Những câu Kinh Thánh phổ biến từ Matayo 19

Chia sẻ

Yeesu abaloleereza n'okubabwira ntya: «Ogu mwazi gurhakagalika oku bantu, aliko byooshi byakagalika emwa Nnamahanga.»

Leero, barhachiba babiri, sy'aliko bamaaba muntu muguma. Cho girhumire, echi Nnamahanga ashwekere, harhabaga chiro n'omuntu wagishwekuula.»

Yeesu abashubiza ntya: «Ka murhasaga gusoma okw'aMandiko Matagatiifu maderhere ntya: ‹Oku murhondero, Nnamahanga alemaga omulume n'omukazi?› Anashuba kuderha ntya: ‹Cho girhumire omulume aleka eshe na nyina, anabeera na mukaage, na bombi banaba mubiri muguma.›

Yeesu aja abwira abo bigirizwa baage ntya: «Muleke abaana bayinje emwani, murhalemaga mwababuza, bulaala abantu bali nk'aba baana bo banyina oBwami bw'empingu.»

Aliko bantu banene bali b'oburhanzi nji baaba bazinda, na banene bali b'obuzinda, nji baaba b'oburhanzi.»

«Na ngasi muntu walekere enju yaage, beene baabo n'abaali baabo, eshe na nyina, abaana changwa amashwa, elugulu waani, ayankirira kulusha kali egana. N'oku buzinda, nj'ahaabwa akalamo k'esiku n'amango.

Yeesu ashuba kumubwira ntya: «Akaba oshondere kuba muntu okwaneene, ogende, oguze ebintu byaawe byooshi, n' efuranga wabona, ozigabire abakene. Ntyo, waaba wachibikire obuchire empingu. Oku buzinda, ogaluke onkulikire.»

Yeesu amushubiza ntya: «Girhumire wambaza elugulu wa menja? Hali muguma yenyine onaba mwinja! Leero, akaba oshondere kuja omu kalamo k'okuli, oleme wakenga amarhegeko ma Nnamahanga.»

Mbabwirire kandi oku biyoloheere bweneene engamiya kugera omu hirhule hy'esindani, ahaali h'omuchire kuja omu Bwami bwa Nnamahanga.»

Leero nyoono mbabwirire oku, nk'omuntu alekeene na mukaage, nka burhali buhushi bonyine burhumire, n'ogushuba gushaba owindi, oyo muntu amenye oku ajirire obuhushi.»

Yeesu aja abwira abigirizwa baage ntya: «Okuli mbabwirire oku bikomeere omuchire kuja omu Bwami bw'empingu!