Những câu Kinh Thánh phổ biến từ Rom 8

Chia sẻ

Ex ba'n ku'n, tuj tcyakil in ak'nan Dios tu'n tel ba'n cye keju in che c'ujlan te, cye keju txco'majtl ke ic tza'nx t-ximbetz Dios.

Cyja'tzun k'ukl nc'u'je ti'j, mi a'l jun ba'n tel pa'nte ke ti'j tc'ujlalil Dios; mi camic, mi ju kchwinklal tzalu twitz tx'otx', mi ke anjel, mi ke nejenel minti' k'ancha'l, mi keju at cyipumal, mi ju at ja'lo, mi ju tzul, mi keju ate' twitz cya'j, mi keju ate' tjak'xi tx'otx', ex mi jun tch'isben Dios jacu ko el cypa'n ti'j tc'ujlalil Dios, aju ma tzaj k'o'n ke tu'n Jesucrist aju Kajaw.

Ax icx te Xewbaj Xjan in onin kuc'il tu'nju minti' kipun; porque minti' ba'n ku'n tza'n tten tu'n kna'n Dios; pero axte Xewbaj Xjan in cubsan ki'j twitz Dios tu'nju nimxix tajbil ki'j ex tu'nju minti' in cnet tumel ku'n tu'n kyolin.

¿Titzun oc kma' ti'j jlu? Ka a Dios kuc'il, ¿alcyetzun ba'n tk'ojl ki'j?

Cyja'tzun, mlay cub k'o'n cysentens tu'n cyxi' tuj najen akeju at cymojbabl cyib tuc'il Jesucrist, [akeju minti' in che bet ic tza'nx tajbil cychibjal, o'cx ic tza'n tajbil Xewbaj Xjan.]

Porque ka ma ko ximan ti'j ju tajbil kchibjal, camic in tzaj tu'n; pero ka ma ko ximan ti'j ju tajbil Xewbaj Xjan, tu'n jlu in tzaj k'o'n kchwinklal ex kmojbabl kib tuc'il Dios.

Masque icju, pero tuj tcyakil jlu in cubxix cyi'j ku'n nok tu'n Crist aju o ko tc'ujla.

Porque ma cub nximane, aju yajbil ke tuj tk'ijlalil ja'lo mya junx ta' tuc'il ju nimbil ke tzul, aju ctzajel tk'o'n Dios ke.

¿Alcye ba'n tel pa'nte ke ti'j tc'ujlalil Crist? ¿Apelo ju c'ixc'oj in tzaj ki'j, ex ka tu'n yajbil ke, ex ka tu'nju in ko yajlanjtz tu'n tlaj tyol Dios, ex ka tu'n we'yaj, ex ka tu'n kxbalun minti', ex ka tu'n xobajil, ex ka tu'n kcub byo'n?

Atzunte Dios in xpich'un tuj kanmi ex ojtzki'n tu'n alcye t-ximbetz Xewbaj Xjan ki'j; porque in cubsan Xewbaj Xjan cyi'j ocslal ic tza'n tajbil Dios.

Porque cycyakil keju ẍaklun tu'n T-xew Dios, atzun ke tc'wa'l Diosju.

Porque akeju in cybincha'n tajbil cychibjal, o'cx in che ximan ti'j ju tajbil cychibjal; atzun keju in cybincha'n tajbil Xewbaj Xjan, o'cx in che ximan ti'j ju tajbil Xewbaj Xjan.

Minti' cub t-xc'ayin Dios tu'n ttzaj tk'o'n Tc'wa'l, nok o'cx xi tk'o'n tu'n tcyim tu'n tlaj kil kcyakil. Ka ma tbincha ke icju, ¿tza'ntzun tten tu'n mi'n ttzaj tk'o'n tcyakil ke junx tuc'il Tc'wa'l?

Porque axte Xewbaj Xjan tuc'ix kanmi in cyma'n ka tc'wa'l Dios ko'. Ex ka tc'wa'l Dios ko', ax icx at koclen tu'n ttzaj k'o'n ketzbil; tu'n Dios ctzajel k'o'n ketzbil, ex at koclen ti'j etzbil ctzajel k'o'n te Crist; ka ma tzic'x ku'n junx tuc'il Crist, ax icx ko tel junx tuc'il tuj tajwalil tuj cya'j.

Porque aju xjal o'cx in ximan ti'j tajbil tchibjal, aj k'oj ti'j Dios, porque minti' in xi tniman aju tley Dios, ex mlay bant tu'n.

Porque tcyakil tch'isben Dios cucx in che ayonxix ti'j ex in cyajbe'n tu'n cytzaj tyec'un Dios alcye ke tc'wa'l.

Porque ba'n ku'n, tcyakil tch'isben Dios junx ate' tuj c'ixc'oj ex cucx cy-ayin ja'lo ic tza'n jun xu'j nnu'l itz'j tal.