Những câu Kinh Thánh phổ biến từ Luqka 4

Chia sẻ

Boipaw muikhlaw khoeq kei hma a'luiq hni. Khlaung sounglai haqla a'klawnai khoeq klong sa'taung pawi ka'mhmyauk haqlai tawiq ya keiya Boipaw loeq a'mhaeq hni. A'supa klawq saw haq ánloeqtai tawiq ya, a'mikmusaw haq ánwa ba lai tawiq ya loeq mlungko pumyo sounglaisaw haq ánloetai tawiq ya ka'mhau haqlai khoeq Boipaw loeq keiya a'mhloeq hni. Nei khing khoeq Boipaw loeq yaq khlaungmyoe haqla yaq hmyaensi a'mplaq haqlai khoeq khing a'phlaet hni taeng a'phlaet.

Seiloeqkhaw Boiyesuq loeq nang Boi a'phlaet khoeq Boipaw poemakanoeng na'mkhoeqi laqai, yaq hmuqlongnoeng na'sai laqai nakkhoeq klamcawa a'hau taeng Manaqa a'msauki ba.

Boiyesuq loeqkhaw khlaung nakkhoeq ei-ok hongoeng noeng ma'sauk a'haeng seiyaq nakkhoeq klamcawa yok loeqteq a'tauk taeng a'hau.

Boiyesuq khoeq cimcai muikhlawoeng luiq loeqteq Yawdan mlaet phaela khoeq a'lo ba kiyoeng cimcai muikhlaw loeq yaqa tau wa a'thaw hoet.

Yaqateq Boiyesuq loeqkhaw nang Boipaw a mcamaitiq nakkhoeq klamcawa a'paw taeng a'hau.

Manaq loeqkhaw Boiyesuqa a'hmlaekinauk kiyoeng Boi hma khoeq sotba loeqteq a'la patak a'khwai a'laqi yai khoeq a'thini nauk.

Yaqkiyoeng Manaq loeq Boiyesuq khoeq nana a'hlung khoeq tonga ciqi pui nauk loeqteq neisomdaeka a'moeiq khoeq taengblei haqkhoeq ta'nak cawa a'mplaq poeiq. Manaq loeq nei phumthaung haqloeq nei somdaek khuwawq awlum khoeq kei ka'paek waiq khoeq khlaunga ka'paek noeng klongoeng nanga keiloeq ka'mpaekai. Keiya a'mkhoeqi naka nei a'moeiq khoeq awlum nanga ka'mpaekai taeng a'hau. Seiloeqkhaw Boiyesuq loeq nang Boi a'phlaet khoeq Boipaw poemakanoeng na'mkhoeqi laqai, yaq hmuqlongnoeng na'sai laqai nakkhoeq klamcawa a'hau taeng Manaqa a'msauki ba.

Yaqkiyoeng Manaq loeq Boiyesuqa Yeruqsalein mloeqa ciqi pui nauk loeqteq Boipawa wotpyuq dun kyong a'hlung sungthoq nang khoeq Boipaw caw a'sikcang naka nei dun thoq paiyiye. Boipaw loeq nanga a'mthin haqlai khoeq Boipaw mehon saw haqkhoeq nangtoiq a'tauk haq hni nakkhoeq klamcawa a'hau klongoeng nang khakhaw moeiq hlaqtiq. Nang na'kho khoeq lungoeng lalaqaqong yaqhniq loeq án kutoeng a'khaum haqlai taeng a'hau. Yaqateq Boiyesuq loeqkhaw nang Boipaw a mcamaitiq nakkhoeq klamcawa a'paw taeng a'hau.