, awˬ nu ve yaˇ teˇ hpaˍ a‸ kehˉ Yoˇseh‸ hta‸ yawˇ leuˉ leh ha‸ ve yoˬ. Chi pa taw, yawˇ hta‸ aˉ po‸ zuhˬ maˬ tawˉ feuˉ piˇ taˍ ve yoˬ.

Yawˇ hui ve awˬ pa lehˬ, yawˇ hui a‸ kehˉ Yoˇseh‸ hta‸ leuˉ leh ha‸ ve hta‸ yawˇ hui gʼa mawˬ ve teˇ yanˇ, yawˇ hui yawˇ hta‸ nyi bawˬ jaˇ leh shawˍ baˬ taˍ piˇ ve yoˬ.

Oˇ ve hkʼaw‸ nawˉ Yoˇseh‸ lehˬ, awˬ nu ve zuh‸ maˆ teˇ maˬ hta‸ kʼaw‸ mawˬ leh yawˇ ve awˬ viˉ paˍ teˇ hpaˍ hta‸ kʼaw‸ hto maˍ piˇ ve yoˬ. Yawˇ kʼoˆ ve, Ngaˬ zuh‸ maˆ teˇ maˬ hta‸ gʼa kʼaw‸ mawˬ ve yoˬ. Mvuhˇ nyi ha pa leh meu‸ keu shiˍ teˇ chi teˇ shiˍ ngaˬ hta‸ oˉ kʼoˍ pui laˇ ve hta‸ ngaˬ gʼa mawˬ ve yoˬ, teh‸ kʼoˆ ve yoˬ.

Yawˇ ve awˬ viˉ paˍ teˇ hpaˍ lehˬ, yawˇ hta‸ hkawehˉ ve nyi ma hkʼa biˇ cawˬ ve yoˬ. Ya‸ hkʼaˇ, yawˇ ve awˬ pa lehˬ awˬ lawn oˇ ve hta‸ hkʼaˬ htaˆ ka‸ dawˇ nyi chehˇ ve yoˬ.

Yawˇ kʼoˆ ve, Ngaˬ zuh‸ maˆ mawˬ ve nawˬ hui hta‸ a ciˉ hto laˇ shaˍ. Teˇ nyi htaˇ, ngaˬ hui lehˬ ti mi hkʼaw caˬ kʼa‸ teˇ hpaˍ hta‸ tsuh‸ hpoˆ chehˇ taˍ ve yoˬ. Oˇ htaˇ, ngaˬ ve caˬ kʼa‸ lehˬ hteˇ lehˬ huˉ sheˬ leh, nawˬ hui ve caˬ kʼa‸ teˇ hpaˍ ngaˬ ve caˬ kʼa‸ hkʼa caw zuhˇ lo chehˇ taˍ leh oˉ kʼoˍ ga hpoˆ pui ve yoˬ, teh‸ yawˇ hui hta‸ kʼoˆ piˇ ve yoˬ.

Laˬ-o‸. Ngaˬ hui yawˇ hta‸ tiˇ pehˍ leh iˉ kaˆ maˇ cawˬ ve nanˬ bawˍ teˇ maˬ hkʼaw baˬ keu-a veuˬ. Yawˇ hta‸ haiˬ ve to nuˇ to shaˆ che‸ caˇ ve yoˬ, teh‸ ngaˬ hui kʼoˆ hpeh‸ ve yoˬ. Oˇ hkʼe te ve hkʼaw, yawˇ zuh‸ maˆ oˇ ve hkʼaˬ hkʼe hpeh‸ kʼai tuˬ leh naˍ law nyi taˍ-a veuˬ, teh‸ kʼoˆ da‸ ve yoˬ.

Hkʼe te leh, Meˇdiˍanˍ chaw tanˇ kaˬ paˍ teˇ hpaˍ yawˇ hui awˬ paˇ lo gaˬ la ve teˇ yanˇ, yawˇ hui Yoˇseh‸ hta‸ nanˬ bawˍ hkʼaw gʼawˬ tawˆ leh, Iˉshaˍmeˍlaˆ chaw hui hta‸ nyiˇ chi hteh‸ hawˇ piˇ ve yoˬ. Chaw oˇ ve teˇ hpaˍ lehˬ Yoˇseh‸ hta‸ Eˇjiˇtu‸ mvuhˇmiˬ lo shiˍ kʼai ve yoˬ.

Yawˇ hui kʼoˆ ve, Nyi loˬ. Zuh‸ maˆ paˍ laˬ chehˇ ve yoˬ.

Yawˇ vuiˇ kuiˬ lo laˬ chehˇ ve hta‸ yawˇ hui gʼa mawˬ ve teˇ yanˇ, yawˇ hui yawˇ hta‸ tiˇ pehˍ tuˬ hkʼawˇ jehˬ da‸ ve yoˬ.

Naˬ tuˬ ka‸ taˇ te piˇ. Choˬ kaˬ heh puiˉ hkʼaw lo cawˬ ve nanˬ bawˍ chi ve hkʼaw yawˇ hta‸ yuˬ keu piˇ taˍ-a veuˬ, teh‸ kʼoˆ piˇ ve yoˬ. Yawˇ lehˬ, Yoˇseh‸ hta‸ yawˇ hui ve la‸ sheh hkʼaw ponˬ piˇ leh yawˇ ve awˬ pa geh kʼaw‸ kʼo‸-e peu gaˇ ve pa taw, chi hkʼe kʼoˆ ve yoˬ.