Những câu Kinh Thánh phổ biến từ Cybinchben 5

Chia sẻ

Xi cytzak'we'n Pedro ex ke mastl apostl: —Tnejel ilxix ti'j tu'n t-xi knimane Dios, ex mya ke xjal.

Ex tcyakil k'ij minti' xi cycolin tu'n t-xi cyk'o'n xnak'tzbil tuj tja Dios ex tujile cyja xjal ex tu'n t-xi cypacba'n tkanil ba'n ti'j Jesús aju at toclen tu'n Dios.

Xitzun tma'n Pedro te: —Ananías, ¿tiku'n ma txi tk'o'na ambil te Satanás tu'n tocx tuj tanmiya tu'n tnic'ana yol twitz Xewbaj Xjan, ma cyaj ttzyu'na mij twi tx'otx'? ¿Na'nxtok t-xi tc'a'yina tx'otx', myapetzun teya? ex tej t-xi tc'a'yina tx'otx', ¿myapetzun tuj tcwenta ta' twi'? ¿Tiku'n ma cub t-ximana tuj tanmiya icju? Mya twitz xjal ma nic'ana yol, nok o'cx twitz Dios. Tejtzun tbinte Ananías ju yol lu, cub tz'ak ex cyim. Tzajtzun nim cyxobil cycyakil keju e binte jlu.

Ja'lotzun cxel nma'ne cyeye: Mi'n tz'oc cyk'on cyibe cyi'j xjal lu, ex mi'n che labte cyi'j; porque ka cyu'n xjal aju cyximbetz lu ex ju cyak'un, c'oquel yupjtzun; pero ka tu'n Dios, mlay bant tu'n tyupj cyu'ne; atwit tchi tuj cywitze, mya yajcu ti'j Dios in che k'ojine, chi Gamaliel.