Những câu Kinh Thánh phổ biến từ Mateo 13

Chia sẻ

<<Wakin nunakunaqa alli allpaman murushqanömi kayan. Pëkunaqa Teyta Diospa willakïninta chaskikurmi Teyta Dios munashqannö kawayan. Tsëmi alli allpachö juk murullapita juk pachak (100) trïgu o joqta chunka (60) trïgu o kima chunka (30) trïgu wayushqannö kayan>>.

<<Wakin nunakunaqa kasha kasha chakraman murushqanömi kayan. Pëkunaqa Diospa willakïninta wiyarpis kë vïdachö imëkapaqpis llakikur y rïcu kananllapaq yarpakacharmi Diospa willakïninta qonqëkur mana wayuq trïgunö kayan.

Trïgu muruqa Teyta Diospa mandakïninpa willakïninmi. Wakin nunakunaqa chukru näniman murushqanömi kayan. Tsëmi Teyta Diospa willakïninta wiyarpis mana chaskikuyaptin Satanás shamur wiyayashqantapis qonqaratsin.

<<Wakin nunakunaqa ranra chakraman murushqanömi kayan. Pëkunaqa Diospa willakïninta wiyar kushishqam chaskikuyan. Kushishqa chaskikurpis sipinnaq trïgunömi këkäyan. Tsëmi Diospa palabranta chaskikuyashqanpita nunakuna chikiyaptin markäkïninta jaqiriyan.

<<Teyta Diospa mandakïninqa chakrachö qellë pamparaqmanmi iwalan. Juk nunash chakrachö atska qellë pamparëkaqta tarikunaq. Tsë qellëta tarïkurshi kashqanllaman pampëkunaq. Tsëpitanash llapan imëkantapis rantikïkur tsë qellë pamparëkaq chakrata kushishqa rantikurkunaq.

Wakin murunash alli allpaman ishkiyänaq. Tsëchö alli winamurshi alli espïgayuq kayänaq. Wakin espïgash juk pachak (100) trïguta wayunaq, wakin espïgash joqta chunka (60) trïguta wayunaq y wakinnash kima chunka (30) trïguta wayunaq.

Trïgu seguë tiempuyaq tsëllachö jaqiriyë. Cosëchachönam segaqkunata nishaq: <<Puntata ballïguta ëllurkur tersuyë kayanantsikpaq. Tsëpitana trïguta ëllurir qollqäman qotuyë>> > >>.