Những câu Kinh Thánh phổ biến từ Luke 4

Chia sẻ

“အရှင့်ရဲ့ ဉာဏ်အလင်းတော်ဟာ ငါနဲ့အတူတူ ဟိနီတော်မူယေ။ အဇာဖြိုက်လို့ဆိုကေ ဆင်းရဲသားတိအတွက် မင်္ဂလာသတင်းကောင်းကို ဟောကြားစီဖို့အတွက် ငါ့ကို ဘုရားရှင်က ရွီးကောက်ထားတော်မူဟာကြောင့် ဖြိုက်တေ။ ဘုရားရှင်ဟာ ထောင်ကျနီရေလူတိကို သူရို့ လွတ်ရာဖြိုက်ကြောင်း ပြောကြားစီဖို့၊ မျက်စိမမြင်ရေလူတိကို မျက်စိပြန်မြင်ရာဖြိုက်ကြောင်း ပြောကြားစီဖို့၊ ဖိနှိပ်ခံနီရတဲ့လူတိ လွတ်မြောက်စီဖို့နဲ့ ဒေကာလဟာ ဘုရားရှင်က သူ့ရဲ့လူမျိုးတိကို သူ့ရဲ့မဟာကရုဏာတော်ကို ပြသရေအချိန်ကာလဖြိုက်ဟာကို ကြေညာဖို့အတွက် ငါ့ကိုစီလွှတ်တော်မူဟာကြောင့် ဖြိုက်တေ” ဆိုပနာဖြိုက်ပါရေ။

ယေတာလဲ ကိုယ်တော်က မာရ်နတ်ကို “ကျမ်းစာထဲမာ အသင်ရဲ့အရှင်ဖြိုက်တဲ့ ဘုရားရှင်တစ်ပါးတည်းကိုယာ ရှိခိုးကိုးကွယ်ရဖို့ဖြိုက်ပြီးကေ သူ့ရဲ့အမှုတော်ကိုယာ ထမ်းဆောင်ရဖို့လို့ ဖော်ပြထားရေ” လို့ပြန်ပြောခရေ။

ယေတာလဲ ကိုယ်တော်က “‘ကျမ်းစာထဲမာ လူဟာ အစားအသောက်တစ်ခုတည်းအတွက်နဲ့ အသက်ရှင်ရဟာမဟုတ်’ လို့ရေးထားရေ” ဆိုပနာ မိန့်တော်မူလိုက်တေ။

ယပြီးကေ ကိုယ်တော်ယေရှုဟာ ဉာဏ်အလင်းတော်နဲ့ အတူဟိတော်မူပြီးကေ ဂျော်ဒန်မြစ်ကပြန်လာပနာ ဉာဏ်အလင်းတော်ရဲ့ ဦးဆောင်မှုနဲ့ တောကန္တာရထဲကို လားခရေ။

ယေခါ ကိုယ်တော်ကလည်း “ကျမ်းစာထဲမာ ‘အသင်ရဲ့ဘုရားရှင်ကို မစမ်းသပ်ရ’ လို့ရေးထားရေ” ဆိုပနာ မိန့်တော်မူလိုက်တေ။

မာရ်နတ်ဟာ ကိုယ်တော်ကို အမျိုးမျိုးဖြားယောင်းသွီးဆောင်ပနာ နောက်တစ်ခေါက်နှောက်ယှက်ဖို့ အခွင့်ကောင်းကိုထပ်လို့ စောင့်နီခပြီးကေ ကိုယ်တော်ပါးက ထွက်လားခရေ။

ယပြီးဟာနဲ့ မာရ်နတ်ဟာ ကိုယ်တော်ကို အကြီးကျယ်မြင့်ရေ တောင်ထိပ်တစ်ခုကို ခေါ်လားခပနာ ကမ္ဘာမာဟိရေ တိုင်းပြည်နိုင်ငံတိ အားလုံးကို အချိန်တအောင့်ချေအတွင်းမာ ပြခရေ။ ယပြီးကေ မာရ်နတ်က ကိုယ်တော်ကို “ငါဟာ တိုင်းပြည်နိုင်ငံအားလုံးကို အုပ်ချုပ်နိုင်တဲ့အခွင့်အာဏာနဲ့ လူတိရဲ့စည်းစိမ်ချမ်းသာအားလုံးကိုလည်း ပီးနိုင်ရေ။ အဇာဖြိုက်လို့ဆိုကေ ယင်းအရာတိကို ငါ့ကိုပီးထားပြီးရာဖြိုက်လို့ အသင် မဟုတ်ကေတောင် ငါပီးချင်တဲ့လူကို ပီးနိုင်ရေ။ ယင်းကြောင့် ငါ့ကို ရှိခိုးကိုးကွယ်ကေ ဒေအရာတိအားလုံးကို အသင့်ကို ငါပီးနိုင်ရေ” လို့ ပြောခရေ။ ယေတာလဲ ကိုယ်တော်က မာရ်နတ်ကို “ကျမ်းစာထဲမာ အသင်ရဲ့အရှင်ဖြိုက်တဲ့ ဘုရားရှင်တစ်ပါးတည်းကိုယာ ရှိခိုးကိုးကွယ်ရဖို့ဖြိုက်ပြီးကေ သူ့ရဲ့အမှုတော်ကိုယာ ထမ်းဆောင်ရဖို့လို့ ဖော်ပြထားရေ” လို့ပြန်ပြောခရေ။

မာရ်နတ်က ကိုယ်တော်ကို ဂျေရုဆလင်မြို့က ဗိမာန်တော်ရဲ့အမြင့်ဆုံးနီရာခေါ်လားပနာ “အသင်ဟာ ဘုရားရှင်ရဲ့သားတော်အမှန်ဆိုကေ ဒေနီရာကခုန်ချလိုက်” လို့ထပ်ပနာပြောလိုက်တေ။ “ဘုရားရှင်က သူ့ရဲ့နတ်ဒေဝါတိကို အသင့်ကို ကာကွယ်စောင့်ရှောက်ဖို့အတွက် ကျမ်းစာမှာ ဖော်ပြထားရေ။ အသင်ရဲ့ခြီထောက်တိကို ကျောက်တုံးတိနဲ့ထိပနာ မနာရအောင် သူရို့ရဲ့လက်တိနဲ့ ရွက်ထားကတ်လိမ့်မယ်” လို့ပြောခရေ။ ယေခါ ကိုယ်တော်ကလည်း “ကျမ်းစာထဲမာ ‘အသင်ရဲ့ဘုရားရှင်ကို မစမ်းသပ်ရ’ လို့ရေးထားရေ” ဆိုပနာ မိန့်တော်မူလိုက်တေ။