Những câu Kinh Thánh phổ biến từ نامه رومیانِ کلیسایِ وَسین 3

Chia sẻ

چون هَمِه گُناه هَکُردَن و خُدایِ جَلالِ پیش کَم هارنَن. و خُدایِ فیضِ هَمره که ایتِا هدیه مِثانِ و اون آزادی یه خون بَها طریقِ جی که مسیحْ عیسی دِلِه دَرِه، صالِح بِشمارِسِّه بونِن.

این صالحی که خُدایِ جییِه، عیسی مسیحی ایمانِ راه جییِه، تمامِ اوشانِ نصیب بونِه که ایمان هارنَن. چون هیچ فرقی نُزارنِه

خُدا، عیسی مسیح رِه گُناهانِ کَفّاره یه مِثان معرِفی هَکُردِه. اون کَفّاره ای که اونه خونِ هَمره و ایمانِ راهِ جی بِدس هَنِه. این خُدایِ عدالتِ نَشان هَدَئنِ وَسین با، چون اون خودِشِه الهی صبرِ همره، اون گُناهانی که پیشتر اِتفاق دَکِته با رِه، نَدید بِیتِه. این کار اینه وَسین با تا خودِشِه عِدالَتِ این زَمانِه یه دِلِه نِشان هَدِه تا خودش عادل هَبو و تمام اوشانی هم که عیسی رِه ایمان دارِن، صالِح بِشمارِسِّه هَبون.

چون هیچ آدَمی دَنییِه که شَریعَتِ اعمالِ بِجا بیاردَنِ هَمرَه، خُدایِ نظر صالِح بِشمارِسِّه هَبو، بلکه شریعت، گُناه رِه اَمَرِه شِناساندِنِه.

هَمونجور که مقَدَسِ کِتابِ دِلِه بَنویشتِه هَبا: «هیچکی صالِح نیِه، حتی یه نَفَر. هیچکی با فَهم نییِه، هیچکی خُدایِ دُمّال نَگِردِنِه. همه از راه بِدَر هَبان، اوشان هَمدیگَرِ هَمرَه بی ارزش هَبان. هیچکی خوبی نُکانه، حتّی یِنَفَر.»

چون اَما اینه اعتقاد داریم که آدمی ایمانِ راهِ جی و بدون اینکه شریعت اعمال بِجا بیارِه، صالِح بِشمارِسِّه بونه.

اَصلاً! حتی اَگه تمام آدَمان دُروزَن هَبون، خُدا راسگوئه! هَمونجور که داوود پادشاه مَزمورِ دِلِه بَنویشتِه هَبا: «اینه وَسین، وقتی گَب زَنی، راس گونی وَ اون موقه که قضاوت کانی، تی قضاوت دُرسِّه.»